AtthaPali Vol.2

{593} Tena samayenati kayavikkayasikkhapadam. Tattha katihipi tyayanti kati te ayam. Hikaro panettha padapurano pikaro garahayam. Ayam dubbala sanghati tava katidivasani bhavissatiti attho. Athava katihampi tyayantipi patho. Tattha katihanti katiahani katidivasaniti vuttam hoti. Sesam vuttanayameva. Katihipi myayanti idam eteneva nayena veditabbam. Gihipi nam gihissati ettha nanti namatthe nipato gihipi nama gihissati vuttam

--------------------------------------------------------------------------------------------- page238.

Hoti. {594} Nanappakarakanti civaradinam kappiyabhandanam vasena anekavidham. Tenevassa padabhajane civaram adim katva dasikasuttapariyosanam kappiyabhandameva dassitam. Akappiyabhandaparivattanam hi kayavikkayasangaham na gacchati. Kayavikkayanti kayanceva vikkayanca. Imina imam dehiti adina nayena parassa kappiyabhandam ganhanto kayam samapajjati attano kappiyabhandam dento vikkayam. {595} Ajjhacaratiti abhibhavitva carati. Vitikkamavacam bhasatiti attho. Yato kayitanca hoti vikkitancati yada kayitanca hoti parabhandam attano hatthagatam karontena vikkayitanca attano bhandam parahatthagatam karontena. Imina imantiadivacananurupato pana patho pathamam attano bhandam dassitam. Nissajjitabbanti evam parassa hatthato kayavikkayavasena gahitam kappiyabhandam nissajjitabbam. Ayam hi kayavikkayo thapetva panca sahadhammike avasesehi gihipabbajitehi antamaso matapituhipi saddhim na vattati. Tatrayam vinicchayo. Vatthena va vattham hotu bhattena va bhattam yankinci kappiyam imina imam dehiti vadati dukkatam. Evam vatva matuyapi attano bhandam deti dukkata. Imina imam dehiti vutto va imam dehi imam te dassamiti vatva va matuyapi bhandam attano ganhati dukkatam. Attano bhande parahattham parabhande ca attano hattham sampatte nissaggiyam. Mataram pana pitaram va imam dehiti vadato vinnatti na hoti.

--------------------------------------------------------------------------------------------- page239.

Imam ganhahiti vadato saddhadeyyavinipatanam na hoti. Annatakam imam dehiti vadato vinnatti hoti. Imam ganhahiti vadato saddhadeyyavinipatanam hoti. Imina imam dehiti kayavikkayam apajjato nissaggiyam. Tasma kappiyabhandam parivattantena matapituhi saddhim kayavikkayam annatakehi saddhim tisso apattiyo mocentena parivattetabbam. Tatrayam parivattanavidhi. Bhikkhussa patheyyatandula honti. So antaramagge bhattahatthapurisam disva amhakam tandula atthi na ca no imehi attho bhattena pana atthoti vadati. Puriso tandule gahetva bhattam deti vattati. Tissopi apattiyo na honti. Antamaso nimittakammamattampi na hoti. Kasma. Mulassa atthitaya. Parato ca vuttameva idam amhakam atthi amhakanca imina ca imina ca atthoti bhanatiti. Yo pana evam akatva imina imam dehiti parivatteti yathavatthukameva. Vighasadam disva imam odanam bhunjitva rajanam va daruni va aharati deti rajanachalligananaya ca darugananaya ca nissaggiyani honti. Imam odanam bhunjitva idannama karothati dantakaradihi sippikehi dhamakarakadisu tam tam parikkharam kareti rajakehi va vattham dhovapeti yathavatthukameva. Nahapitena kese chindapeti kammakarehi navakammam kareti yathavatthukameva. Sace pana idam bhattam bhunjitva idam karothati na vadati idam bhattam bhunja bhuttosi bhunjissasa idam nama karohiti vadati

--------------------------------------------------------------------------------------------- page240.

Vattati. Ettha ca kincapi vatthadhovane va kesacchedane va bhumisodhanadinavakamme va parabhandam attano hatthagatam nissajjitabbam nama natthi mahaatthakathayam pana dalham katva vuttatta na sakka etam patikkhipitum tasma yatha nissaggiyavatthumhi paribhutte va natthe va pacittiyam deseti evam idhapi desetabbam. {596} Kayavikkaye kayavikkayasanniti adimhi yo kayavikkayam samapajjati so tasmim kayavikkayasanni va bhavatu vematiko va nakayavikkayasanni va nissaggiyam pacittiyameva. Culattike dvisu padesu dukkatamevati evamattho datthabbo. {597} Aggham pucchatiti ayam tava patto kim agghatiti pucchati. Idam namati vutte pana sace tassa kappiyabhandam mahaggham hoti evanca nam pativadati upasaka mama idam vatthu mahaggham tava pattam annassa dehiti. Tam sutva itaro annam thalakampi dassamiti vadati ganhitum vattati. Idam amhakam atthiti vuttalakkhane pati. Sace so patto mahaggho bhikkhuno vatthu appaggham pattassamiko cassa appagghabhavam na janati patto na gahetabbo. Mama vatthu appagghanti acikkhitabbam. Mahagghabhavam vatva vancetva ganhanto hi bhandam agghapetva karetabbatam apajjati. Sace pattassamiko hotu bhante sesam mama punnam bhavissatiti deti vattati. Kappiyakarakassa acikkhatiti yassa hatthato bhandam ganhati tam thapetva annam antamaso tassa puttabhatukampi kappiyakarakam katva imina

--------------------------------------------------------------------------------------------- page241.

Idannama gahetva dehiti acikkhati. So ce cheko hoti punappunam apanetva vivadetva ganhati tunhibhutena thatabbam. No ce cheko hoti na janati gahetum vanijako tam vanceti ma ganhati vattabbo. Idam amhakam atthiti adimhi idam patiggahitam telam va sappi va amhakam atthi amhakanca annena apatiggahitakena atthoti bhanati. Sace so tam gahetva annam deti pathamam attano telam na minapetabbam. Kasma. Telanaliyamhi avasittham telam hoti tam paccha minantassa apatiggahitakam duseyyati. Sesam uttanatthameva. Chassamutthanam kiriya nosannavimokkham acittakam pannattivajjam kayakammam vacikammam ticittam tivedananti. Kayavikkayasikkhapadavannana nitthita. Nitthito ca dutiyo vaggo.

The Pali Atthakatha in Roman Book 2 page 237-241. http://84000.org/tipitaka/atthapali/read_rm.php?B=2&A=4991&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=4991&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=125 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=6651 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=1991 The Pali Tipitaka in Roman Character :- http://84000.org/tipitaka/read/roman_read.php?B=1&A=1991 Contents of The Tipitaka Volume 1 http://84000.org/tipitaka/read/?index_1