AtthaPali Vol.11

7. Samayasuttavannana [37] Sattame sakkesuti "sakya vata bho kumara"ti ^1- udanam paticca sakkati laddhanamanam rakumaranam nivaso ekopi janapado rulhisaddena sakkati vuccati. Tasmim sakkesu janapade. Mahavaneti sayam jate aropite himavantena saddhim ekabaddhe mahavane. Sabbeheva arahantehiti imam suttam kathitadivaseyeva pattaarahantehi. Tatrayam anupubbikatha:- sakiyakoliya kira kapilavatthunagarassa ca koliyanagarassa ca antare rohinim nama nadim ekeneva avaranena bandhapetva sassani karenti. Atha jetthamulamase sassesu milayantesu ubhayanagaravasikanam kammakara ^2- sannipatimsu. Tattha lokiyanagaravasino ahamsu "idam udakam ubhato hariyamanam ^3- na tumhakam, na amhakam pahossati, ^4- amhakam pana sassam ekaudakeneva nipphajjissati, idam udakam amhakam detha"ti. Kapilavatthuvasino ahamsu "tumhesu kotthe puretva thitesu mayam rattasuvannanilamanikalakahapane ca gahetva pacchipasibbakadihattha na sakkhissama tumhakam gharadvare vicaritum, amhakampi sassam ekeneva udakena nipphajjissati, idam udakam amhakam detha"ti. "na mayam dassama"ti. "mayampi na dassama"ti. Evam katham vaddhetva eko utthaya ekassa paharam adasi, sopi annassati evam annamannam paharitva rajakulanam jatim ghattetva kalaham vaddhayimsu. Koliyakammakara ^2- vadanti "tumhe kapilavatthuvasino ^5- darake gahetva tajjetha, ^6- ye sonasingaladayo viya attano bhaginihi saddhim samvasam vasimsu, etesam @Footnote: ¹ di.Si. 9/267/93 dasiputtavada ² cha.Ma., i. kammakara evamuparipi @³ cha.Ma., i. ahariyamanam ⁴ Ma., Si., i. pahoti ⁵ cha.Ma., i. kapilavatthuvasike @⁶ cha.Ma. gajjatha evamuparipi

--------------------------------------------------------------------------------------------- page67.

Hatthino ca assa ca phalakavudhani ca amhakam kim karissanti"ti. Te sakiyakammakara vadanti "tumhedani kutthino darake gahetva tajjetha, ye anatha nigatika tiracchana viya kolarukkhe vasimsu, etesam hatthino ca assa ca phalakavudhani ca amhakam kim karissanti"ti. Te gantva tasmim kamme niyuttamaccanam kathesum, amacca rajakulanam kathesum, tato sakiya "bhaginihi saddhim samvasitakanam thamam ca balam ca dassessama"ti yuddhasajja nikkhamimsu. Koliyapi "kolarukkhavasinam thamam ca balam ca dassessama"ti yuddhasajja nikkhamimsu. Bhagavapi rattiya paccusasamaye mahakarunasamapattito vutthaya lokam volokento ime evam yuddhasajje nikkhamante addasa. Disva "mayi gate ayam kalaho vupasamissati nukho"ti ^1- upadharayanto "ahamettha gantva kalahavupasamanattham tini jatakani kathessami, tato kalaho vupasamissati. Atha samaggidipanatthaya dve jatakani kathetva attadandasuttam dassessami. Desanam sutva ubhayanagaravasinopi addhatiyani addhatiyani kumarasatani dassanti, ahante pabbajessami, tada mahasamagamo bhavissati"ti sannitthanamakasi. Tasma imesu yuddhasajjesu nikkhamantesu kassaci anarocetva sayameva pattacivaramadaya gantva dvinnam senanam antare akase pallankam abhujitva chabbannaramsiyo vissajjetva nisidi. Kapilavatthuvasino bhagavantam disvava "amhakam natisettho sattha agato, dittho nukho tena amhakam kalahakaranabhavo"ti cintetva "na kho pana sakka bhagavati agate amhehi parassa sarire sattham patetum, koliyanagaravasino amhe hanantu va bajjhantu va"ti avudhani chaddetva bhagavantam vanditva nisidimsu. Koliyanagaravasinopi tatheva cintetva avudhani chaddetva bhagavantam vanditva nisidimsu. Bhagava janantova "kasma agatattha maharaja"ti pucchi. "na bhagava titthakilayanapabbatakilayananadikilayanagiridassanattham, imasmim pana thane sangamam paccupatthapetva agatamha"ti. Kim nissaya vo kalaho maharajati. Udakam @Footnote: ¹ cha.Ma. nukho udahu no"ti

--------------------------------------------------------------------------------------------- page68.

