AtthaPali Vol.27

9. Kuhasuttavannana [108] Navame kuhati samantajappanadina kuhanavatthuna kuhaka, asantagunasambhavanatthaya kohannam katva paresam vimhapakati attho. Thaddhati kodhena ca manena ca thaddhamanasa. "kodhano hoti upayasabahulo, appampi vutto samano abhisajjati kuppati byapajjhati patitthiyati"ti ^1- evam vuttena @Footnote: ¹ an.tika. 20/25/118, abhi.pu. 36/101/138

--------------------------------------------------------------------------------------------- page387.

Kodhena ca, "dubbaco hoti dovacassakaranehi dhammehi samannagato akkhamo appadakkhinaggahi anusasanin"ti ^1- evam vuttena dovacassena ca, "jatimado gottamado sippamado arogyamado yobbanamado jivitamado"ti ^2- evam vuttena jatimadadibhedena madena ca garukatabbesu garusu paramanipaccakaram akatva ayosalakam gilitva thita viya anonata hutva vicaranaka. Lapati upalapaka micchajivavasena kulasangahaka, paccayattham payuttavacavasena nippesikatavasena ca lapakati va attho. Singiti "tattha katamam singam, yam singam, singarata caturata caturiyam parikkhattata parikkhattiyan"ti ^3- evam vuttehi singasadisehi pakatakilesehi samannagata. Unnalati uggatanala, nalasadisam tucchamanam ukkhipitva vicaranaka. Asamahitati cittekaggatamattassapi alabhino. Na me te bhikkhave bhikkhu mamakati te mayham bhikkhu mama santaka na honti. Mayhanti ^4- idam padam attanam uddissa pabbajitatta bhagavata vuttam. Yasma pana te kuhanadiyogato na samma patipanna, tasma "na mamaka"ti vutta. Apagatati eva imamha dhammavinaya, ito te suviduravidure thitati dasseti. Vuttanhetam:- "nabhanca dure pathavi ca dure param samuddassa tadahu dure tato have durataram vadanti satanca dhammam asatanca raja"ti. ^5- @Footnote: ¹ Ma.mu. 12/181/144 ² abhi.vi. 35/832/421 @³ abhi.vi. 35/852/428 ⁴ cha.Ma. meti @⁵ an.catukka. 21/47/57, khu.ja. 28/363/143 (sya)

--------------------------------------------------------------------------------------------- page388.

Vuddhim virulhim vepullam apajjantiti siladigunehi vaddhanavasena vuddhim, tattha niccalabhavena virulhim, sabbattha patthatabhavena siladidhammakkhandhaparipuriya vepullam. Na ca te kuhadisabhava bhikkhu apajjanti, na ca papunantiti attho. Te kho me bhikkhave bhikkhu mamakati idhapi meti attanam uddissa pabbajitatta vadati, ^1- sammapatipannatta pana "mamaka"ti aha. Vuttavipariyayena sukkapakkho veditabbo. Tattha yava arahattamagga viruhanti nama, arahattaphale pana sampatte virulhim vepullam apanna nama. Gatha suvinneyya eva. Navamasuttavannana nitthita. -------------

The Pali Atthakatha in Roman Book 27 page 386-388. http://84000.org/tipitaka/atthapali/read_rm.php?B=27&A=8574&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=8574&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=288 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6678 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6531 The Pali Tipitaka in Roman Character :- http://84000.org/tipitaka/read/roman_read.php?B=25&A=6531 Contents of The Tipitaka Volume 25 http://84000.org/tipitaka/read/?index_25