พระไตรปิฎกเล่มที่ ๑๗ ภาษาบาลี อักษรไทย
พระสุตตันตปิฎกเล่มที่ ๙ สุตฺต. สํ. ขนฺธวารวคฺโค

         ขนฺธสํยุตฺตสฺส มูลปณฺณาสเก นตุมฺหากวคฺโค จตุตฺโถ
     [๗๑]   สาวตฺถิยํ  ฯ  ตตฺร  โข  ฯ  ยํ  ภิกฺขเว  น  ตุมฺหากํ  ตํ
ปชหถ   ตํ   โว   ปหีนํ   หิตาย   สุขาย  ภวิสฺสติ  ฯ  กิญฺจ  ภิกฺขเว
น   ตุมฺหากํ   ฯ  รูปํ  ภิกฺขเว  น  ตุมฺหากํ  ตํ  ปชหถ  ตํ  โว  ปหีนํ
หิตาย   สุขาย   ภวิสฺสติ   ฯ   เวทนา   น  ตุมฺหากํ  ตํ  ปชหถ  สา
โว   ปหีนา   หิตาย   สุขาย   ภวิสฺสติ   ฯ   สญฺา  น  ตุมฺหากํ  ฯ
สงฺขารา   น   ตุมฺหากํ   เต  ปชหถ  เต  โว  ปหีนา  หิตาย  สุขาย
ภวิสฺสนฺติ   ฯ   วิญฺาณํ   น   ตุมฺหากํ   ตํ   ปชหถ   ตํ   โว  ปหีนํ
หิตาย สุขาย ภวิสฺสติ ฯ
     [๗๒]   เสยฺยถาปิ  ภิกฺขเว  ยํ  อิมสฺมึ  เชตวเน ติณกฏฺสาขาปลาสํ
ตํ   ชโน   หเรยฺย   วา  ฑเหยฺย  วา  ยถาปจฺจยํ  วา  กเรยฺย  อปิ
นุ   ตุมฺหากํ  เอวมสฺส  อเมฺห  ชโน  หรติ  วา  ฑหติ  วา  ยถาปจฺจยํ
วา  กโรตีติ  ฯ  โน  เหตํ  ภนฺเต  ฯ  ตํ  กิสฺส เหตุ ฯ น หิ โน เอตํ
ภนฺเต  อตฺตา  วา  อตฺตนิยํ  วาติ  ฯ  เอวเมว  โข  ภิกฺขเว  รูปํ  น
ตุมฺหากํ  ตํ  ปชหถ  ตํ  โว  ปหีนํ  หิตาย  สุขาย  ภวิสฺสติ  ฯ  เวทนา
น   ตุมฺหากํ   ตํ  ปชหถ  สา  โว  ปหีนา  หิตาย  สุขาย  ภวิสฺสติ  ฯ
สญฺา   น   ตุมฺหากํ   ฯ   สงฺขารา   น   ตุมฺหากํ   ฯ  วิญฺาณํ  น
ตุมฺหากํ ตํ ปชหถ ตํ โว ปหีนํ หิตาย สุขาย ภวิสฺสตีติ ฯ
     [๗๓]   สาวตฺถิยํ  ฯ  ตตฺร  โข  ฯ  ยํ  ภิกฺขเว  น  ตุมฺหากํ  ตํ
ปชหถ   ตํ   โว   ปหีนํ   หิตาย   สุขาย  ภวิสฺสติ  ฯ  กิญฺจ  ภิกฺขเว
น   ตุมฺหากํ   ฯ  รูปํ  ภิกฺขเว  น  ตุมฺหากํ  ตํ  ปชหถ  ตํ  โว  ปหีนํ
หิตาย    สุขาย   ภวิสฺสติ   ฯ   เวทนา   น   ตุมฺหากํ   ฯ   สญฺา
น   ตุมฺหากํ   ฯ   สงฺขารา   น   ตุมฺหากํ   ฯ  วิญฺาณํ  น  ตุมฺหากํ
ตํ   ปชหถ   ตํ   โว   ปหีนํ  หิตาย  สุขาย  ภวิสฺสติ  ฯ  ยํ  ภิกฺขเว
น ตุมฺหากํ ตํ ปชหถ ตํ โว ปหีนํ หิตาย สุขาย ภวิสฺสตีติ ฯ
     [๗๔]   สาวตฺถิยํ  ๑-  ฯ  อถ  โข  อญฺตโร  ภิกฺขุ  เยน  ภควา
เตนุปสงฺกมิ   อุปสงฺกมิตฺวา   ภควนฺตํ  อภิวาเทตฺวา  เอกมนฺตํ  นิสีทิ  ฯ
เอกมนฺตํ   นิสินฺโน   โข   โส   ภิกฺขุ  ภควนฺตํ  เอตทโวจ  สาธุ  เม
