|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Bakkulattheracchariyabbhutasuttavannana 1- [209] Evamme sutanti bakkulattheracchariyabbhutasuttam. Tattha bakkuloti yatha dvavisati dvattimsatiadimhi vattabbe bavisati battimsatiadini vuccanti, evameva dvikuloti dvakkuloti va 2- vattabbe bakkuloti vuttam. Tassa hi therassa dve kulani ahesum. So kira devaloka cavitva kosambinagare nama mahasetthikule nibbatto. Tamenam pancame divase sesam nhapetva gangakilam akamsu. Dhatiya 3- darakam udake nimmujjanummujjanavasena kilapentiya eko maccho darakam disva "bhakkho me ayan"ti mannamano mukham vivaritva upagato, dhati 4- darakam chaddetva palata, maccho tam gili, punnava satto dukkham na papuni, sayanagabbham pavisitva nipanno viya ahosi. Maccho darakassa tejena tattakapalam 5- gilitva dayhamano viya vegena timsayojanamaggam 6- gantva baranasinagaravasino macchabandhassa jalam pavisi, mahamaccha nama jale baddha pahariyamana 7- maranti. Ayam pana darakassa tejena jalato nihatamattova mato. Macchabandha ca mahantam maccham labhitva phaletva vikkinanti, tam pana darakassa anubhavena aphaletva sakalameva kajena haritva sahassena demati vadanta nagare vicarimsu. Koci na ganhati. Tasmim pana nagare aputtakam asitikotivibhavam setthikulam atthi. Tassa dvaramulam patva "kim gahetva detha"ti vutta kahapananti ahamsu. Tehi kahapanam datva gahito, setthibhariyapi annesu divasesu macche na kelayati, tam divasam pana maccham phalake thapetva sayameva phalesi, macchanca nama kucchito phalenti, sa pana pitthito phalenti macchakucchiyam suvannavannam darakam disva "macchakucchiyam me putto laddho"ti nadam naditva darakam @Footnote: 1 cha.Ma. bakulasutta... 2 cha.Ma. dvakkuloti vati patho na dissati 3 Ma. dhatisu @4 Ma. dhatiyo 5 Si. tattaphalam, cha.Ma. tattakapallam 6 Ma. tiyojanamattampi @7 Si. mariyamana, pahariyamanava (?)--------------------------------------------------------------------------------------------- page139.
Adaya samikassa santikam agamasi. Setthi tavadeva bherim carapetva darakam adaya ranno santikam gantva "macchakucchiyam me deva darako laddho, kim karomi"ti aha. Punnava esa, yo macchakucchiyam arogo vasi, posehi nanti. Assosi kho itaram kulam "baranasiyam kira ekam setthikulam macchakucchiyam darakam labhati"ti, te tattha agamamsu. Athassa mata darakam alankaritva kilapiyamanam disvava "manapo vatayam darako"ti gantva pavattim acikkhi. Itara mayham puttotiadimaha. Kahante laddhoti. Macchakucchiyanti. No tuyham putto, mayham puttoti. Kaham te laddhoti. Maya dasa mase kucchiya dharito, atha nam nadiya kilapiyamanam maccho giliti. Tuyaham putto annena macchena gilito bhavissati, ayam pana maya macchakucchiyam laddhoti ubhopi rajakulam agamamsu. Raja aha "ayam dasa mase kucchiya dharitatta amata katum na sakka, maccham ganhantapi vakkayakanadini 1- bahi katva ganhanta nama natthiti macchakucchiyam laddhatta ayampi amata katum na sakka, darako ubhinnampi kulanam dayado hotu, ubhopi nam jaggatha"ti ubhopi jaggimsu. Vinnutam pattassa dvisupi nagaresu pasadam karetva natakani paccupatthapesum. Ekekasmim nagare cattaro mase vasati, ekasmim nagare cattaro mase vutthassa sanghatanavaya mandapam karetva tattha nam saddhim natakahi aropenti, so sampattim anubhavamano itaram nagaram gacchati. Tam nagaravasino natakani upaddhamaggam agamamsu. Te paccuggantva tam parivaretva attano pasadam nayanti. Itarani natakani nivattitva attano nagarameva gacchanti. Tattha cattaro mase vasitva teneva niyamena puna itaram nagaram gacchati. Evamassa sampattim anubhavantassa asiti vassani paripunnani. Atha bhagava carikam caramano baranasim sampatto, 2- so bhagavato santike dhammam sutva patiladdhasaddho pabbajito. Pabbajitva sattahameva @Footnote: 1 Ma. vikkayakinadini 2 cha.Ma. patto--------------------------------------------------------------------------------------------- page140.
