paliTIPITAKA Volume 22 - Sutta Pitaka 14

page1.

Suttantapitake anguttaranikayassa tatiyo bhago ------- pancakanipato namo tassa bhagavato arahato sammasambuddhassa. Pathamapannasako sekhabalavaggo pathamo [1] Evamme sutam . ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum. Bhagava etadavoca pancimani bhikkhave sekhabalani katamani panca saddhabalam hiribalam ottappabalam viriyabalam pannabalam imani kho bhikkhave panca sekhabalani tasma tiha bhikkhave evam sikkhitabbam saddhabalena samannagata bhavissama sekhabalena hiribalena samannagata bhavissama sekhabalena ottappabalena samannagata bhavissama sekhabalena viriyabalena samannagata bhavissama sekhabalena pannabalena samannagata bhavissama sekhabalenati evam hi vo bhikkhave sikkhitabbanti. ^[1]- @Footnote: ¹ ito param Po. Ma. idamavoca bhagava attamana te bhikkhu bhagavato bhasitam abhinandunti.

--------------------------------------------------------------------------------------------- page2.

[2] Pancimani bhikkhave sekhabalani katamani panca saddhabalam hiribalam ottappabalam viriyabalam pannabalam . katamanca bhikkhave saddhabalam idha bhikkhave ariyasavako saddho hoti saddahati tathagatassa bodhim itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati idam vuccati bhikkhave saddhabalam. {2.1} Katamanca bhikkhave hiribalam idha bhikkhave ariyasavako hirima hoti hiriyati kayaduccaritena vaciduccaritena manoduccaritena hiriyati papakanam akusalanam dhammanam samapattiya idam vuccati bhikkhave hiribalam. {2.2} Katamanca bhikkhave ottappabalam idha bhikkhave ariyasavako ottappi hoti ottappati kayaduccaritena vaciduccaritena manoduccaritena ottappati papakanam akusalanam dhammanam samapattiya idam vuccati bhikkhave ottappabalam. {2.3} Katamanca bhikkhave viriyabalam idha bhikkhave ariyasavako araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu idam vuccati bhikkhave viriyabalam. {2.4} Katamanca bhikkhave pannabalam idha bhikkhave ariyasavako pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya idam vuccati bhikkhave pannabalam . Imani kho bhikkhave panca sekhabalani tasma tiha bhikkhave evam

--------------------------------------------------------------------------------------------- page3.

Sikkhitabbam saddhabalena samannagata bhavissama sekhabalena hiribalena ... Ottappabalena ... viriyabalena ... pannabalena samannagata bhavissama sekhabalenati evam hi vo bhikkhave sikkhitabbanti. [3] Pancahi bhikkhave dhammehi samannagato bhikkhu dittheva dhamme dukkham viharati savighatam saupayasam saparilaham kayassa ^[1]- bheda parammarana duggati patikankha katamehi pancahi idha bhikkhave bhikkhu assaddho hoti ahiriko hoti anottappi hoti kusito ^2- hoti duppanno hoti imehi kho bhikkhave pancahi dhammehi samannagato bhikkhu dittheva dhamme dukkham viharati savighatam saupayasam saparilaham kayassa bheda parammarana duggati patikankha . Pancahi bhikkhave dhammehi samannagato bhikkhu dittheva dhamme sukham viharati avighatam anupayasam aparilaham kayassa bheda parammarana sugati patikankha katamehi pancahi idha bhikkhave bhikkhu saddho hoti hirima hoti ottappi hoti araddhaviriyo hoti pannava hoti imehi kho bhikkhave pancahi dhammehi samannagato bhikkhu dittheva dhamme sukham viharati avighatam anupayasam aparilaham kayassa bheda parammarana sugati patikankhati. [4] Pancahi bhikkhave dhammehi samannagato bhikkhu yathabhatam nikkhitto evam niraye katamehi pancahi idha bhikkhave bhikkhu assaddho hoti ahiriko hoti anottappi hoti kusito @Footnote: ¹ Ma. sabbattha varesu etthantare casaddo atthi . ² Po. Yu. sabbattha varesu @kusito.

--------------------------------------------------------------------------------------------- page4.

