AtthaPali Vol.11

8. Sakalikasuttavannana [38] Atthame maddakucchisminti evamnamake uyyane. Tam hi ajatasattumhi kucchigate tassa matara "ayam mayham kucchigato gabbho ranno sattu bhavissati, kimme imina"ti gabbhapatanattham tattha ^5- kucchi maddapita. Tasma "maddakucchi"ti sankham gatam. Miganam pana abhayavasatthaya dinnatta migadayo vuccati. Tena kho pana samayenati ettha ayam anupubbikatha:- devadatto hi ajatasattum nissaya dhanuggahe ca dhanapalakam ca payojetvapi tathagatassa jivitantarayam katum asakkonto "sahatthava nam maressami"ti ^6- gijjhakutam pabbatam abhiruhitva mahantam kutagarappamanam silam ukkhipitva "samano gotamo @Footnote: ¹ khu. maha. 29/363/242 magandiyasuttaniddesa (sya) @² khu. sutta. 25/528/437 sabhiyasutta ³ cha.Ma., i. susunagabhavasampattim @⁴ cha.Ma., i. evarupe ⁵ cha.Ma. ayam patho na dissati. @⁶ cha.Ma. sahattheneva maressami

--------------------------------------------------------------------------------------------- page76.

Cunnavicunno hotu"ti pavijjhi. Mahathamava kiresa pancannam hatthinam balam dhareti. Atthanam kho panetam, yam buddhanam parupakkamena jivitantarayo bhaveyyati tam tathagatassa sarirabhimukham agacchantam akase anna sila utthahitva sampaticchi. Dvinnam silanam sampaharena mahanta pasanasakalika ^1- utthahitva bhagavato pitthipadapariyantam abhihani, pado mahapharasuna pahato viya samuggatalohitena lakharasaranjito ^2- viya ahosi. Bhagava uddhi oloketva devadattam etadavoca "bahu taya moghapurisa apunnam pasutam, yo tvam padutthacitto vadhakacitto tathagatassa lohitam uppadesi"ti. Tato patthaya bhagavato aphasu jatam. Bhikkhu cintayimsu "ayam viharo ujjangalo visamo, bahunnam khattiyadinanceva pabbajitananca anokaso"ti. Te tathagatam mancasivikaya adaya maddakucchim nayimsu. Tena vuttam "tena kho pana samayena bhagavato pado sakalikaya khato hoti"ti. Bhusati balavatiyo. Sudanti nipatamattam. Dukkhati sukhapatikkhePo. Tibbati bahala. Kharati pharusa. Katukati tikhina. Asatati amadhuRa. Na tasu mano appeti, na ta manam appayanti na vaddhentiti amanapa. Sato sampajanoti vedanadhivasanasatisampajannena samannagato hutva. Avihannamanoti apiliyamano, samparivattasayitaya vedananam vasam agacchanto. Sihaseyyanti ettha kamabhogiseyya petaseyya sihaseyya tathagataseyyati catasso seyya. Tattha "yebhuyyena bhikkhave kamabhogi satta vamena passena senti"ti ^3- ayam kamabhogiseyya. Tesu hi yebhuyyena dakkhinapassena sayano nama natthi. "yebhuyyena bhikkhave peta uttana senti"ti ^3- ayam petaseyya. Appamamsalohitatta hi atthisanghatajatita ekena passena sayitum na sakkonti, uttanava senti. "yebhuyyena bhikkhave siho migaraja nanguttham antarasatthimhi anupakkhipitva dakkhinena passena seti"ti ^3- ayam sihaseyya. Tejussadatta hi siho migaraja dve purimapade ekasmim, pacchimapade ekasmim thane thapetva nanguttham antarasatthimhi pakkhipitva purimapadapacchimapadanangutthanam thitokasam @Footnote: ¹ Ma. pasanassa sakkhalika, cha.Ma. pasanassa sakalika ² cha.Ma. lakharasamakkhito @³ an. catukka. 21/246/272 seyyasutta

--------------------------------------------------------------------------------------------- page77.