ภนฺเต   ภควา   สงฺขิตฺเตน   ธมฺมํ   เทเสตุ   ยมหํ   ภควโต   ธมฺมํ
สุตฺวา  เอโก  วูปกฏฺโ  อปฺปมตฺโต  อาตาปี  ปหิตตฺโต  วิหเรยฺยนฺติ  ฯ
ยํ  โข  ภิกฺขุ  ๒-  อนุเสติ  เตน  สงฺขํ  คจฺฉติ  ยํ  นานุเสติ  น เตน
สงฺขํ คจฺฉตีติ ฯ อญฺาตํ ภควา อญฺาตํ สุคตาติ ฯ
     {๗๔.๑}   ยถากถํ   ปน  ตฺวํ  ภิกฺขุ  มยา  สงฺขิตฺเตน  ภาสิตสฺส
วิตฺถาเรน   อตฺถํ   อาชานาสีติ   ฯ   รูปญฺเจ   ภนฺเต  อนุเสติ  เตน
สงฺขํ   คจฺฉติ   ฯ   เวทนญฺเจ   อนุเสติ   ฯ   สญฺญฺเจ  อนุเสติ  ฯ
สงฺขาเร  เจ  อนุเสติ  ฯ  วิญฺาณญฺเจ  อนุเสติ  เตน  สงฺขํ  คจฺฉติ ฯ
รูปญฺเจ  ภนฺเต  นานุเสติ  น  เตน  สงฺขํ  คจฺฉติ ฯ เวทนญฺเจ นานุเสติ
น  เตน  สงฺขํ  คจฺฉติ  ฯ  สญฺญฺเจ  ฯ  สงฺขาเร  เจ  ฯ วิญฺาณญฺเจ
@เชิงอรรถ: ๑ โป. สาวตฺถิยํ อาราเม ฯ ยุ. สาวตฺถิอาราเม ฯ  ๒ โป. ภิกฺขเว ฯ
นานุเสติ   น   เตน  สงฺขํ  คจฺฉติ  ฯ  อิมสฺส  ขฺวาหํ  ภนฺเต  ภควตา
สงฺขิตฺเตน ภาสิตสฺส เอวํ วิตฺถาเรน อตฺถํ อาชานามีติ ฯ
     [๗๕]   สาธุ  สาธุ  ภิกฺขุ  สาธุ  โข  ตฺวํ  ภิกฺขุ  มยา  สงฺขิตฺเตน
ภาสิตสฺส   วิตฺถาเรน   อตฺถํ   อาชานาสิ   ฯ  รูปญฺเจ  ภิกฺขุ  อนุเสติ
เตน  สงฺขํ  คจฺฉติ  ฯ  เวทนญฺเจ  ฯ  สญฺญฺเจ  ฯ  สงฺขาเร  เจ  ฯ
วิญฺาณญฺเจ    อนุเสติ    เตน   สงฺขํ   คจฺฉติ   ฯ   รูปญฺเจ   ภิกฺขุ
นานุเสติ   น   เตน   สงฺขํ   คจฺฉติ  ฯ  เวทนญฺเจ  ฯ  สญฺญฺเจ  ฯ
สงฺขาเร   เจ   ฯ  วิญฺาณญฺเจ  นานุเสติ  น  เตน  สงฺขํ  คจฺฉติ  ฯ
อิมสฺส   โข   ภิกฺขุ   มยา   สงฺขิตฺเตน   ภาสิตสฺส   เอวํ  วิตฺถาเรน
อตฺโถ ทฏฺพฺโพติ ฯ
     [๗๖]   อถ  โข  โส  ภิกฺขุ  ภควโต ภาสิตํ อภินนฺทิตฺวา อนุโมทิตฺวา
อุฏฺายาสนา   ภควนฺตํ   อภิวาเทตฺวา   ปทกฺขิณํ   กตฺวา   ปกฺกามิ  ฯ
อถ   โข   โส  ภิกฺขุ  เอโก  วูปกฏฺโ  อปฺปมตฺโต  อาตาปี  ปหิตตฺโต
วิหรนฺโต    นจิรสฺเสว   ยสฺสตฺถาย   กุลปุตฺตา   สมฺมเทว   อคารสฺมา
อนคาริยํ     ปพฺพชนฺติ     ตทนุตฺตรํ    พฺรหฺมจริยปริโยสานํ    ทิฏฺเว
ธมฺเม   สยํ   อภิญฺา   สจฺฉิกตฺวา   อุปสมฺปชฺช   วิหาสิ   ขีณา  ชาติ
วุสิตํ   พฺรหฺมจริยํ   กตํ   กรณียํ   นาปรํ  อิตฺถตฺตายาติ  อพฺภญฺาสิ  ฯ
อญฺตโร จ ปน โส ภิกฺขุ อรหตํ อโหสีติ ฯ
