|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
20. Pussabuddhavamsavannana 1- tassa tissassa bhagavato aparabhage anukkamena parihayitva puna vaddhitva aparimitayuka hutva anupubbena hayitva navutivassasahassayukesu jatesu tasmimyeva kappe pusso nama sattha loke uppajji. Sopi bhagava paramiyo puretva tusitapure nibbattitva tato cavitva kasikanagare jayasenaranno aggamahesiya sirimaya nama deviya kucchismim patisandhim gahetva dasannam accayena sirimuyyane matukucchito nikkhami. So navavassasahassani agaram ajjhavasi. Tassa kira garulapakkhahamsasuvannabharati tayo pasada ahesum. Kisagotamippamukhani timsa itthisahassani paccupatthitani ahesum. So cattari nimittani disva kisagotamiya anupame nama putte uppanne alankatagajavarakkhandhagato mahabhinikkhamanam nikkhamitva pabbaji. Tam pabbajitam janakoti anupabbaji. So tehi parivuto cha mase padhanacariyam caritva tato ganam pahaya sattaham ekacariyam 2- anubruhayamano vasitva visakhapunnamaya annatare nagare annatarassa setthino dhitaya sirivaddhaya nama dinnam madhupayasam paribhunjitva sisapavane divaviharam vitinametva sayanhasamaye sirivaddhena nama upasakena 3- dinna attha tinamutthiyo gahetva amalakabodhim upasankamitva samaram marabalam vidhamitva sabbannutannanam patva "anekajatisamsaram .pe. Tanhanam khayamajjhaga"ti udanam udanetva sattasattaham bodhisamipeyeva vitinametva attana saddhim pabbajitanam bhikkhunam kotinam dhammapativedhasamatthatam disva akasena gantva sankassanagare isipatane migadaye otaritva tesam majjhe dhammacakkam pavattesi. Tada kotisatasahassanam pathamo abhisamayo ahosi. Tena vuttam:- @Footnote: 1 cha.Ma. phussa... 2 Si.,i. ekacari ekacariyam 3 Si.,i. tapasena--------------------------------------------------------------------------------------------- page335.
[1] "tattheva mandakappamhi ahu sattha anuttaro anupamo asamasamo pusso 1- lokagganayako. [2] Sopi sabbam tamam hantava vijatetva mahajatam sadevakam tappayanto abhivassi amatambuna. [3] Dhammacakkam pavattente pusse 2- nakkhattamangale kotisatasahassanam pathamabhisamayo ahu"ti. Tattha tattheva mandakappamhiti yasmim kappe dve buddha uppajjanti, so "mandakappo"ti hettha vutto. Vijatetvati pativissajjetva. Mahajatanti ettha jatati tanhayetam adhivacanam. Sa hi rupadisu arammanesu hetthupariyavasena punappunam uppajjanato samsibbanato suttagumbajalapuvasankhata jata viyati jatati vuttam, tam mahajatam. Sadevakanti sadevakam lokam. Abhivassiti pavassi. Amatambunati amatasankhatena dhammakathasankhatena dhammakathasalilena tappayanto pavassiti attho. Yada pana baranasinagere sirivaddho nama raja mahantam bhogakkhandham pahaya tapasapabbajjam pabbaji. Tena saha pabbajitanam tapasanam navutisatasahassani ahesum, tesam bhagava dhammam desesi, tada navutiya satasahassanam dutiyabhisamayo ahosi. Yada pana attano puttassa anupamakumarassa dhammam desesi, tada asitiya satasahassanam tatiyo dhammabhisamayo ahosi. Tena vuttam:- [4] "navutisatasahassanam dutiyabhisamayo ahu asitisatasahassanam tatiyabhisamayo ahu"ti. @Footnote: 1 cha.Ma. phusso 2 cha.Ma. phusse--------------------------------------------------------------------------------------------- page336.
