|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Sunnatavagga 1. Culasunnatasuttavannana [176] Evamme sutanti culasunnatasuttam. tattha ekamidanti thero kira bhagavato vattam katva attano divatthanam gantva kalaparicchedam katva nibbanarammanam sunnataphalasamapattim appetva nisinno yathaparicchedena vutthasi. Athassa sankhara sunnato upatthahimsu. So sunnatakatham sotukamo jato. Athassa etadahosi "na kho pana sakka dhurena dhuram paharantena viya gantva `sunnatakatham me bhante kathetha'ti bhagavantam vattum, handaham yam me bhagava nagarakam upanissaya viharanto ekam katham kathesi, tam saremi, evam me bhagava sunnatakatham kathessati"ti dasabalam sarento ekamidantiadimaha. Tattha idanti nipatamattameva. Kacci metam bhanteti thero ekapade thatva satthipadasahassani uggahetva dharetum samattho, kim so "sunnataviharena"ti ekapadam dharetum na sakkhissati, sotukamena pana janantena viya pucchitum na vattati, pakatam katva vitthariyamanam sunnatakatham sotukamo ajananto viya evamaha. Eko ajanantopi jananto viya hoti, thero evarupam kohannam kim karissati, attano jananatthanepi bhagavato apacitam dassetva "kacci metan"tiadimaha. Pubbepiti pathamabodhiyam nagarakam upanissaya viharanakalepi. Etarahipiti idanipi. Evam pana vatva cintesi "anando sunnatakatham sotukamo, eko pana sotum sakkoti, na uggahetum, eko sopi uggahetumpi sakkoti, na kathetum, anando pana sotumpi sakkoti uggahetumpi kathetumpi, kathemissa sunnatakathan"ti. Iti tam kathento seyyathapitiadimaha. Tattha sunno hatthigavassavalavenati tattha kattharupapotthakarupacittarupavasena kata hatthiadayo atthi, vessavanamandhatadinam thitatthane cittakammavasena tampi, ratanaparikkhatanam 1- @Footnote: 1 Si. ratanaparisevitanam--------------------------------------------------------------------------------------------- page109.
Vatapanadvarabandhamancapithadinam vasena santhitampi, jinnapatisankharanattham thapitampi jataruparajatam atthi, kattharupadivasena kata dhammassavanapanhapucchanadivasena agacchanta ca itthipurisapi atthi, tasma na so tehi sunno. Indriyabaddhanam savinnanakanam hatthiadinam, icchiticchitakkhane paribhunjitabbassa jataruparajatassa, nibaddhavasam vasantanam itthipurisananca abhavam sandhayetam vuttam. Bhikkhusamgham paticcati bhikkhusu hi pindaya pavitthesupi viharabhattam sadiyantehi bhikkhuhi ceva gilanagilanupatthakauddesacivarakammappasutadihi ca bhikkhuhi so asunnova hoti, iti 1- niccampi bhikkhunam atthitaya evamaha. Ekattanti ekabhavam, ekam asunnatam atthiti attho. Eko asunnatabhavo atthiti vuttam hoti. Amanasikaritvati citte akatva anavajjitva apaccavekkhitva. Gamasannanti gamoti pavattavasena va kilesavasena va uppannagamasannam. Manussasannayapi esava nayo. Arannasannam paticca manasikaroti ekattanti idam arannam, ayam rukkho, ayam pabbato, ayam nilobhaso vanasandoti evam ekam arannamyeva paticca arannasannam manasikaroti. Pakkhandatiti otarati. Adhimuccatiti evanti adhimuccati. Ye assu darathati ye pavattadaratha va kilesadaratha va gamasannam paticca bhaveyyum, te idha arannasannaya na santi. Dutiyapadepi eseva nayo. Atthi cevayanti ayam pana ekam arannasannam paticca uppajjamana pavattadarathamatta atthi. Yam hi kho tattha na hotiti yam migaramatu pasade hatthiadayo viya imassa arannasannaya gamasannamanussasannavasena uppajjamanam pavattadarathakilesadarathajatam, tam na hoti. Yam pana tattha avasitthanti migaramatu pasade bhikkhusamgho viya tattha arannasannaya pavattadarathamattam avasittham hoti. Tam santamidam atthiti pajanatiti tam vijjamanameva "atthi idan"ti pajanati, sunnatavakkantiti sunnatanibbatti. @Footnote: 1 Si. idha--------------------------------------------------------------------------------------------- page110.