     [๗๗]   สาวตฺถิยํ  ฯ  อถ  โข  อญฺตโร  ภิกฺขุ  เยน ภควา ฯเปฯ
เอกมนฺตํ   นิสินฺโน   โข   โส   ภิกฺขุ  ภควนฺตํ  เอตทโวจ  สาธุ  เม
ภนฺเต   ภควา   สงฺขิตฺเตน   ธมฺมํ   เทเสตุ   ยมหํ   ภควโต   ธมฺมํ
สุตฺวา  เอโก  วูปกฏฺโ  อปฺปมตฺโต  อาตาปี  ปหิตตฺโต  วิหเรยฺยนฺติ  ฯ
ยํ   โข   ภิกฺขุ  อนุเสติ  ตํ  อนุมิยฺยติ  ๑-  ยํ  อนุมิยฺยติ  เตน  สงฺขํ
คจฺฉติ   ยํ   นานุเสติ   น   ตํ   อนุมิยฺยติ   ยํ  นานุมิยฺยติ  น  เตน
สงฺขํ คจฺฉตีติ ฯ อญฺาตํ ภควา อญฺาตํ สุคตาติ ฯ
     {๗๗.๑}   ยถากถํ   ปน  ตฺวํ  ภิกฺขุ  มยา  สงฺขิตฺเตน  ภาสิตสฺส
วิตฺถาเรน  อตฺถํ  อาชานาสีติ  ฯ  รูปญฺเจ  ภนฺเต  อนุเสติ  ตํ อนุมิยฺยติ
ยํ  อนุมิยฺยติ  เตน  สงฺขํ  คจฺฉติ  ฯ  เวทนญฺเจ  อนุเสติ  ฯ  สญฺญฺเจ
อนุเสติ  ฯ  สงฺขาเร  เจ  อนุเสติ  ฯ  วิญฺาณญฺเจ อนุเสติ ตํ อนุมิยฺยติ
ยํ  อนุมิยฺยติ  เตน  สงฺขํ  คจฺฉติ  ฯ  รูปญฺเจ  ภนฺเต  นานุเสติ  น  ตํ
อนุมิยฺยติ   ยํ   นานุมิยฺยติ   น   เตน   สงฺขํ   คจฺฉติ  ฯ  เวทนญฺเจ
นานุเสติ   ฯ   สญฺญฺเจ   นานุเสติ   ฯ  สงฺขาเร  เจ  นานุเสติ  ฯ
วิญฺาณญฺเจ   นานุเสติ   น   ตํ   อนุมิยฺยติ   ยํ  นานุมิยฺยติ  น  เตน
สงฺขํ   คจฺฉติ  ฯ  อิมสฺส  ขฺวาหํ  ภนฺเต  ภควตา  สงฺขิตฺเตน  ภาสิตสฺส
เอวํ วิตฺถาเรน อตฺถํ อาชานามีติ ฯ
     [๗๘]   สาธุ  สาธุ  ภิกฺขุ  สาธุ  โข  ตฺวํ  ภิกฺขุ  มยา  สงฺขิตฺเตน
ภาสิตสฺส   วิตฺถาเรน   อตฺถํ   อาชานาสิ   ฯ  รูปญฺเจ  ภิกฺขุ  อนุเสติ
ตํ   อนุมิยฺยติ   ยํ   อนุมิยฺยติ   เตน  สงฺขํ  คจฺฉติ  ฯ  เวทนญฺเจ  ฯ
สญฺญฺเจ   ฯ   สงฺขาเร   เจ  ฯ  วิญฺาณญฺเจ  อนุเสติ  ตํ  อนุมิยฺยติ
ยํ   อนุมิยฺยติ   เตน   สงฺขํ   คจฺฉติ  ฯ  รูปญฺเจ  ภิกฺขุ  นานุเสติ  น
@เชิงอรรถ: ๑ ม. ยุ. อนุมียติ ฯ สพฺพตฺถ อีทิสเมว ฯ
ตํ   อนุมิยฺยติ   ยํ   นานุมิยฺยติ  น  เตน  สงฺขํ  คจฺฉติ  ฯ  เวทนญฺเจ
นานุเสติ   ฯ   สญฺญฺเจ   นานุเสติ   ฯ  สงฺขาเร  เจ  นานุเสติ  ฯ
วิญฺาณญฺเจ   นานุเสติ   น   ตํ   อนุมิยฺยติ  ยํ  นานุมิยฺยติ   น  เตน
สงฺขํ   คจฺฉติ   ฯ   อิมสฺส   โข   ภิกฺขุ   มยา  สงฺขิตฺเตน  ภาสิตสฺส
เอวํ   วิตฺถาเรน   อตฺโถ   ทฏฺพฺโพติ  ฯเปฯ  อญฺตโร  จ  ปน  โส
ภิกฺขุ อรหตํ อโหสีติ ฯ