Bhanteti. Udakam kim agghati maharajati. Appam bhanteti. Pathavi nama kim agghati maharajati. Anaggha bhanteti. Khattiya kim agghantiti. Khattiya nama anaggha bhanteti. Appamulakam udakam nissaya kimattham anagghe khattiye nasetha maharaja, kalahe assado nama natthi, kalahavasena maharaja atthane veram katva ekaya rukkhadevataya kalasihena saddhim baddhaghato sakalampi imam kappam anuppavattoyevati ^1- vatva phandanajatakam ^2- kathesi. Tato "parapattiyena nama maharaja na bhavitabbam parapattiya hutva hi ekassa sasakassa kathaya tiyojanasahassavitthate himavante catuppadagana mahasamuddam pakkhandino ahesum. Tasma parapattiyena na bhavitabban"ti vatva pathaviudriyanajatakam ^3- kathesi. Tato "kadaci maharaja dubbalopi mahabalassa randham vivaram passati, kadaci mahabalo dubbalassa. Latukikapi hi sakunika hatthinagam ghatesi"ti latukikajatakam ^4- kathesi. Evam kalahavupasamanatthaya tini jatakani kathetva samaggiparidipanatthaya dve jatakani kathesi. Katham? samagganam hi maharaja koci otaram nama passitum na sakkotiti vatva rukkhadhammajatakam ^5- kathesi. Tato "samagganam maharaja koci vivaram passitum nasakkhi. Yada pana annamannam vivadamakamsu, atha te nesadaputto jivita voropetva adaya gatoti vivade assado nama natthi"ti vatva vattakajatakam ^6- kathesi. Evam imani panca jatakani kathetva avasane attadandasuttam ^7- kathesi. Rajano ca pasanna "sace sattha nagamissa, mayam sahattha annamannam vadhitva lohitanadim pavattayissama. Amhakam puttabhataro ca gehadvare na passama, ^8- sasanapatisasanampi no aharanako nabhavissa. Sattharam nissaya no jivitam laddham. Sace pana sattha agaram ajjhavasissa ^9- , dipasahassadvayaparivaram catumahadiparajjamassa hatthagatam abhavissa, atirekasahassam kho panassa putta abhavissamsu, @Footnote: ¹ cha.Ma. anuppattoyevati ² khu. ja. terasa. 27/1738/345 (sya) @³ pali. duddubhayajatakam, khu. ja. catukka. 27/586 adi/142 (sya) @⁴ khu. ja. pancaka. 27/732 adi/170 (sya) ⁵ khu. ja. eka.27/74/23 @varunavagga (sya) ⁶ khu. ja. eka. 27/118/38 hamsivagga (sya) @ ⁷ khu. sutta. 25/942 adi/518 atthakavagga @⁸ cha.Ma., i. passeyyama ⁹ Ma. ajjhavasissati

--------------------------------------------------------------------------------------------- page69.

