|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Akusalamulasuttavannana [70] Navame akusalamulaniti akusalanam mulani, akusalani ca tani mulani cati va akusalamulani. Yadipi bhikkhave lobhoti yopi bhikkhave lobho. Tadapi akusalanti sopi akusalamulam. Akusalamulam va sandhaya 1- idha tampiti attho vattatiyeva. Etenupayena sabbattha nayo netabbo. Abhisankharotiti ayuhati sampindeti rasim karoti. Asata dukkham uppadayatiti abhutena avijjamanena yankinci tassa abhutam dosam vatva dukkham uppadeti. Vadhena vatiadi yenakarena dukkham uppadeti, tam dassetum vuttam. Tattha janiyati dhanajaniya. Pabbajanayati gamato va arannato va 2- ratthato va pabbajaniyakammena. Balavamhiti ahamasmi balava. Balattho itipiti balena me attho itipi, bale va thitomhitipi vadati. Akalavaditi kalasmim na vadati, akalasmim vadati nama. Abhutavaditi bhutam na vadati, abhutam vadati nama. Anatthavaditi attham na vadati, anattham vadati nama. Adhammavaditi dhammam na vadati, adhammam vadati nama. Avinayavaditi vinayam na vadati, avinayam vadati nama. Tathahayanti tatha hi ayam. Na atappam karoti tassa nibbethanayati tassa abhutassa nibbethanatthaya viriyam na karoti. Itipetam agacchanti iminapi karanena etam agaccham. Itaram tasseva vevacanam. Duggati patikankhati nirayadika duggati icchitabba, sa assa avassabhavini, tatthanena nibbattetabbanti attho. Uddhastoti upari dhamsito. Pariyonaddhoti samanta onaddho. Anayam apajjatiti avuddhim apajjatiti. Byasanam apajjatiti vinasam apajjati. Gimhakalasmim hi maluvasipatikaya phalitaya bijani uppajjitva 3- vatarukkhadinam mule patanti. Tattha yassa rukkhassa mule tisu disasu @Footnote: 1 ka. akusalamulam va akusalam. tam sandhaya 2 cha.Ma. "arannatova"tipatho na dissati @3 cha.Ma. uppatitva--------------------------------------------------------------------------------------------- page215.
Tini bijani patitani honti, tasmim rukkhe pavussakena meghena abhivutthe tihi bijehi tayo ankura utthahitva tam rukkham alliyanti. Tato patthaya rukkhadevatayo sakabhavena santhatum na sakkonti. Tepi ankura vaddhamana latabhavam apajjitva tam rukkham abhiruhitva sabbavitapasakhapasakha samsibbitva tam rukkham upari pariyonaddhanti. So maluvalatahi samsibbito ghanehi mahantehi maluvapattehi sanchanno deve va vassante vate va vayante tattha tattha palujjitva patitva 1- khanumattameva avasissati. Tam sandhayetam vuttam. Evameva khoti ettha pana idam opammasamsandanam:- saladisu annatararukkho viya hi ayam satto datthabbo, tisso maluvalata viya tini akusalamulani, yava rukkhasakha asampatta, tava tasam latanam ujukam rukkharohanam viya lobhadinam dvaram asampattakalo, sakhanusarena gamanakalo viya dvaravasena gamanakalo, pariyonaddhakalo viya lobhadihi pariyutthitakalo, khuddakasakhanam palujjanakalo viya dvarappattanam kilesanam vasena khuddanukhuddaka apattiyo apannakalo, mahasakhanam palujjanakalo viya garukapattim apannakalo, latanusarena otinnena udakena mulesu tintesu rukkhassa bhumiyam patanakalo viya kamena cattari parajikani apajjitva catusu apayesu nibbattanakalo datthabbo. Sukkapakkho vuttavipallasena veditabbo. Evameva khoti ettha pana idam opammasamsandanam:- saladisu annatararukkho viya ayam satto datthabbo, tisso maluvalata viya tini akusalamulani, tasam appavattim katum agatapuriso viya yogavacaro, kuddalo viya panna, kuddalapitakam viya saddhapitakam, palikhananakhanitti viya vipassanakhanitti, khanittiya mulacchedanam viya vipassanananena avijjamulassa chinnakalo, 2- khandakhandikam chinnakalo viya khandhavasena ditthakalo, phalanakalo viya maggananena kilesanam samugghatitakalo, masikaranakalo viya @Footnote: 1 Si. patati, cha.Ma. ayam patho na dissati 2 cha.Ma. chindanakalo--------------------------------------------------------------------------------------------- page216.
Dharamanakapancakkhandhakalo, mahavate opunitva appavattanakaranakalo 1- viya upadinnakakkhandhanam appatisandhikanirodhena nirujjhitva punabbhave patisandhiagahanakalo datthabboti. Imasmim sutte vattavivattam kathitam.The Pali Atthakatha in Roman Book 15 page 214-216. http://84000.org/tipitaka/atthapali/read_rm.php?B=15&A=4947&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=15&A=4947&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=20&i=509 เนื้อความพระไตรปิฎกฉบับหลวง :- http://84000.org/tipitaka/read/r.php?B=20&A=5320 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=20&A=5435 The Pali Tipitaka in Roman Character :- http://84000.org/tipitaka/read/roman_read.php?B=20&A=5435 Contents of The Tipitaka Volume 20 http://84000.org/tipitaka/read/?index_20
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]