     [๗๙]   สาวตฺถิยํ   ฯ  อถ  โข  อายสฺมา  อานนฺโท  สายณฺหสมยํ
ปฏิสลฺลานา    วุฏฺิโต    เยน    ภควา   เตนุปสงฺกมิ   อุปสงฺกมิตฺวา
ภควนฺตํ   อภิวาเทตฺวา   เอกมนฺตํ   นิสีทิ   ฯ   เอกมนฺตํ  นิสินฺนํ  โข
อายสฺมนฺตํ   อานนฺทํ   ภควา   เอตทโวจ   สเจ   ตํ   อานนฺท  เอวํ
ปุจฺเฉยฺยุํ   กตเมสํ   อาวุโส   อานนฺท   ธมฺมานํ   อุปฺปาโท  ปญฺายติ
วโย   ปญฺายติ   ิตานํ   อญฺถตฺตํ   ปญฺายตีติ   ฯ   เอวํ   ปุฏฺโ
ตฺวํ   อานนฺท   กินฺติ   พฺยากเรยฺยาสีติ   ฯ   สเจ   มํ  ภนฺเต  เอวํ
ปุจฺเฉยฺยุํ   กตเมสํ   อาวุโส   อานนฺท   ธมฺมานํ   อุปฺปาโท  ปญฺายติ
วโย   ปญฺายติ   ิตานํ   อญฺถตฺตํ   ปญฺายตีติ   ฯ   เอวํ   ปุฏฺโ
อหํ   ภนฺเต   เอวํ   พฺยากเรยฺยํ   รูปสฺส   โข   อาวุโส   อุปฺปาโท
ปญฺายติ    วโย    ปญฺายติ    ิตสฺส    อญฺถตฺตํ    ปญฺายติ   ฯ
เวทนาย   ฯ   สญฺาย   ฯ   สงฺขารานํ   ฯ   วิญฺาณสฺส   อุปฺปาโท
ปญฺายติ    วโย    ปญฺายติ    ิตสฺส    อญฺถตฺตํ    ปญฺายติ   ฯ
อิเมสํ   โข   อาวุโส   ธมฺมานํ   อุปฺปาโท  ปญฺายติ  วโย  ปญฺายติ
ิตานํ   อญฺถตฺตํ   ปญฺายตีติ   ฯ   เอวํ   ปุฏฺโ  อหํ  ภนฺเต  เอวํ
พฺยากเรยฺยนฺติ ฯ
     [๘๐]   สาธุ   สาธุ   อานนฺท   รูปสฺส   โข  อานนฺท  อุปฺปาโท
ปญฺายติ    วโย    ปญฺายติ    ิตสฺส    อญฺถตฺตํ    ปญฺายติ   ฯ
เวทนาย   ฯ   สญฺาย   ฯ   สงฺขารานํ   ฯ   วิญฺาณสฺส   อุปฺปาโท
อิเมสํ   โข   อานนฺท   ธมฺมานํ   อุปฺปาโท  ปญฺายติ  วโย  ปญฺายติ
ิตานํ   อญฺถตฺตํ   ปญฺายตีติ   ฯ   เอวํ  ปุฏฺโ  ตฺวํ  อานนฺท  เอวํ
พฺยากเรยฺยาสีติ ฯ
     [๘๑]   สาวตฺถิยํ   ฯ  เอกมนฺตํ  นิสินฺนํ  โข  อายสฺมนฺตํ  อานนฺทํ
ภควา  เอตทโวจ  สเจ  ตํ  อานนฺท  เอวํ  ปุจฺเฉยฺยุํ  กตเมสํ  อาวุโส
อานนฺท     ธมฺมานํ     อุปฺปาโท    ปญฺายิตฺถ    วโย    ปญฺายิตฺถ
ิตานํ   ๑-   อญฺถตฺตํ   ปญฺายิตฺถ   ฯ   กตเมสํ  ธมฺมานํ  อุปฺปาโท
ปญฺายิสฺสติ   วโย   ปญฺายิสฺสติ   ิตานํ   อญฺถตฺตํ   ปญฺายิสฺสติ  ฯ
กตเมสํ    ธมฺมานํ    อุปฺปาโท   ปญฺายติ   วโย   ปญฺายติ   ิตานํ
อญฺถตฺตํ    ปญฺายตีติ    ฯ    เอวํ   ปุฏฺโ   ตฺวํ   อานนฺท   กินฺติ
พฺยากเรยฺยาสีติ  ฯ  สเจ  มํ  ภนฺเต  เอวํ  ปจฺเฉยฺยุํ  กตเมสํ  อาวุโส