Hoti duppanno hoti imehi kho bhikkhave pancahi dhammehi samannagato bhikkhu yathabhatam nikkhitto evam niraye . pancahi bhikkhave dhammehi samannagato bhikkhu yathabhatam nikkhitto evam sagge katamehi pancahi idha bhikkhave bhikkhu saddho hoti hirima hoti ottappi hoti araddhaviriyo hoti pannava hoti imehi kho bhikkhave pancahi dhammehi samannagato bhikkhu yathabhatam nikkhitto evam saggeti. [5] Yo hi koci bhikkhave bhikkhu va bhikkhuni va sikkham paccakkhaya hinayavattati tassa dittheva dhamme panca sahadhammika vadanupata ^1- garayham thanam agacchanti katame panca saddhapi nama te nahosi kusalesu dhammesu hiripi nama te nahosi kusalesu dhammesu ottappampi nama te nahosi kusalesu dhammesu viriyampi nama te nahosi kusalesu dhammesu pannapi nama te nahosi kusalesu dhammesu yo hi koci bhikkhave bhikkhu va bhikkhuni va sikkham paccakkhaya hinayavattati tassa dittheva dhamme ime panca sahadhammika vadanupata garayham thanam agacchanti. {5.1} Yo hi koci bhikkhave bhikkhu va bhikkhuni va sahapi dukkhena sahapi domanassena assumukhopi ^2- rudamano paripunnam parisuddham brahmacariyam carati tassa dittheva dhamme panca sahadhammika pasamsam ^3- thanam agacchanti @Footnote: ¹ Po. Ma. vadanupata garayha thana. Yu. vadanuvada garayha thana. @² Ma. pisaddo natthi. ito param idisameva . ³ Po. Ma. Yu. pasamsa thana. @ito param idisameva.

--------------------------------------------------------------------------------------------- page5.

Katame panca saddhapi nama te ahosi kusalesu dhammesu hiripi nama te ahosi kusalesu dhammesu ottappampi nama te ahosi kusalesu dhammesu viriyampi nama te ahosi kusalesu dhammesu pannapi nama te ahosi kusalesu dhammesu yo hi koci bhikkhave bhikkhu va bhikkhuni va sahapi dukkhena sahapi domanassena assumukhopi rudamano paripunnam parisuddham brahmacariyam carati tassa dittheva dhamme ime panca sahadhammika pasamsam thanam agacchantiti. [6] Na tava bhikkhave akusalassa samapatti hoti yava saddha paccupatthita hoti kusalesu dhammesu yato ca kho bhikkhave saddha antarahita hoti assaddhiyam pariyuddhaya ^1- titthati atha akusalassa samapatti hoti na tava bhikkhave akusalassa samapatti hoti yava hiri paccupatthita hoti kusalesu dhammesu yato ca kho bhikkhave hiri antarahita hoti ahirikam pariyuddhaya titthati atha akusalassa samapatti hoti na tava bhikkhave akusalassa samapatti hoti yava ottappam paccupatthitam hoti kusalesu dhammesu yato ca kho bhikkhave ottappam antarahitam hoti anottappam pariyuddhaya titthati atha akusalassa samapatti hoti na tava bhikkhave akusalassa samapatti hoti yava viriyam paccupatthitam hoti kusalesu dhammesu yato ca kho bhikkhave viriyam antarahitam hoti @Footnote: ¹ Ma. Yu. pariyutthaya. sabbattha varesu idisameva.

--------------------------------------------------------------------------------------------- page6.

Kosajjam pariyuddhaya titthati atha akusalassa samapatti hoti na tava bhikkhave akusalassa samapatti hoti yava panna paccupatthita hoti kusalesu dhammesu yato ca kho bhikkhave panna antarahita hoti duppanna pariyuddhaya titthati atha akusalassa samapatti hotiti. [7] Yebhuyyena bhikkhave satta kamesu lalita ^1- asitabyabhangim bhikkhave kulaputto ohaya agarasma anagariyam pabbajito hoti saddho pabbajito ^2- kulaputtoti alam vacanaya tam kissa hetu labbha hi ^3- bhikkhave yobbanena kama te ca kho yadisa va tadisa va ye ca bhikkhave hina kama ye ca majjhima kama ye ca panita kama sabbe kamatveva sankham gacchanti seyyathapi bhikkhave kumaro mando uttanaseyyako dhatiya pamadamanvaya kattham va kathalam ^4- va mukhe ahareyya tamenam dhati ^5- sigham sigham manasikareyya sigham sigham manasikaritva sigham sigham ahareyya {7.1} no ce sakkuneyya sigham sigham aharitum vamena hatthena sigham ^6- pariggahetva dakkhinena hatthena vankangulam ^7- karitva salohitampi ahareyya tam kissa hetu atthesa bhikkhave kumarassa vihesa nesa natthiti vadami karaniyanca kho evam ^8- bhikkhave dhatiya atthakamaya hitesiniya anukampikaya anukampam upadaya . yato ca kho bhikkhave so kumaro @Footnote: ¹ Po. calita. Yu. palalita . ² Ma. saddhapabbajito . ³ Po. Ma. Yu. @hisaddo natthi . ⁴ Ma. kathalam . ⁵ Ma. Yu. dhati . ⁶ Ma. Yu. sisam. @⁷ Ma. vankangulim . ⁸ Ma. etam.