Tato ca khattiyaparivaro vicarissati. ^1- Tam kho panesa sampattim pahaya nikkhamitva sambodhim patto. Idanipi khattiyaparivaroyeva vicaratu"ti ubhayanagaravasino addhatiyani addhatiyani kumarasatani adamsu. Bhagavapi te pabbajetva mahavanam agamasi. Tesam garubhavena ^2- na attano ruciya pabbajitanam anabhirati uppajji. Puranadutiyikayopi tesam "ayyaputta ukkanthantu, gharavaso na santhati"tiadini vatva sasanam pesenti. Te ca atirekataram ukkanthimsu. Bhagava avajjento tesam anabhiratibhavam natva "ime bhikkhu madisena buddhena saddhim ekato vasanta ukkanthanti, handa nesam kunaladahassa vannam kathetva tattha netva anabhiratim vinodessami"ti kunaladahassa vannam kathesi. Te tam datthukama ahesum. Datthukamattha bhikkhave kunaladahanti. Ama bhagavati. Yadi evam etha gacchamati. Iddhimantanam bhagava agamanatthanam mayam katham gamissamati. Tumhe gantukama hotha, aham mamanubhavena gahetva gamissamiti. Sadhu bhanteti. Bhagava panca bhikkhusatani gahetva akase uppatitva kunaladahe patitthaya te bhikkhu aha "bhikkhave imasmim kunaladahe yesam macchanam namam na janatha mam ^3- pucchathati. Te pucchimsu, bhagava pucchitapucchitam kathesi. Na kevalam ca, macchanamyeva, tasmim vanasande rukkhanampi pabbatapade dipadacatupadasakunanampi namani pucchapetva kathesi. Atha dvihi sakunehi mukhatundakena damsitva gahitadandake nisinno kunalo sakunaraja purato pacchato ubhosu ca passesu sakunasanghaparivuto agacchati. Bhikkhu tam disva "esa bhante imesam sakunanam raja bhavissati, parivara ete tassa"ti mannemati. ^4- Evameva bhikkhave, ayampi mameva vamso mama paveniti. Idani tava mayam bhante ete sakune passama. Yam pana bhagava "ayampi mameva vamso mama paveni"ti aha. Tam sotukamamhati. Sotukamattha bhikkhaveti. Ama bhagavati. Tenahi sunathati tihi gathasatehi mandetva kunalajatakam ^5- kathento anabhiratim vinodesi. Desanapariyosane sabbepi @Footnote: ¹ cha.Ma. avicarissa, i. vicarissatha. ² cha.Ma. garugaravena ³ cha.Ma. mamam @⁴ cha.Ma., i. mannamati. ⁵ khu.ja.asiti. 28/296/106 (sya)

--------------------------------------------------------------------------------------------- page70.

Sotapattiphale patitthahimsu, maggeneva ca nesam iddhipi agata. Bhagava "hotu tava ettakam tesam bhikkhunan"ti akase uppatitva mahavanameva agamasi. Tepi bhikkhu gamanakale dasabalassa anubhavena gantva agamanakale attano anubhavena bhagavantam parivaretva mahavane otarimsu. Bhagava pannattasane nisiditva te bhikkhu amantetva "etha bhikkhave nisidatha, uparimaggattayavajjhanam vo kilesanam kammatthanam kathessami"ti kammatthanam kathesi. Bhikkhu cintayimsu "bhagava amhakam anabhiratibhavam natva kunaladaham netva anabhiratim vinodesi, tattha sotapattiphalam pattanam no idani idha tinnam magganam kammatthanam adasi, na kho panamhehi `sotapanna mayan'ti vitinametum vattati, purisasadisehi ^1- no bhavitum vattati"ti te dasabalassa pade vanditva utthaya nisidanam pappothetva ^2- visum visum pabbhararukkhamulesu nisidimsu. Bhagava cintesi "ime bhikkhu pakatiyapi avisatthakammanta ^3- laddhupayassa pana bhikkhuno kilamanakaranam nama natthi. Gacchanta gacchanta ca vipassanam patthapetva ^4- arahattam patta ^5- `attana patividdhagunam arocessama'ti mama santikam agamissanti. Etesu agatesu dasasahassacakkavaladevata ekacakkavale sannipatissanti, mahasamayo bhavissati, vivitte okase maya nisiditum vattati"ti. Tato vivitte okase buddhasanam pannapetva nisidi. Sabbapathamam kammatthanam gahetva gatatthero saha patisambhidahi arahattam papuni. Tato aparo tato aparoti pancasatapi paduminiyam padumani viya vikasimsu. Sabbapathamam arahattappattabhikkhu "bhagavato arocessami"ti pallankam vinibhujitva nisidanam pappothetva ^2- utthaya dasabalabhimukho ahosi. Evam aparopi aparopiti pancasatapi bhattasalam pavisanta viya patipatiyava agamimsu. Pathamam agato vanditva nisidanam pannapetva ekamantam nisiditva patividdhagunam arocetukamo "atthi nukho anno koci, natthi"ti nivattitva agatamaggam olokento aparampi addasa aparampi addasayevati sabbepi te agantva ekamantam nisiditva ayam @Footnote: ¹ cha.Ma. purisapurisehi, Si. uttamapurisasadisehi ² cha.Ma. papphotetva @³ cha.Ma. avisatthakammatthana ⁴ cha.Ma. vaddhetva ⁵ cha.Ma. patva

--------------------------------------------------------------------------------------------- page71.