อานนฺท   ธมฺมานํ   อุปฺปาโท   ปญฺายิตฺถ   วโย   ปญฺายิตฺถ   ิตานํ
อญฺถตฺตํ ปญฺายิตฺถ ฯ
     {๘๑.๑}   กตเมสํ    ธมฺมานํ   อุปฺปาโท   ปญฺายิสฺสติ   วโย
ปญฺายิสฺสติ       ิตานํ       อญฺถตฺตํ       ปญฺายิสฺสติ       ฯ
@เชิงอรรถ: ๑ ม. ิตสฺส ฯ สพฺพตฺถ อีทิสเมว ฯ
กตเมสํ     ธมฺมานํ     อุปฺปาโท     ปญฺายติ     วโย    ปญฺายติ
ิตานํ   อญฺถตฺตํ   ปญฺายตีติ   ฯ   เอวํ   ปุฏฺโ  อหํ  ภนฺเต  เอวํ
พฺยากเรยฺยํ   ยํ   โข   อาวุโส   รูปํ   อตีตํ   นิรุทฺธํ  วิปริณตํ  ตสฺส
อุปฺปาโท     ปญฺายิตฺถ     วโย    ปญฺายิตฺถ    ิตสฺส    อญฺถตฺตํ
ปญฺายิตฺถ   ฯ   ยา   เวทนา   อตีตา   นิรุทฺธา   วิปริณตา   ตสฺสา
อุปฺปาโท     ปญฺายิตฺถ     วโย    ปญฺายิตฺถ    ิตาย    อญฺถตฺตํ
ปญฺายิตฺถ  ฯ  ยา  สญฺา  ฯ  เย  สงฺขารา  อตีตา  นิรุทฺธา วิปริณตา
เตสํ    อุปฺปาโท   ปญฺายิตฺถ   วโย   ปญฺายิตฺถ   ิตานํ   อญฺถตฺตํ
ปญฺายิตฺถ    ฯ    ยํ    วิญฺาณํ    อตีตํ    นิรุทฺธํ   วิปริณตํ   ตสฺส
อุปฺปาโท     ปญฺายิตฺถ     วโย    ปญฺายิตฺถ    ิตสฺส    อญฺถตฺตํ
ปญฺายิตฺถ   ฯ   อิเมสํ   โข   อาวุโส  ธมฺมานํ  อุปฺปาโท  ปญฺายิตฺถ
วโย ปญฺายิตฺถ ิตานํ อญฺถตฺตํ ปญฺายิตฺถ ฯ
     {๘๑.๒}   ยํ  โข  อาวุโส  รูปํ  อชาตํ  อปาตุภูตํ  ตสฺส อุปฺปาโท
ปญฺายิสฺสติ   วโย   ปญฺายิสฺสติ   ิตสฺส   อญฺถตฺตํ   ปญฺายิสฺสติ  ฯ
ยา   เวทนา  อชาตา  อปาตุภูตา  ตสฺสา  อุปฺปาโท  ปญฺายิสฺสติ  วโย
ปญฺายิสฺสติ   ิตาย   อญฺถตฺตํ   ปญฺายิสฺสติ   ฯ   ยา   สญฺา   ฯ
เย   สงฺขารา   อชาตา   อปาตุภูตา   เตสํ   อุปฺปาโท   ปญฺายิสฺสติ
วโย    ปญฺายิสฺสติ    ิตานํ    อญฺถตฺตํ    ปญฺายิสฺสติ    ฯ    ยํ
วิญฺาณํ    อชาตํ    อปาตุภูตํ   ตสฺส   อุปฺปาโท   ปญฺายิสฺสติ   วโย
ปญฺายิสฺสติ    ิตสฺส    อญฺถตฺตํ    ปญฺายิสฺสติ    ฯ   อิเมสํ   โข
อาวุโส    ธมฺมานํ    อุปฺปาโท    ปญฺายิสฺสติ    วโย    ปญฺายิสฺสติ
ิตานํ อญฺถตฺตํ ปญฺายิสฺสติ ฯ
     {๘๑.๓}   ยํ  โข อาวุโส รูปํ ชาตํ ปาตุภูตํ ตสฺส อุปฺปาโท ปญฺายติ
วโย   ปญฺายติ   ิตสฺส  อญฺถตฺตํ  ปญฺายติ  ฯ  ยา  เวทนา  ชาตา
ปาตุภูตา  ฯเปฯ  ยา  สญฺา  ฯ  เย  สงฺขารา  ชาตา  ปาตุภูตา เตสํ
