|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 22 : PALI ROMAN Sutta Pitaka Vol 14 : Sutta. Aṅ. (3): pañcaka-chakkanipātā
|
|
[215] Pancime bhikkhave adinava akkhantiya katame panca bahuno janassa appiyo hoti amanapo verabahulo ca hoti vajjabahulo ca sammulho kalam karoti kayassa bheda parammarana @Footnote: 1 Po. manta ....--------------------------------------------------------------------------------------------- page283.
Apayam duggatim vinipatam nirayam upapajjati ime kho bhikkhave panca adinava akkhantiya . pancime bhikkhave anisamsa khantiya katame panca bahuno janassa piyo hoti manapo na verabahulo hoti na vajjabahulo asammulho kalam karoti kayassa bheda parammarana sugatim saggam lokam upapajjati ime kho bhikkhave panca anisamsa khantiyati. [216] Pancime bhikkhave adinava akkhantiya katame panca bahuno janassa appiyo hoti amanapo luddho 1- ca hoti vippatisari ca sammulho kalam karoti kayassa bheda parammarana apayam duggatim vinipatam nirayam upapajjati ime kho bhikkhave panca adinava akkhantiya . pancime bhikkhave anisamsa khantiya katame panca bahuno janassa piyo hoti manapo aluddho 2- ca hoti avippatisari ca asammulho kalam karoti kayassa bheda parammarana sugatim saggam lokam upapajjati ime kho bhikkhave panca anisamsa khantiyati. [217] Pancime bhikkhave adinava apasadike katame panca attapi attanam upavadati anuvicca vinnu garahanti papako kittisaddo abbhuggacchati sammulho kalam karoti kayassa bheda parammarana apayam duggatim vinipatam nirayam upapajjati ime kho bhikkhave panca adinava apasadike . pancime bhikkhave anisamsa @Footnote: 1-2 Ma. luddo aluddo.--------------------------------------------------------------------------------------------- page284.
Pasadike katame panca attapi attanam na upavadati anuvicca vinnu pasamsanti kalyano kittisaddo abbhuggacchati asammulho kalam karoti kayassa bheda parammarana sugatim saggam lokam upapajjati ime kho bhikkhave panca anisamsa pasadiketi. [218] Pancime bhikkhave adinava apasadike katame panca appasanna nappasidanti pasannananca ekaccanam annathattam hoti satthu sasanam na katam 1- hoti pacchima janata ditthanugatim apajjati cittamassa nappasidati ime kho bhikkhave panca adinava apasadike. Pancime bhikkhave anisamsa pasadike katame panca appasanna pasidanti pasannananca bhiyyobhavo hoti satthu sasanam katam hoti pacchima janata ditthanugatim apajjati cittamassa pasidati ime kho bhikkhave panca anisamsa pasadiketi. [219] Pancime bhikkhave adinava aggismim katame panca acakkhusso dubbannakarano dubbalakarano sanganikapavaddhano 2- tiracchanakathapavattaniko ime kho bhikkhave panca adinava aggisminti. [220] Pancime bhikkhave adinava madhurayam katame panca visama bahuraja candasunakha valayakkha 3- dullabhapinda ime kho bhikkhave panca adinava madhurayanti. Akkosakavaggo dutiyo. @Footnote: 1 Ma. Yu. akatam . 2 Po. sanganikaya bandhano . 3 Po. balayakkha. Ma. Yu. valayakkha.--------------------------------------------------------------------------------------------- page285.
Tassuddanam akkosabhandanasilam bahubhani 1- dve akhantiyo apasadika dve vutta aggismim madhurena cati. ------------ Dighacarikavaggo tatiyo [221] Pancime bhikkhave adinava dighacarikam anavatthacarikam anuyuttassa viharato katame panca assutam na sunati sutam na pariyodapeti 2- sutenekaccena avisarado hoti balham 3- rogatankam phusati na ca mittava hoti ime kho bhikkhave panca adinava dighacarikam anavatthacarikam anuyuttassa viharato . pancime bhikkhave anisamsa samavatthacare katame panca assutam sunati sutam pariyodapeti sutenekaccena visarado hoti na balham rogatankam phusati mittava ca hoti ime kho bhikkhave panca anisamsa samavatthacareti. [222] Pancime bhikkhave adinava dighacarikam anavatthacarikam anuyuttassa viharato katame panca anadhigatam nadhigacchati adhigatam 4- parihayati adhigatenekaccena avisarado hoti balham rogatankam phusati na ca mittava hoti ime kho bhikkhave panca adinava dighacarikam anavatthacarikam anuyuttassa viharato . pancime bhikkhave @Footnote: 1 Ma. Yu. bahubhani . 2 Ma. pariyodapeti. aparampi idisameva . 3 Ma. Yu. galham. @aparampi idisameva . 4 Po. Ma. Yu. adhigata. aparampi idisameva.--------------------------------------------------------------------------------------------- page286.
Anisamsa samavatthacare katame panca anadhigatam adhigacchati adhigatam na parihayati adhigatenekaccena visarado hoti na balham rogatankam phusati mittava ca hoti ime kho bhikkhave panca anisamsa samavatthacareti. [223] Pancime bhikkhave adinava abhinivase 1- katame panca bahubhando hoti bahubhandasannicayo bahubhesajjo hoti bahubhesajjasannicayo bahukicco hoti bahukaraniyo abyatto 2- kimkaraniyesu samsattho viharati gahatthapabbajitehi ananulomikena gihisamsaggena tamha ca avasa pakkamanto sapekkho pakkamati ime kho bhikkhave panca adinava abhinivase 1- . Pancime bhikkhave anisamsa samavatthanivase 3- katame panca na bahubhando hoti na bahubhandasannicayo na bahubhesajjo hoti na bahubhesajjasannicayo na bahukicco hoti na bahukaraniyo byatto 4- kimkaraniyesu asamsattho viharati gahatthapabbajitehi ananulomikena gihisamsaggena tamha ca avasa pakkamanto anapekkho pakkamati ime kho bhikkhave panca anisamsa samavatthanivaseti.The Pali Tipitaka in Roman Character Volume 22 page 282-286. https://84000.org/tipitaka/read/roman_item.php?book=22&item=215&items=9&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=22&item=215&items=9&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=22&item=215&items=9&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=215&items=9&pagebreak=1&modeTY=2 Study Atthakatha :- https://84000.org/tipitaka/attha/attha.php?b=22&i=215 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]