Imassa harayamano na kathesi, ayam imassa harayamano na kathesi. Khinasavanam kira dve akara honti:- "aho vata maya patividdhagunam ^1- sadevako loko khippameva pativijjheyya"ti cittam uppajjati. Patividdhabhavam ^1- pana nidhiladdhapuriso viya na annassa arocetukama honti. Evam utthanamatte ^2- pana tasmim ariyamandale pacinayugandharaparikkhepato abbha mahika dhumo rajo rahuti imehi upakkilesehi vippamuttam buddhuppadapatimanditassa lokassa ramaneyyakadassanattham pacinadisaya ukkhittarajatamayamahaadasamandala ^3- viya nemivattiyam gahetva parivattiyamanarajatacakkasassirikam punnacandamandalam ullanghitva anilapatham patipajjittha. Iti evarupe khane laye muhutte bhagava sakkesu viharati kapilavatthusmim mahavane mahata bhikkhusamghena saddhim pancamattehi bhikkhusatehi sabbeheva arahantehi. Tattha bhagavapi mahasammatassa vamse uppanno, tepi pancasata bhikkhu mahasammatassa kule uppanna. Bhagavapi khattiyagabbhe jato, tepi khattiyagabbhe jata. Bhagavapi rajapabbajito, tepi rajapabbajita. Bhagavapi setacchattam pahaya hatthagatam cakkavattirajjam nissajjitva pabbajito, tepi setacchattam pahaya hatthagatani rajjani vissajjitva pabbajita. Iti bhagava parisuddhe okase parisuddhe rattibhage sayam parisuddho parisuddhaparivaro vitarago vitaragaparivaro vitadoso vitadosaparivaro vitamoho vitamohaparivaro nittanho nittanhaparivaro nikkileso nikkilesaparivaro santo santaparivaro danto dantaparivaro mutto muttaparivaro ativiya virocatiti. Vannabhumi namesa, yattakam sakkoti, tattakam vattabbam. Iti ime bhikkhu sandhaya vuttam "pancamattehi bhikkhusatehi sabbeheva arahantehi"ti. Yebhuyyenati bahutara sannipatita, manda na sannipatita asannarupavacaradevatayeva. ^4- Tatrayam sannipatakkamo:- mahavanassa kira samanta @Footnote: ¹ su. vi. 2/331/292 patiladdha... @² cha.Ma., i. osatamatte, su.vi. 2/331/292 osidamatte ³ cha.Ma., i....mandalam viya @⁴ cha.Ma., i. asanni arupavacaradevata samapannadevatayo ca

--------------------------------------------------------------------------------------------- page72.