อุปฺปาโท   ปญฺายติ   วโย   ปญฺายติ  ิตานํ  อญฺถตฺตํ  ปญฺายติ  ฯ
ยํ    วิญฺาณํ    ชาตํ   ปาตุภูตํ   ตสฺส   อุปฺปาโท   ปญฺายติ   วโย
ปญฺายติ   ิตสฺส   อญฺถตฺตํ   ปญฺายติ   ฯ   อิเมสํ   โข   อาวุโส
ธมฺมานํ    อุปฺปาโท   ปญฺายติ   วโย   ปญฺายติ   ิตานํ   อญฺถตฺตํ
ปญฺายตีติ ฯ เอวํ ปุฏฺโ อหํ ภนฺเต เอวํ พฺยากเรยฺยนฺติ ฯ
     [๘๒]   สาธุ  สาธุ  อานนฺท  ยํ  โข  อานนฺท  รูปํ  อตีตํ  นิรุทฺธํ
วิปริณตํ    ตสฺส    อุปฺปาโท   ปญฺายิตฺถ   วโย   ปญฺายิตฺถ   ิตสฺส
อญฺถตฺตํ   ปญฺายิตฺถ   ฯ   ยา   เวทนา   ฯ   ยา  สญฺา  ฯ  เย
สงฺขารา   ฯ   ยํ   วิญฺาณํ   อตีตํ   นิรุทฺธํ  วิปริณตํ  ตสฺส  อุปฺปาโท
ปญฺายิตฺถ     วโย    ปญฺายิตฺถ    ิตสฺส    อญฺถตฺตํ    ปญฺายิตฺถ
อิเมสํ    โข    อานนฺท    ธมฺมานํ    อุปฺปาโท    ปญฺายิตฺถ   วโย
ปญฺายิตฺถ ิตานํ อญฺถตฺตํ ปญฺายิตฺถ ฯ
     {๘๒.๑}   ยํ   โข   อานนฺท   รูปํ   อชาตํ   อปาตุภูตํ   ตสฺส
อุปฺปาโท       ปญฺายิสฺสติ       วโย      ปญฺายิสฺสติ      ิตสฺส
อญฺถตฺตํ    ปญฺายิสฺสติ   ฯ   ยา   เวทนา   ฯ   ยา   สญฺา   ฯ
เย   สงฺขารา   ฯ   ยํ   วิญฺาณํ   อชาตํ  อปาตุภูตํ  ตสฺส  อุปฺปาโท
ปญฺายิสฺสติ       วโย       ปญฺายิสฺสติ      ิตสฺส      อญฺถตฺตํ
ปญฺายิสฺสติ    ฯ    อิเมสํ    โข    อานนฺท    ธมฺมานํ    อุปฺปาโท
ปญฺายิสฺสติ       วโย       ปญฺายิสฺสติ      ิตานํ      อญฺถตฺตํ
ปญฺายิสฺสติ ฯ
     {๘๒.๒}   ยํ  โข  อานนฺท  รูปํ  ชาตํ  ปาตุภูตํ  ตสฺส  อุปฺปาโท
ปญฺายติ   วโย   ปญฺายติ   ิตสฺส   อญฺถตฺตํ   ปญฺายติ   ฯ   ยา
เวทนา  ชาตา  ปาตุภูตา  ฯเปฯ  ยา  สญฺา  ฯ  เย  สงฺขารา  ฯ ยํ
วิญฺาณํ   ชาตํ   ปาตุภูตํ   ตสฺส   อุปฺปาโท  ปญฺายติ  วโย  ปญฺายติ
ิตสฺส    อญฺถตฺตํ   ปญฺายติ   ฯ   อิเมสํ   โข   อานนฺท   ธมฺมานํ
อุปฺปาโท     ปญฺายติ     วโย     ปญฺายติ     ิตานํ    อญฺถตฺตํ
ปญฺายตีติ ฯ เอวํ ปุฏฺโ ตฺวํ อานนฺท เอวํ พฺยากเรยฺยาสีติ ฯ
     [๘๓]   สาวตฺถิยํ  ฯ  ตตฺร  โข  ฯ  ธมฺมานุธมฺมปฏิปนฺนสฺส  ภิกฺขเว
ภิกฺขุโน   อยมนุธมฺโม   โหติ   ยํ   รูเป  นิพฺพิทาพหุโล  ๑-  วิหเรยฺย
เวทนาย   นิพฺพิทาพหุโล   วิหเรยฺย   สญฺาย   นิพฺพิทาพหุโล  วิหเรยฺย
