AtthaPali Vol.2

{587} Tena samayenati rupiyasabyoharasikkhapadam. Tattha nanappakarakanti katakatadivasena anekavidham. Rupiyasabyoharanti jataruparajataparivattanam. Samapajjantiti patiggahanasseva patikkhitatta patiggahitaparivattane dosam apassanta karonti. {589} Sisupaganti adisu

--------------------------------------------------------------------------------------------- page234.

Sisam upagacchatiti sisupagam. Potthakesu pana sisupakanti likhitam. Yassa kassaci sisalankarassetam adhivacanam. Esa nayo sabbattha. Katena katanti adisu suddho rupiyasabyoharoyeva. Rupiye rupiyasanniti adimhi purimasikkhapade vuttavatthusu nissaggiyavatthuna nissaggiyavatthum cetapentassa mulagahane purimasikkhapadena nissaggiyam pacittiyam aparaparam parivattane imina nissaggiyam pacittiyameva. Nissaggiyavatthuna dukkatavatthum va kappiyavatthum va cetapentassapi eseva nayo. Yo hi ayam arupiye rupiyasanni rupiyam cetapetiti adi dutiyo tiko vutto tassanulomatta avuttopi ayamaparopi rupiye rupiyasanni arupiyam cetapetiti adi tiko veditabbo. Attano va hi arupiyena parassa rupiyam cetapeyya attano va rupiyena parassa arupiyam ubhayathapi rupiyasabyoharo katoyeva hoti. Tasma paliyam ekantena rupiyapakkhe ekoyeva tiko vuttoti. Dukkatavatthuna pana nissaggiyavatthum cetapentassa mulagahane purimasikkhapadena dukkatam pacchaparivattane imina nissaggiyam pacittiyam garukassa cetapitatta. Dukkatavatthuna dukkatavatthumeva kappiyavatthum va cetapentassa mulagahane purimasikkhapadena dukkatam pacchaparivattanepi imina dukkatameva. Kasma. Akappiyavatthuna cetapitatta. Andhakatthakathayam pana sace kayavikkayam samapajjeyya nissaggiyam pacittiyanti bhasitam tam dubbhasitam. Kasma. Na hi danagahanato anno kayavikkayo nama atthi.

--------------------------------------------------------------------------------------------- page235.

Kayavikkayasikkhapadanca kappiyavatthuna kappiyavatthum parivattanameva sandhaya vuttam. Tanca kho annatra sahadhammikehi. Idam sikkhapadam rupiyena ca rupiyarupiyacetapanam arupiyena ca rupiyacetapanam dukkatavatthuna pana dukkatavatthuno cetapanam neva idha na tattha paliyam vuttam. Na cettha anapatti bhavitum arahati. Tasma yatheva dukkatavatthuno patiggahane dukkatam tatheva tassa va teneva cetapanepi dukkatam yuttanti bhagavato adhippayannuhi vuttam. Kapapiyavatthuna pana nissaggiyavatthum cetapentassa mulagahane purimasikkhapadena anapatti pacchaparivattane imina nissaggiyam pacittiyam. Vuttam hetam arupiye arupiyasanni rupiyam cetapeti nissaggiyam pacittiyanti ^1-. Teneva kappiyavatthuna dukkatavatthum cetapentassa mulagahane tatheva anapatti pacchaparivattane imina dukkatam. Kasma. Akappiyassa cetapitatta. Kappiyavatthuna pana kappiyavatthum annatra sahadhammikehi cetapentassa mulagahane purimasikkhapadena anapatti pacchaparivattane upari kayavikkayasikkhapadena nissaggiyam pacittiyam. Kayavikkayam mocetva ganhantassa uparisikkhapadenapi anapatti. Vuddhim payojentassa dukkatam. Imassa ca rupiyasabyoharassa garubhavadipakam idam pattacatukkam veditabbam. Yo hi rupiyam ugganhitva tena ayabijam samutthapeti tam kottapetva tena lohena pattam kareti ayam patto mahaakappiyo nama na sakka kenaci upayena kappiyo katum. @Footnote: ^1. vi. mahavibhanga. 2/97.

--------------------------------------------------------------------------------------------- page236.

Sace hi tam vinasetva thalakam kareti tampi akappiyam. Vasim kareti taya chinnam dantakatthampi akappiyam. Balisam kareti tena marita macchapi akappiya. Vasiphalam tapetva udakam va khiram va unhapeti tampi akappiyameva. Yo pana rupiyam ugganhitva tena pattam kinati ayampi patto akappiyo pancannampi sahadhammikanam na kappatiti mahapaccariyam vuttam. Sakka pana kappiyo katum. So hi mule mulasamikanam patte ca pattassamikanam dinne kappiyo hoti. Kappiyabhandam datva gahetva paribhunjitum vattati. Yopi rupiyam ugganhapetva kappiyakarakena saddhim kammarakulam gantva pattam disva ayam mayham ruccatiti vadati. Kappiyakarako ca tam rupiyam datva kammaram sannapeti. Ayampi patto kappiyavoharena gahito dutiyapattasadisoyeva mulassa sampaticchitatta akappiyova. Kasma sesanam na kappatiti. Mulassa anissatthatta. Yo pana rupiyam asampaticchitva therassa pattam kinitva dehiti pahitakappiyakarakena saddhim kammarakulam gantva pattam disva ime kahapane gahetva imam dehiti kahapane dapetva gahito ayam patto etasseva bhikkhuno na vattati dubbicaritatta. Annesam pana vattati mulassa asampaticchitatta. Mahasumattherassa kira upajjhayo anuruddhatthero nama ahosi. So attano evarupam pattam sappissa puretva sanghassa nissajji. Tapitakaculanagattherassapi saddhiviharikanam evarupo patto ahosi.

--------------------------------------------------------------------------------------------- page237.

Tam thero sappissa purapetva sanghassa nissajjapesiti. Idam akappiyapattacatukkam. Sace pana rupiyam asampaticchitva therassa pattam kinitva dehiti pahitakappiyakarakena saddhim kammarakulam gantva pattam disva ayam mayham ruccatiti va imaham gahessamiti va vadati kappiyakarako ca tam rupiyam datva kammaram sannapeti ayam patto sabbakappiyo buddhanampi paribhogaraho. {591} Arupiye rupiyasanniti kharapattadisu suvannadisanni. Apatti dukkatassati sace tena arupiyam cetapeti dukkatapatti hoti. Esa nayo vematike. Arupiyasannissa pana pancahi sahadhammikehi saddhim idam gahetva idam dethati kayavikkayam karontassapi anapatti. Sesam uttanatthameva. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Rupiyasabyoharasikkhapadam nitthitam.

The Pali Atthakatha in Roman Book 2 page 233-237. http://84000.org/tipitaka/atthapali/read_rm.php?B=2&A=4909&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=4909&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=122 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6611 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1946 The Pali Tipitaka in Roman Character :- http://84000.org/tipitaka/read/roman_read.php?B=1&A=1946 Contents of The Tipitaka Volume 1 http://84000.org/tipitaka/read/?index_1