--------------------------------------------------------------------------------------------- page7.

Vuddho ^1- hoti alampanno anapekkha pana ^2- bhikkhave dhati tasmim kumarasmim hoti attaguttodani kumaro nalam pamadayati {7.2} evameva kho bhikkhave yavakivanca bhikkhuno saddhaya akatam hoti kusalesu dhammesu hiriya akatam hoti kusalesu dhammesu ottappena akatam hoti kusalesu dhammesu viriyena akatam hoti kusalesu dhammesu pannaya akatam hoti kusalesu dhammesu anurakkhitabbo tava me so bhikkhave bhikkhu hoti yato ca kho bhikkhave bhikkhu no saddhaya katam hoti kusalesu dhammesu hiriya katam hoti kusalesu dhammesu ottappena katam hoti kusalesu dhammesu viriyena katam hoti kusalesu dhammesu pannaya katam hoti kusalesu dhammesu anapekkho panaham ^3- bhikkhave tasmim bhikkhusmim homi attaguttodani bhikkhave ^4- bhikkhu nalam pamadayati. [8] Pancahi bhikkhave dhammehi samannagato bhikkhu cavati nappatitthati saddhamme katamehi panhi assaddho bhikkhave bhikkhu cavati nappatitthati saddhamme ahiriko bhikkhave bhikkhu cavati nappatitthati saddhamme anottappi bhikkhave bhikkhu cavati nappatitthati saddhamme kusito bhikkhave bhikkhu cavati nappatitthati saddhamme duppanno bhikkhave bhikkhu cavati nappatitthati saddhamme imehi kho bhikkhave pancahi dhammehi samannagato bhikkhu cavati nappatitthati saddhamme. {8.1} Pancahi bhikkhave dhammehi samannagato bhikkhu na cavati patitthati saddhamme katamehi pancahi saddho bhikkhave bhikkhu na @Footnote: ¹ Po. Ma. Yu. sabbattha vuddho . ² Ma. Yu. dani . ³ Ma. Yu. danaham. @⁴ Ma. Yu. ayam patho natthi.

--------------------------------------------------------------------------------------------- page8.

Cavati patitthati saddhamme hirima bhikkhave bhikkhu na cavati patitthati saddhamme ottappi bhikkhave bhikkhu na cavati patitthati saddhamme araddhaviriyo bhikkhave bhikkhu na cavati patitthati saddhamme pannava bhikkhave bhikkhu na cavati patitthati saddhamme imehi kho bhikkhave pancahi dhammehi samannagato bhikkhu na cavati patitthati saddhammeti. [9] Pancahi bhikkhave dhammehi samannagato bhikkhu agaravo appatisso cavati nappatitthati saddhamme katamehi pancahi assaddho bhikkhave bhikkhu agaravo appatisso cavati nappatitthati saddhamme ahiriko bhikkhave bhikkhu agaravo appatisso cavati nappatitthati saddhamme anottappi bhikkhave bhikkhu agaravo appatisso cavati nappatitthati saddhamme kusito bhikkhave bhikkhu agaravo appatisso cavati nappatitthati saddhamme duppanno bhikkhave bhikkhu agaravo appatisso cavati nappatitthati saddhamme imehi kho bhikkhave pancahi dhammehi samannagato bhikkhu agaravo appatisso cavati nappatitthati saddhamme. {9.1} Pancahi bhikkhave dhammehi samannagato bhikkhu sagaravo sappatisso na cavati patitthati saddhamme katamehi pancahi saddho bhikkhave bhikkhu sagaravo sappatisso na cavati patitthati saddhamme hirima bhikkhave bhikkhu sagaravo sappatisso na cavati patitthati saddhamme ottappi bhikkhave bhikkhu sagaravo

--------------------------------------------------------------------------------------------- page9.

Sappatisso na cavati patitthati saddhamme araddhaviriyo bhikkhave bhikkhu sagaravo sappatisso na cavati patitthati saddhamme pannava bhikkhave bhikkhu sagaravo sappatisso na cavati patitthati saddhamme imehi kho bhikkhave pancahi dhammehi samannagato bhikkhu sagaravo sappatisso na cavati patitthati saddhammeti.

The Pali Tipitaka in Roman Character Volume 22 page 1-9. https://84000.org/tipitaka/read/roman_item.php?book=22&item=1&items=9&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=22&item=1&items=9&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=22&item=1&items=9&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=1&items=9&pagebreak=1&modeTY=2 Study Atthakatha :- https://84000.org/tipitaka/attha/attha.php?b=22&i=1 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22