Devata vasimsu, ^1- "ayama bho buddhadassanam nama bahupakaram, dhammassavanam bahupakaram, bhikkhusamghadassanam bahupakaram, ayama ayama"ti mahasaddam kurumana agantva bhagavantam ca tammuhuttam arahattappattakhinasave ca vanditva ekamantam atthamsu. Eteneva upayena tasam tasam saddam sutva saddantaraaddhagavutagavutaaddhayojanadivasena tiyojanasahassavitthate himavante, tikkhattum tesatthiya nagarasahassesu, navanavutiya donamukhasatasahassesu, chanavutiya pattanakotisatasahassesu, chapannasaya ratanakaresuti sakalajambudipe, pubbavidehe, amaragoyane, uttarakurumhi, dvisu parittadipasahassesuti sakalacakkavale, tato dutiyatatiyacakkavaleti evam dasasahassa- cakkavalesu devata sannipatitati veditabba. Dasasahassacakkavalam hi idha dasalokadhatuyoti adhippetam. Tena vuttam "dasahi ca lokadhatuhi devata yebhuyyena sannipatita honti"ti. Evam sannipatitahi devatahi sakalacakkavalagabbham yava brahmaloka sucighare nirantarapakkhittasuci ^2- viya paripunnam hoti. Tattha brahmalokassa evam uccataram ^3- veditabbam:- lohapasade kira pabbatakutagarasamo ^4- pasano brahmaloke thatva adho khitto catuhi masehi pathavim papunati. Evam mahante okase yatha hettha thatva khittapupphani va duma ^5- va upari gantum, upari va thatva khittasasapa hettha otaritum antaram na labhanti, evam nirantara devata ahesum. Yatha kho pana cakkavattiranno nisinnatthanam asambadham hoti, agatagata mahesakkha khattiya okasam labhantiyeva, parato ca parato ca na atisambadham ^6- hoti. Evameva bhagavato nisinnatthanam asambadham, agatagata mahesakkha deva ca brahmano ca okasam labhantiyeva. Api sudam bhagavato asannatthane ^7- valagganittudanamatte padese dasapi visatipi deva sukhume attabhave mapetva atthamsu. Sabbaparato satthi satthi devata atthamsu. Suddhavasakayikananti suddhavasavasinam. Suddhavasa nama suddhanam anagamikhinasavanam avasa panca brahmaloka. Etadahositi kasma ahosi? @Footnote: ¹ cha.Ma. calimsu ² cha.Ma. nirantaram pakkhittasucihi @³ cha.Ma. uccattanam, i. uccattam ⁴ cha.Ma. sattakutagarasamo, i. sattamakutagarasamo @⁵ cha.Ma. khittani pupphani va dhumo va ⁶ cha.Ma., i. parato parato pana atisambadham @⁷ cha.Ma., i. asannasannatthane

--------------------------------------------------------------------------------------------- page73.

Te kira brahmano samapattim samapajjitva yathaparicchedena vutthita brahmabhavanam olokenta pacchabhatte bhattageham viya sunnatam ^1- addasamsu. Tato "kuhim brahmano gata"ti avajjenta mahasamagamam natva "ayam samagamo maha, mayam ohina, ohinakanampana okaso dullabho hoti, tasma gacchanta atucchahattha hutva ekekam gatham abhisankharitva gacchama. Taya mahasamagame ca attano agatabhavam janapessama, dasabalassa ca vannam bhasissama"ti. Iti tesam samapattito vutthaya avajjitatta etadahosi. Bhagavato purato paturahesunti paliya bhagavato santike abhimukhatthaneyeva otinna viya katva vutta, na kho panettha evam attho veditabbo. Te pana brahmaloke thitayeva gatha abhisankharitva eko puratthimacakkavalamukhavattiyam otari, eko dakkhinacakkavalamukhavattiyam, eko pacchimacakkavalamukhavattiyam, eko uttaracakkavalamukhavattiyam otari. Tato puratthimacakkavalamukhavattiyam otinnabrahma nilakasinam samapajjitva nilarasmiyo vissajjetva dasasahassacakkavaladevatanam manicammam ^2- patimuncanto viya attano agatabhavam janapetva buddhavithi nama kenaci uttaritum na sakka, tasma pahatabuddhavithiyava ^3- agantva bhagavantam abhivadetva ekamantam atthasi. Ekamantam thito kho attana abhisankhatagatham abhasi. Dakkhinacakkavalamukhavattiyam otinnabrahma pitakasinam samapajjitvava suvannapabham muncitva dasasahassacakkavaladevatanam suvannapatam parupanto ^4- viya attano agatabhavam janapetva tatheva akasi. Pacchimacakkavalamukhavattiyam otinnabrahma lohitakasinam samapajjitva lohitakarasmiyo muncitva dasasahassa- cakkavaladevatanam rattavarakambalena parikkhipanto viya attano agatabhavam janapetva tatheva akasi. Uttaracakkavalamukhavattiyam otinnabrahma odatakasinam samapajjitva odatarasmiyo vissajjetva dasasahassacakkavaladevatanam sumanakusumapatam parupanto viya attano agatabhavam janapetva tatheva akasi. @Footnote: ¹ Si. sunnakam, i. sunnam. ² cha.Ma. manivammam @³ cha.Ma. mahatiya buddhavithiyava ⁴ Ma. parupento

--------------------------------------------------------------------------------------------- page74.