[177] Amanasikaritva manussasannanti idha gamasannam na ganhati. Kasma? evam kirassa ahosi "manussasannaya gamasannam nibbattetva, Arannasannaya, manussasannam, pathavisannaya arannasannam, akasanancayatanasannaya pathavisannam .pe. Nevasannanasannayatanasannaya akincannayatanasannam, vipassanaya nevasannanasannayatanasannam, maggena vipassanam nibbattetva anupubbena accantasunnatam nama dassessami"ti. Tasma evam desanam arabhi. Tattha pathavisannanti kasma arannasannam pahaya pathavisannam manasikaroti? Arannasannaya visesanadhigamanato. Yatha hi purisassa ramaniyam khettatthanam disva "idha vutta saliadayo sutthu sampajjissanti, mahalabham labhissami"ti sattakkhattumpi 1- khettatthanam olokentassa saliadayo na sampajjanteva, sace pana tam thanam vihatakhanukakantakam katva kasitva vapati, evam sante sampajjanti, evameva "idam arannam, ayam rukkho, ayam pabbato, ayam nilobhaso vanasando"ti sacepi sattakkhattum arannasannam manasikaroti, nevupacaram na samadhim papunati, pathavisanna panassa dhuvasevanam kammatthanam pathavikasinam parikammam katva jhanani nibbattetva jhanapatthanampi vipassanam vaddhetva sakka arahattam papunitum. Tasma arannasannam pahaya pathavisannam manasikaroti. Paticcati paticca sambhutam. Idani yasmim pathavikasine so pathavisanni hoti, tassa opammadassanattham seyyathapitiadimaha. Tattha usabhassa etanti asabham. Annesam pana gunnam gandapi honti paharapi. Tesam hi cammam pasariyamanam nibbalikam na hoti, usabhassa lakkhanasampannataya te dosa natthi. Tasma tassa cammam gahitam. Samkusatenati khilasatena. Suvihatanti pasaretva sutthu vihatam. Unakasatasamkuvihatam hi nibbalikam na hoti, sankutena vihatam bheritalam viya nibbalikam hoti. Tasma evamaha. Ukkulavikkulanti uccanicam thalatthanam ninnatthanam. Nadividugganti nadiyo ceva duggamanatthananca. 2- Pathavisannam paticca manasikaroti ekattanti @Footnote: 1 satakkhattumpi (?) evamuparipi 2 cha.Ma. duggamatthananca--------------------------------------------------------------------------------------------- page111.
Paticca sambhutam ekam sannam manasikaroti. Darathamattati ito kasinapathaviyamyeva patthaya sabbavaresu pavattadarathavaseneva darathamatta veditabba. [182] Animittam cetosamadhinti vipassanacittasamadhim. So hi niccanimittadivirahito animittoti vuccati. Imameva kayanti vipassanaya vatthum dasseti. Tattha imamevati imam eva catumahabhutikam. Salayatanikanti salayatanapatisamyuttam. Jivitapaccayati yava jivitindriyanam pavatti, tava jivitapaccaya pavattadarathamatta atthiti vuttam hoti. [183] Puna animittanti vipassanaya pativipassanam dassetum vuttam. Kamasavam paticcati kamasavam paticca uppajjanapavattadaratha idha na santi, ariyamagge ceva ariyaphale ca natthiti vuttam hoti. Imameva kayanti idam upadisesadarathadassanattham vuttam. Iti manussasannaya gamasannam nivattetva .pe. Maggena vipassanam nivattetva anupubbena accantasunnata nama dassita hoti. [184] Parisuddhanti nirupakkilesam. Anuttaranti uttaravirahitam sabbasettham. Sunnatanti sunnataphalasamapattim. Tasmati yasma atitepi, buddhapaccekabuddha- buddhasavakasankhata samanabrahmana, anagatepi, etarahipi buddhabuddhasavaka- sankhata samanabrahmana imamyeva parisuddham paramam anuttaram sunnatam upasampajja viharimsu viharissanti viharanti ca, tasma. Sesam sabbattha uttanamevati. Papancasudaniya majjhimanikayatthakathaya culasunnatasuttavannana nitthita. --------------The Pali Atthakatha in Roman Book 10 page 108-111. http://84000.org/tipitaka/atthapali/read_rm.php?B=10&A=2744&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=10&A=2744&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=14&i=333 เนื้อความพระไตรปิฎกฉบับหลวง :- http://84000.org/tipitaka/read/r.php?B=14&A=4714 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=14&A=4513 The Pali Tipitaka in Roman Character :- http://84000.org/tipitaka/read/roman_read.php?B=14&A=4513 Contents of The Tipitaka Volume 14 http://84000.org/tipitaka/read/?index_14
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]