Tato aparena samayena kannakujjanagare surakkhito rajaputto ca purohitaputto dhammasenakumaro ca pusse sammasambuddhe attano nagaram sampatte satthiya purisasatasahassehi saddhim paccuggantva vanditva nimantetva sattaham mahadanam datva dasabalassa dhammakatham sutva 1- bhagavati pasiditva te saparivara pabbajitva 1- arahattam papunimsu, tesam satthiya bhikkhusatasahassanam majjhe bhagava patimokkham uddisi, so pathamo sannipato ahosi. Puna kasinagare jayasenaranno satthimattanam natinam samagame buddhavamsam desesi, tam sutva pannasasatasahassani ehibhikkhupabbajjaya pabbajitva arahattam papunimsu. Tesam majjhagato bhagava patimokkham uddisi, so dutiyo sannipato ahosi. Puna mahamangalasamagame mangalakatham sutva cattalisasatasahassani pabbajitva arahattam papunimsu. Tesam majjhagato sugato patimokkham uddisi, so tatiyo sannipato ahosi. Tena vuttam:- [5] "sannipata tayo asum pussassapi mahesino khinasavanam vimalanam santacittana tadinam. [6] Satthisatasahassanam pathamo asi samagamo pannasasatasahassanam dutiyo asi samagamo. [7] Cattalisasatasahassanam tatiyo asi samagamo anupada vimuttanam vocchinnapatisandhinan"ti. Tada amhakam bodhisatto arindamanagare vijitavi nama khattiyo hutva tassa dhammam sutva bhagavati pasiditva tassa mahadanam datva maharajjam pahaya bhagavato santike pabbajitva tini pitakani uggahetva tepitakadharo mahajanassa @Footnote: 1 Si.,i. ayam patho na dissanti--------------------------------------------------------------------------------------------- page337.
Dhammakatham kathesi, silaparaminca puresi. Sopi nam "buddho bhavissati"ti byakasi. Tena vuttam:- [8] "ahantena samayena vijitavi nama khattiyo chaddayitva maharajjam pabbajim tassa santike. [9] Sopi mam buddho byakasi pusso 1- lokagganayako dvenavute ito kappe ayam buddho bhavissati 2- ahu kapilavhaya ramma nikkhamitva tathagato. 2- [10] Padhanam padahitvana .pe. dasaparamipuriya. [12] Suttantam vinayancapi navangam satthusasanam sabbam pariyapunitva sobhayim jinasasanam. [13] Tatthappamatto viharanto brahmam bhavetva bhavanam abhinnaparamim gantva brahmalokamaganchahan"ti. Tassa pana bhagavato kasikam nama nagaram ahosi. Jayaseno nama raja pita, sirima nama mata, surakkhito ca dhammaseno ca dve aggasavaka, sabhiyo namupatthako, cala ca upacala ca dve aggasavika, amalakarukkho bodhi, sariram atthapannasahatthubbedham ahosi, ayu navutivassasahassani, kisagotami nama aggamahesi, anupamo namassa putto, hatthiyanena nikkhami. Tena vuttam:- [14] "kasikam nama nagaram jayaseno nama khattiyo sirima nama janika pussassapi mahesino .pe. Bodhi tassa bhagavato amandoti pavuccati .pe.. @Footnote: 1 cha.Ma. phusso 2-2 cha.Ma. ime patha na dissanti--------------------------------------------------------------------------------------------- page338.
[22] Atthapannasaratanam sopi accuggato muni sobhate sataramsiva ulurajava purito. [23] Navutivassasahassani ayu vijjati tavade tavata titthamano so taresi janatam bahum. [24] Ovaditva bahu satte santaretva bahu jane sopi sattha atulayaso nibbuto so sasavako"ti. Tattha amandoti amalakarukkho. Ovaditvati ovadam datva, anusasitvati attho. Sopi sattha atulayasoti sopi sattha amitayasoti attho. "so jahitva amitayaso"tipi patho, tassa so sabbameva vuttappakaram visesam hitvati attho. Pusso kira sammasambuddho kusinarayam senarame 1- parinibbayi. Dhatuyo kirassa vittharika ahesum. Sesagathasu sabbattha pakatamevati. Pussabuddhavamsavannana nitthita. Nitthito attharasamo buddhavamso. -------------The Pali Atthakatha in Roman Book 51 page 334-338. http://84000.org/tipitaka/atthapali/read_rm.php?B=51&A=7405&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=51&A=7405&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=33&i=199 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=8144 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=10537 The Pali Tipitaka in Roman Character :- http://84000.org/tipitaka/read/roman_read.php?B=33&A=10537 Contents of The Tipitaka Volume 33 http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]