Paliyam pana bhagavato purato paturahesum athakho ta devata bhagavantam abhivadetva ekamantam atthamsuti evam ekakkhane viya purato patubhavo ca abhivadetva ekamantam thitabhavo ca vutto, so imina anukkamena ahosi, ekato katva pana dassito. Gathabhasanam pana paliyampi visum visumyeva vuttam. Tattha mahasamayoti mahasamuho. Pavanam vuccati vanasando. Ubhayenapi bhagava "imasmim pana vanasande ajja mahasamuho sannipato"ti aha. Tato yesam so sannipato, te dassetum devakaya samagatati aha. Tattha devakayati devaghata. Agatamha imam dhammasamayanti evam samagate devakaye disva mayampi imam dhammasamuham agata. Kim karana? dakkhitayeva aparajitasamghanti kenaci aparajitam ajjeva tayo mare madditva vijitasangamam imam aparajitasamgham dassanatthaya agatamhati attho. So pana brahma imam gatham bhasitva bhagavantam abhivadetva puratthimacakkavalamukhavattiyamyeva atthasi. Atha dutiyo vuttanayeneva agantva abhasi. Tattha tatra bhikkhavoti tasmim sannipatatthane bhikkhu. Samadahamsuti samadhina yojesum. Cittam attano ujukamakamsuti attano citte sabbe vankakutilajimhabhave haritva ujukam akarimsu. Sarathiva nettani gahetvati yatha samappavattesu sindhavesu odhastapatodo sarathi sabbayottani gahetva acodento asarento ^1- titthati, evam chalangupekkhaya samannagata guttadvara sabbepete pancasata bhikkhu indriyani rakkhanti pandita, evam te ^2- datthum idhagatamha bhagavati, sopi gantva yathatthaneyeva atthasi. Atha tatiyo vuttanayeneva agantva abhasi. Tattha chetva khilanti ragadosamohakhilam chinditva. Palighanti ragadosamohapalighameva. Indakhilanti ragadosamohindakhilameva. Ohaccamanejati ete tanhaejaya aneja bhikkhu indakhilam ohacca samuhanitva. Te carantiti ^3- catusu disasu appatihatacarikam caranti. Suddhati nirupakkilesa. Vimalati nimmala. Idam tasseva vevacanam. Cakkhacumatati @Footnote: ¹ cha.Ma. avarento ² cha.Ma., i. ete ³ cha.Ma. te carantiti na dissati

--------------------------------------------------------------------------------------------- page75.

Pancahi cakkhuhi cakkhumantena. Sudantati cakkhutopi danta sotatopi ghanatopi jivhatopi kayatopi manatopi danta. Susu nagati tarunanaga. Tatrayam vacanattho:- chandadihi na gacchantiti naga tena tena maggena pahine kilese na agacchantiti naga, nanappakaram agum na karontiti naga. Ayamettha sankhepo, vittharo pana mahaniddese ^1- vuttanayeneva veditabbo. Apica:- "agum na karoti kinci loke sabbasamyoge visajja bandhanani sabbattha na sajjati vimutto nago tadi pavuccate tathatta"ti ^2- evamettha attho veditabbo. Susu nagati susu naga, nagabhavasampattim ^3- pattati attho. Te evarupena ^4- anuttarena yogacariyena damite tarunanage dassanaya agatamha bhagavati. Sopi gantva yathatthaneyeva atthasi. Atha catuttho vuttanayeneva agantva abhasi. Tattha gataseti nibbematikasaranagamanena gata. Sopi gantva yathatthaneyeva atthasiti. Sattamam.

The Pali Atthakatha in Roman Book 11 page 66-75. http://84000.org/tipitaka/atthapali/read_rm.php?B=11&A=1735&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=11&A=1735&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=15&i=115 เนื้อความพระไตรปิฎกฉบับหลวง :- http://84000.org/tipitaka/read/r.php?B=15&A=752 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=15&A=664 The Pali Tipitaka in Roman Character :- http://84000.org/tipitaka/read/roman_read.php?B=15&A=664 Contents of The Tipitaka Volume 15 http://84000.org/tipitaka/read/?index_15