PaliRoman Vol.7

[176] Tena kho pana samayena chabbaggiya bhikkhu dayam alepenti ^4-. Manussa ujjhayanti khiyanti vipacenti .pe. seyyathapi davadahakati .pe. bhagavato etamattham arocesum .pe. Na bhikkhave dayo alepetabbo yo alepeyya apatti dukkatassati. [177] Tena kho pana samayena vihara tinagahana honti . Davadahe dayhamane vihara dayhanti . bhikkhu kukkuccayanti @Footnote: ¹ Ma. Yu. samaneram. ² Ma. Yu. tena. ³ Ma. Yu. atimatahakam. ⁴ Ma. Yu. @alimpenti.

--------------------------------------------------------------------------------------------- page69.

Pataggim datum parittam katum . bhagavato etamattham arocesum . Anujanami bhikkhave davadahe dayhamane pataggim datum parittam katunti. [178] Tena kho pana samayena chabbaggiya bhikkhu rukkham abhiruhanti rukkha rukkham sankamanti . manussa ujjhayanti khiyanti vipacenti .pe. seyyathapi makkatati .pe. bhagavato etamattham arocesum .pe. na bhikkhave rukkho abhiruhitabbo yo abhiruheyya apatti dukkatassati. [179] Tena kho pana samayena annatarassa bhikkhuno kosalesu janapadesu savatthim gacchantassa antaramagge hatthi pariyutthasi . Athakho so bhikkhu rukkhamulam upadhavitva kukkuccayanto rukkham nabhiruhi ^1- . so hatthi annena agamasi . athakho so bhikkhu savatthim gantva bhikkhunam etamattham arocesi . bhikkhu bhagavato etamattham arocesum . anujanami bhikkhave sati karaniye porisiyam ^2- rukkham abhiruhitum apadasu yavadatthanti.

The Pali Tipitaka in Roman Character Volume 7 page 68-69. https://84000.org/tipitaka/read/roman_read.php?B=7&A=1352&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=1352&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=176&items=4 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=20 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7