ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ENGLISH letter  
Atthakatha Book 11 : PALI ROMAN Saṃ.A. (sārattha.1)

                       3. Kassapagottasuttavaṇṇanā
     [223] Tatiye chetanti 7- ekaṃ migaluddakaṃ. Ovadatīti so kira migaluddako
pātova bhuñjitvā "mige vadhissāmī"ti araññaṃ paviṭṭho ekaṃ rohitamigaṃ disvā
"sattiyā naṃ paharissāmī"ti anubandhamāno therassa paṭhamasutte vuttanayeneva
divāvihāre 8- nisinnassa avidūrena pakkamati. Atha naṃ thero "upāsaka pāṇātipāto
nāmesa apāyasaṃvattaniko appāyukasaṃvattaniko, sakkā aññenapi kasivaṇijjādinā
kammena dārābharaṇaṃ kātuṃ, mā evarūpaṃ kakkhaḷaṃ kammaṃ karohī"ti āha. Sopi
"mahāpaṃsukūlikatthero kathetī"ti gāravena ṭhatvā sotuṃ āraddho. Athassa sotukāmataṃ
janessāmī"ti so 9- aṅguṭṭhakaṃ jālāpesi. So akkhīhipi passati, kaṇṇehipi suṇāti,
cittaṃ panassa "asukaṭṭhānaṃ migo gato bhavissati, asukatitthaṃ otiṇṇo, tattha
@Footnote: 1 cha.Ma., i. vā  2 Sī. khandhesu Ma., i. bandhesu  3 Sī. divā soppaṃ tapessatīti,
@  cha.Ma. tapessatīti, i. tappessatīti  4 i. tappati
@5 i. tappissati tappissati evāti attho 6 Sī. paramavodānanti, cha.Ma. paramodānanti
@7 Sī., i. cetanti  8 cha.Ma. divāvihāraṃ  9 cha.Ma., i. thero
Naṃ gantvā ghātetvā yāvadicchakaṃ maṃsaṃ khāditvā sesaṃ kājenādāya gantvā
puttake tosessāmī"ti evaṃ migasseva anupadaṃ dhāvati. Evaṃ vikkhittacittassa taṃ
dhammaṃ desentaṃ theraṃ sandhāya vuttaṃ "ovadatī"ti. Ajjhabhāsīti "ayaṃ thero
adāruṃ tacchanto viya akhette vappento viya attanopi kammaṃ nāseti,
etassāpi, codessāmi nan"ti abhāsi.
     Appapaññanti nippaññaṃ. Acetasanti kāraṇajānanasatthena cittena rahitaṃ.
Mandovāti andhabālo viya. Suṇātīti tava dhammakathaṃ suṇāti. Na vijānātīti
atthamassa na jānāti. Āloketīti tava pothujjanikaiddhiyā jalantaṃ aṅguṭṭhakaṃ
āloketi. Na passatīti ettha "neva telaṃ na vaṭṭi na dīpakapallikā, therassa
pana ānubhāvenāyaṃ jalatī"ti imaṃ kāraṇaṃ na passati. Dasa pajjoteti dasasu
aṅgulīsu dasa padīpe. Rūpānīni kāraṇarūpāni. Cakkhūti paññācakkhu. Saṃvegamāpādīti
kimme imināti viriyaṃ paggayha paramavivekaṃ arahattamaggaṃ paṭipajji. Tatiyaṃ.



             The Pali Atthakatha in Roman Book 11 page 274-275. http://www.84000.org/tipitaka/atthapali/read_rm.php?B=11&A=7094              อรรถกถาบาลีอักษรไทย :- http://www.84000.org/tipitaka/atthapali/read_th.php?B=11&A=7094              อ่านอรรถกถาแปลไทย :- http://www.84000.org/tipitaka/attha/attha.php?b=15&i=766              เนื้อความพระไตรปิฎกฉบับหลวง :- http://www.84000.org/tipitaka/read/r.php?B=15&A=6427              พระไตรปิฎกฉบับบาลีอักษรไทย :- http://www.84000.org/tipitaka/read/pali_read.php?B=15&A=5712              The Pali Tipitaka in Roman Character :- http://www.84000.org/tipitaka/read/roman_read.php?B=15&A=5712              Contents of The Tipitaka Volume 15 http://www.84000.org/tipitaka/read/?index_15

first pageprevious pagedispage pageNumbernext pagelast page chage to ENGLISH letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com