Sallakkhetva dvinnam purimapadanam matthake sisam thapetva sayati, divasampi sayitva pabujjhamano na utrasanto pabujjhati, sisam pana ukkhipitva purimapadadinam thitokasam sallakkheti. Sace kinci thanam vijahitva thitam hoti, "nayidam tuyham jatiya, na surabhavassa ca anurupan"ti anattamano hutva tatheva sayati, na gocaraya pakkamati. Avijahitva thite pana "tuyham jatiya ca surabhavassa ca anurupamidan"ti hatthatuttho utthaya sihavijimhitam vijimhitva ^1- kesarabharam vidhunitva tikkhattum sihanadam naditva gocaraya pakkamati. Catutthajjhane seyya pana "tathagataseyya"ti vuccati. Tasu idha sihaseyya agata. Ayam hi tejussadairiyapathatta uttamaseyya nama. Pade padanti dakkhinapade vamapadam. Accadhayati atiadhaya, isakam atikkamma thapetva. Goppakena ^2- hi goppake januna ^3- va janumhi sanghattiyamane abhinham vedana uppajjati, cittam ekaggam na hoti, seyya aphasuka hoti. Yatha pana ^4- na sanghateti, evam atikkamma thapite vedana nuppajjati, cittam ekaggam hoti, seyya phasu hoti. Tasma evam nipajji. Sato sampajanoti sayanapariggahakasatisampajannena samannagato. "utthanasannan"ti panettha na vuttam, gilanaseyya hesa tathagatassa. Sattasatati imasmim sutte sabbapi ta devata gilanaseyyatthanam agata. Udanam udanesiti gilanaseyyam agatanam domanasseneva bhavitabbam siya. Ima ^5- pana tathagatassa vedanadhivasanam disva "aho buddhanam mahanubhavata, evarupasu nama vedanasu vattamanasu vikaramattampi natthi, sirisayane alankaritva thapitasuvannarupakam viya aninjamanena kayena nipanno, idanissa adhikataram mukhavanno virocati, pabhasampanno punnacando viya sampati vikasitam viya ca aravindam assa mukham sobhati, kayepi vannayatanam idani susampahatthakancanam ^6- viya vippasidati"ti udanam udahari. ^7- @Footnote: ¹ cha.Ma., i. sihavijambhitam vijambhitva ² cha.Ma. gopphaka...evamuparipi @³ cha.Ma. janu...evapamuparipi ⁴ cha.Ma. pana-saddo na dissati @⁵ cha.Ma. imasam, i. imasmim ⁶ cha.Ma. susammatthakancanam viya ⁷ cha.Ma. udapadi.

--------------------------------------------------------------------------------------------- page78.

Nago vata bhoti ettha bhoti dhammalapanam. Balavantatthena nago. Nagavatati nagabhavena. Siho vatatiadisu asantasanatthena siho. Byattaparicariyatthena ^1- karanakaranajananena va ajaniyo. Appatisamatthena nisabho. Gavasatajetthako hi usabho, gavasahassajetthako ca asabho, ^2- gavasatasahassajetthako nisabhoti vuccati. Bhagava pana appatisamatthena asabhanthanam patijanati. Tenevatthena idha "nisabho"ti vutto. Dhuravahatthena dhorayho. Nibbisevanatthena danto. Passati aniyamitanatti. Samadhinti arahattaphalasamadhim. Suvimuttanti phalavimuttiya suvimuttam. Raganugatam pana cittam abhinatam nama hoti, dosanugatam apanatam. Tadubhayapatikkhepena na cabhinatam na capanatanti aha. Na ca sasankharaniggayha varitavatanti ^3- na sasankharena sappayogena kilese niggahetva varitva vatam, ^4- kilesanam pana chinnatta vatam phalasamadhina samahitanti attho. Atikkamitabbanti vihethetabbam ghattetabbam. Adassanati annana. Annani hi andhabalova. Evarupe satthari aparajjheyyati devadattam ghatayamana vadanti. Pancavedati itihasapancamanam vedanam dharaka. Satam samanti vassasatam. Tapassiti tapanissitaka hutva. Caranti caranta. Na samma vimuttanti sacepi evarupa brahmana vassasatam caranti, cittam ca nesam samma vimuttam na hoti. Hinattarupa na param gama teti hinattasabhava te nibbanam gama na honti. "hinattharupa"tipi patho. Hinatthajatika parihinatthati attho. Tanhadhipannati tanhaya ajjhotthata. Vatasilabaddhati ajavatakukkuravatadihi ca vatehi tadiseheva ca silehi baddha. Lukham tapanti pancatapatappanam ^6- kantakaseyyadikam tapam. Idani sa devata sasanassa niyyanikabhavam kathenti na manakamassatiadamaha, tam vuttatthamevati. Atthamam. @Footnote: ¹ cha.Ma. bayattaparicayatthena, Si. bhattuparicariyatthena tika. byattuparicaranatthena @² cha.Ma. vasabho ³ cha.Ma. varitagatanti ⁴ cha.Ma. varitavatam @⁵ Si., i. pancatapatapanam, cha.Ma. pancatapatapanam

The Pali Atthakatha in Roman Book 11 page 75-78. http://84000.org/tipitaka/atthapali/read_rm.php?B=11&A=1987&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1987&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=122 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=789 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=697 The Pali Tipitaka in Roman Character :- http://84000.org/tipitaka/read/roman_read.php?B=15&A=697 Contents of The Tipitaka Volume 15 http://84000.org/tipitaka/read/?index_15