สงฺขาเรสุ     นิพฺพิทาพหุโล     วิหเรยฺย    วิญฺาเณ    นิพฺพิทาพหุโล
วิหเรยฺย   ฯ   โส   รูเป   นิพฺพิทาพหุโล  วิหรนฺโต  ฯ  เวทนาย  ฯ
สญฺาย   ฯ   สงฺขาเรสุ   ฯ   วิญฺาเณ  นิพฺพิทาพหุโล  วิหรนฺโต  รูปํ
ปริชานาติ  ฯ  เวทนํ  ฯ  สญฺ  ฯ  สงฺขาเร  ฯ  วิญฺาณํ ปริชานาติ ฯ
โส   รูปํ   ปริชานํ   ฯ   เวทนํ  ฯ  สญฺ  ฯ  สงฺขาเร  ฯ  วิญฺาณํ
ปริชานํ     ปริมุจฺจติ    รูปมฺหา    ปริมุจฺจติ    เวทนาย    ปริมุจฺจติ
สญฺาย      ปริมุจฺจติ      สงฺขาเรหิ      ปริมุจฺจติ     วิญฺาณมฺหา
@เชิงอรรถ: ๑ ยุ. สพฺพตฺถ นิพฺพิทาพหุลนฺติ ทิสฺสติ ฯ
ปริมุจฺจติ   ชาติยา   ชราย   มรเณน   โสเกหิ   ปริเทเวหิ   ทุกฺเขหิ
โทมนสฺเสหิ อุปายาเสหิ ปริมุจฺจติ ทุกฺขสฺมาติ วทามีติ ฯ
     [๘๔]   สาวตฺถิยํ  ฯ  ตตฺร  โข  ฯ  ธมฺมานุธมฺมปฏิปนฺนสฺส  ภิกฺขเว
ภิกฺขุโน   อยมนุธมฺโม   โหติ   ยํ   รูเป   อนิจฺจานุปสฺสี  วิหเรยฺย  ฯ
เวทนาย   ฯ   สญฺาย   ฯ   สงฺขาเรสุ   ฯ  วิญฺาเณ  อนิจฺจานุปสฺสี
วิหเรยฺย   ฯ   โส   รูเป   อนิจฺจานุปสฺสี  วิหรนฺโต  ฯ  เวทนาย  ฯ
สญฺาย    ฯ    สงฺขาเรสุ   ฯ   วิญฺาเณ   อนิจฺจานุปสฺสี   วิหรนฺโต
รูปํ   ปริชานาติ   ฯ   เวทนํ   ฯ   สญฺ   ฯ  สงฺขาเร  ฯ  วิญฺาณํ
ปริชานาติ  ฯ  โส  รูปํ  ปริชานํ  ฯ  เวทนํ  ฯ  สญฺ  ฯ  สงฺขาเร ฯ
วิญฺาณํ     ปริชานํ     ปริมุจฺจติ    รูปมฺหา    ปริมุจฺจติ    เวทนาย
ปริมุจฺจติ    สญฺาย    ปริมุจฺจติ   สงฺขาเรหิ   ปริมุจฺจติ   วิญฺาณมฺหา
ปริมุจฺจติ   ชาติยา   ชราย   มรเณน   โสเกหิ   ปริเทเวหิ   ทุกฺเขหิ
โทมนสฺเสหิ อุปายาเสหิ ปริมุจฺจติ ทุกฺขสฺมาติ วทามีติ ฯ
     [๘๕]   สาวตฺถิยํ  ฯ  ตตฺร  โข  ฯ  ธมฺมานุธมฺมปฏิปนฺนสฺส  ภิกฺขเว
ภิกฺขุโน   อยมนุธมฺโม   โหติ   ยํ   รูเป   ทุกฺขานุปสฺสี   วิหเรยฺย  ฯ
เวทนาย   ฯ   สญฺาย   ฯ   สงฺขาเรสุ   ฯ   วิญฺาเณ  ทุกฺขานุปสฺสี
วิหเรยฺย   ฯ   โส   รูเป   ทุกฺขานุปสฺสี  วิหรนฺโต   ฯ  เวทนาย  ฯ
สญฺาย    ฯ    สงฺขาเรสุ    ฯ   วิญฺาเณ   ทุกฺขานุปสฺสี   วิหรนฺโต
รูปํ   ปริชานาติ   ฯ   เวทนํ   ฯ   สญฺ   ฯ  สงฺขาเร  ฯ  วิญฺาณํ
ปริชานาติ  ฯ  โส  รูปํ  ปริชานํ  ฯ  เวทนํ  ฯ  สญฺ  ฯ  สงฺขาเร ฯ
วิญฺาณํ     ปริชานํ     ปริมุจฺจติ    รูปมฺหา    ปริมุจฺจติ    เวทนาย