Puthujjano ahosi, atthame pana so 1- saha patisambhidahi arahattam papuni. 2- Evamassa dve kulani ahesum. Tasma "bakkulo"ti sankham agamasiti. Puranagihisahayoti pubbe gihikale sahayo. Ayampi dighayukova theram pabbajitam passitum gacchanto asitime vasse gato. Methuno dhammoti balo naggasamanako balapuccham pucchati, na sasanavacanam, idani therena dinnanaye thito imehi pana teti pucchi. [210] Yampayasmatiadini padani sabbavaresu dhammasangahakattherehi niyametva thapitani. Tattha sanna uppannamattava, vitakko kammapathabhedakoti. Thero panaha "kasma visum karotha, ubhayampetam kammapathabhedakameva"ti. [211] Gahapaticivaranti vassavasikacivaram. Satthenati pipphalikena. 3- Suciyati sucim gahetva sibbitabhavam na saramiti attho. Kathine civaranti kathinacivaram, kathinacivarampi hi vassavasikagatikameva. Tasma tattha sibbeta .pe. Nabhijanamiti aha. Ettakam panassa kalam gahapaticivaram asadiyantassa chindanasibbanadini akarontassa kuto civaram uppajjatiti. Dvihi nagarehi. Thero hi mahayasassi, tassa puttadhitaro nattapanattaka sukhumasatakehi civarani karetva rajapetva samugge pakkhipitva pahinanti. Therassa nhanakale nhanakotthake thapenti. Thero tani nivaseti ceva parupati ca, puranacivarani sampattapabbajitanam deti. Thero tani nivasetva ca parupitva ca navakammam na karoti, kinci ayuhanakammam natthi. Phalasamapattim appetva nisidati. Catusu masesu pattesu lomakilitthani honti, athassa puna teneva niyamena pahinitva denti. Addhamase addhamase parivattatitipi vadantiyeva. Anacchariyancetam therassa mahapunnassa mahabhinnassa 4- satasahassakappe puritaparamissa, asokadhammaranno kulupako nigrodhatthero divasassa tikkhattum @Footnote: 1 Ma. anulomabalam 2 cha.Ma. papuniti 3 cha.Ma. pipphalakena 4 Ma. mahaviriyassa--------------------------------------------------------------------------------------------- page141.
Civaram parivattesi. Tassa hi ticivaram hatthikkhandhe thapetva pancahi ca gandhasamuggasatehi pancahi ca malasamuggasatehi saddhim patova ahariyittha, tatha diva ceva sayanca. Raja kira divasassa tikkhattum satake parivattento "therassa civaram nitan"ti pucchitva "ama nitan"ti sutvava parivattesi. Theropi na bhandikam bandhitva thapesi, sampattasabrahmacarinam adasi. Tada kira sakalajambudipe 1- bhikkhusamghassa yebhuyyena nigrodhasseva santakam civaram ahosi. Aho vata mam koci nimanteyyati kim pana cittassa anuppadanam bhariyam, uppannassa pahananti. Cittam nama lahukaparivattam, tasma anuppadanam bhariyam, upnappahanampi bhariyameva. Antaraghareti mahasakuludayisutte 2- indakhilato patthaya antaragharam nama, idha nimbodakapatanatthanam adhippetam. Kuto panassa bhikkha uppajjitthati. Thero dvisu nagaresu abhinnato, gehadvaram agatassevassa pattam gahetva nanarasabhojanassa puretva denti. So laddhatthanato nivattati, bhattakiccakaranatthanam panassa nibaddhameva ahosi. Anubyanjanasoti therena kira rupe nimittam gahetva matugamo na olokitapubbo. Matugamassa dhammanti matugamassa chappancavacahi dhammam desetum vattati, panham putthena gathasahassampi vattum vattatiyeva. Thero pana kappiyameva na akasi. Yebhuyyena hi kulupakattheranametam kammam hoti. Bhikkhunupassayanti bhikkhuniupassayam. Tam pana gilanapucchakena gantum vattati, thero pana kappiyameva na akasi. Esa nayo sabbattha. Cunnenati kosambhacunnadina. Gattaparikammeti sarirasambahanakamme. Vicaritati payojayita. Gadduhanamattanti gavim thane gahetva ekam khirabindum duhanakalamattampi. Kena pana karanena thero nirabadho ahosi. Padumuttare kira bhagavati satasahassabhikkhuparivare carikam caramane himavati visarukkha pupphimsu. Bhikkhusatasahassanampi tinapupphakarogo uppajjati, thero tasmim samaye iddhima tapaso hoti, so akasena gacchanto bhikkhusamgham disva otaritva rogam @Footnote: 1 cha.Ma. jambudipe 2 Ma.Ma. 13/237-259/212-233--------------------------------------------------------------------------------------------- page142.
Pucchitva himavantato osadham aharitva adasi. Upasinghanamatteneva rogo vupasami. Kassapasammasambuddhakalepi pathamavappadivase vappam thapetva bhikkhusamghassa paribhogam aggisalam ceva vaccakutim ca karetva bhikkhusamghassa bhesajjavattam nibandhi, 1- imina kammena nirabadho ahosi. Ukkatthanesajjiko panesa ukkattharannako ca, tasma "nabhijanami apassenakam apassayita"tiadimaha. Saranoti sakileso. Anna udapaditi anupasampannassa annam byakatum na vattati, thero kasma byakasi? na thero aham arahati aha, anna udapaditi panaha. Apica thero arahati pakato, tasma evamaha. [212] Pabbajjanti thero sayam neva pabbajesi na upasampadesi, annehi pana bhikkhuhi evam karapesi. Avapuranam adayati kuncikam gahetva. Nisinnakova parinibbayiti aham 2- dharamanopi na annassa bhikkhussa bharo ahosim, parinibbutassapi me sariram bhikkhusamghassa palibodho ma ahositi tejodhatum samapajjitva parinibbayi. Sarirato jala utthahi, chavimamsalohitam sappi viya jhayamanam parikkhayam gatam, sumanamakulasadisa dhatuyova avasesimsu. 3- Sesam sabbattha pakatameva. Idam pana suttam dutiyasangahe sangitanti. Papancasudaniya majjhimanikayatthakathaya bakkulattheracchariyabbhutasuttavannana nitthita. --------------The Pali Atthakatha in Roman Book 10 page 138-142. http://84000.org/tipitaka/atthapali/read_rm.php?B=10&A=3514&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=3514&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=380 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=5282 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=5101 The Pali Tipitaka in Roman Character :- http://84000.org/tipitaka/read/roman_read.php?B=14&A=5101 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]