ปริมุจฺจติ    สญฺาย    ปริมุจฺจติ   สงฺขาเรหิ   ปริมุจฺจติ   วิญฺาณมฺหา
ปริมุจฺจติ   ชาติยา   ชราย   มรเณน   โสเกหิ   ปริเทเวหิ   ทุกฺเขหิ
โทมนสฺเสหิ อุปายาเสหิ ปริมุจฺจติ ทุกฺขสฺมาติ วทามีติ ฯ
     [๘๖]   สาวตฺถิยํ  ฯ  ตตฺร  โข  ฯ  ธมฺมานุธมฺมปฏิปนฺนสฺส  ภิกฺขเว
ภิกฺขุโน   อยมนุธมฺโม   โหติ   ยํ   รูเป   อนตฺตานุปสฺสี  วิหเรยฺย  ฯ
เวทนาย   ฯ   สญฺาย   ฯ   สงฺขาเรสุ   ฯ  วิญฺาเณ  อนตฺตานุปสฺสี
วิหเรยฺย  ฯ  โส  ๑-  รูเป  อนตฺตานุปสฺสี  วิหรนฺโต  ฯ  เวทนาย  ฯ
สญฺาย    ฯ    สงฺขาเรสุ   ฯ   วิญฺาเณ   อนตฺตานุปสฺสี   วิหรนฺโต
รูปํ   ปริชานาติ   ฯ   เวทนํ   ฯ   สญฺ   ฯ  สงฺขาเร  ฯ  วิญฺาณํ
ปริชานาติ  ฯ  โส  รูปํ  ปริชานํ  ฯ  เวทนํ  ฯ  สญฺ  ฯ  สงฺขาเร ฯ
วิญฺาณํ     ปริชานํ     ปริมุจฺจติ    รูปมฺหา    ปริมุจฺจติ    เวทนาย
ปริมุจฺจติ    สญฺาย    ปริมุจฺจติ   สงฺขาเรหิ   ปริมุจฺจติ   วิญฺาณมฺหา
ปริมุจฺจติ   ชาติยา   ชราย   มรเณน   โสเกหิ   ปริเทเวหิ   ทุกฺเขหิ
โทมนสฺเสหิ อุปายาเสหิ ปริมุจฺจติ ทุกฺขสฺมาติ วทามีติ ฯ
                    นตุมฺหากวคฺโค จตุตฺโถ ฯ
                         ตสฺสุทฺทานํ
         นตุมฺหาเกน เทฺว วุตฺตา      ภิกฺขูหิ อปเร ทุเว
         อานนฺเทน จ เทฺว วุตฺตา     อนุธมฺเมหิ เทฺว ทุกาติ ฯ
                      ------------
@เชิงอรรถ: ๑ ม. โย ฯ

             เนื้อความพระไตรปิฎกฉบับภาษาบาลีอักษรไทย เล่มที่ ๑๗ หน้าที่ ๔๒-๕๒.
https://84000.org/tipitaka/read/pali_item.php?book=17&item=71&items=16
             อ่านโดยใช้เครื่องหมาย [เลขข้อ] เป็นเกณฑ์แบ่งข้อ :-
https://84000.org/tipitaka/read/pali_item.php?book=17&item=71&items=16&mode=bracket
             อ่านเทียบพระไตรปิฎกฉบับภาษาบาลีอักษรโรมัน :-
https://84000.org/tipitaka/read/roman_item.php?book=17&item=71&items=16
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=17&item=71&items=16
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=17&i=71
             สารบัญพระไตรปิฎกเล่มที่ ๑๗
https://84000.org/tipitaka/read/?index_17
https://84000.org/tipitaka/english/?index_17