PaliRoman Vol.5

[196] Idha pana bhikkhave bhikkhussa na hoti apatti datthabba. Tamenam codeti sangho va sambahula va ekapuggalo va apattim tvam avuso apanno passasetam apattinti . so evam vadeti natthi me avuso apatti yamaham passeyyanti . tam sangho apattiya adassane ukkhipati adhammakammam . idha pana bhikkhave bhikkhussa na hoti apatti patikatabba . tamenam codeti sangho va sambahula va ekapuggalo va apattim tamenam avuso apanno @Footnote: ¹ Ma. Yu. sipadiko. ² Ma. Yu. ime vuccanti bhikkhave puggala appatta osaranam @te ce sangho osareti sosarita. ³ Yu. asabhagamabhanavaro nitthito pathamo.

--------------------------------------------------------------------------------------------- page266.

Patikarohi tam apattinti . so evam vadeti natthi me avuso apatti yamaham patikareyyanti . tam sangho apattiya appatikamme ukkhipati adhammakammam . idha pana bhikkhave bhikkhussa na hoti papika ditthi patinissajjeta . tamenam codeti sangho va sambahula va ekapuggalo va papika te avuso ditthi patinissajjetam papikam ditthinti . so evam vadeti natthi me avuso papika ditthi yamaham patinissajjeyyanti . tam sangho papikaya ditthiya appatinissagge ukkhipati adhammakammam . idha pana bhikkhave bhikkhussa na hoti apatti datthabba na hoti apatti patikatabba . tamenam codeti sangho va sambahula va ekapuggalo va apattim tvam avuso apanno passasetam apattim patikarohi tam apattinti . So evam vadeti natthi me avuso apatti yamaham passeyyam natthi me avuso apatti yamaham patikareyyanti . tam sangho adassane va appatikamme va ukkhipati adhammakammam. {196.1} Idha pana bhikkhave bhikkhussa na hoti apatti datthabba na hoti papika ditthi patinissajjeta . tamenam codeti sangho va sambahula va ekapuggalo va apattim tvam avuso apanno passasetam apattim papika te ditthi patinissajjetam papikam ditthinti. So evam vadeti natthi me avuso apatti yamaham passeyyam natthi me papika ditthi yamaham patinissajjeyyanti . tam sangho adassane va

--------------------------------------------------------------------------------------------- page267.

Appatinissagge va ukkhipati adhammakammam . idha pana bhikkhave bhikkhussa na hoti apatti patikatabba na hoti papika ditthi patinissajjeta . tamenam codeti sangho va sambahula va ekapuggalo va apattim tvam avuso apanno patikarohi tam apattim papika te ditthi patinissajjetam papikam ditthinti . So evam vadeti natthi me avuso apatti yamaham patikareyyam natthi me avuso papika ditthi yamaham patinissajjeyyanti . tam sangho appatikamme va appatinissagge va ukkhipati adhammakammam. {196.2} Idha pana bhikkhave bhikkhussa na hoti apatti datthabba na hoti apatti patikatabba na hoti papika ditthi patinissajjeta . tamenam codeti sangho va sambahula va ekapuggalo va apattim tvam avuso apanno passasetam apattim patikarohi tam apattim papika te ditthi patinissajjetam papikam ditthinti . so evam vadeti natthi me avuso apatti yamaham passeyyam natthi me avuso apatti yamaham patikareyyam natthi me avuso papika ditthi yamaham patinissajjeyyanti . tam sangho adassane va appatikamme va appatinissagge va ukkhipati adhammakammam. [197] Idha pana bhikkhave bhikkhussa hoti apatti datthabba . Tamenam codeti sangho va sambahula va ekapuggalo va apattim

--------------------------------------------------------------------------------------------- page268.

Tvam avuso apanno passasetam apattinti . so evam vadeti amavuso passamiti . tam sangho apattiya adassane ukkhipati adhammakammam . idha pana bhikkhave bhikkhussa hoti apatti patikatabba . tamenam codeti sangho va sambahula va ekapuggalo va apattim tvam avuso apanno patikarohi tam apattinti . So evam vadeti amavuso patikarissamiti . tam sangho apattiya appatikamme ukkhipati adhammakammam . idha pana bhikkhave bhikkhussa hoti papika ditthi patinissajjeta . tamenam codeti sangho va sambahula va ekapuggalo va papika te avuso ditthi patinissajjetam papikam ditthinti . so evam vadeti amavuso patinissajjissamiti . tam sangho papikaya ditthiya appatinissagge ukkhipati adhammakammam. {197.1} Idha pana bhikkhave bhikkhussa hoti apatti datthabba hoti apatti patikatabba . hoti apatti datthabba hoti papika ditthi patinissajjeta . hoti apatti patikatabba hoti papika ditthi patinissajjeta . hoti apatti datthabba hoti apatti patikatabba hoti papika ditthi patinissajjeta . Tamenam codeti sangho va sambahula va ekapuggalo va apattim tvam avuso apanno passasetam apattim patikarohi tam apattim papika te ditthi patinissajjetam papikam ditthinti . So evam vadeti amavuso passami ama patikarissami ama

--------------------------------------------------------------------------------------------- page269.

Patinissajjissamiti . tam sangho adassane va appatikamme va appatinissagge va ukkhipati adhammakammam. [198] Idha pana bhikkhave bhikkhussa hoti apatti datthabba . Tamenam codeti sangho va sambahula va ekapuggalo va apattim tvam avuso apanno passasetam apattinti . so evam vadeti natthi me avuso apatti yamaham passeyyanti . tam sangho apattiya ^1- adassane ukkhipati dhammakammam . idha pana bhikkhave bhikkhussa hoti apatti patikatabba . tamenam codeti sangho va sambahula va ekapuggalo va apattim tvam avuso apanno patikarohi tam apattinti . so evam vadeti natthi me avuso apatti yamaham patikareyyanti . tam sangho apattiya ^2- appatikamme ukkhipati dhammakammam . idha pana bhikkhave bhikkhussa hoti papika ditthi patinissajjeta . tamenam codeti sangho va sambahula va ekapuggalo va papika te avuso ditthi patinissajjetam papikam ditthinti . so evam vadeti natthi me avuso papika ditthi yamaham patinissajjeyyanti . tam sangho papikaya ditthiya appatinissagge ukkhipati dhammakammam. {198.1} Idha pana bhikkhave bhikkhussa hoti apatti datthabba hoti apatti patikatabba . hoti apatti datthabba hoti papika ditthi patinissajjeta . hoti apatti patikatabba hoti papika @Footnote: ^1-2 Yu. ayam patho natthi.

--------------------------------------------------------------------------------------------- page270.

Ditthi patinissajjeta . hoti apatti datthabba hoti apatti patikatabba hoti papika ditthi patinissajjeta . tamenam codeti sangho va sambahula va ekapuggalo va apattim tvam avuso apanno passasetam apattim patikarohi tam apattim papika te avuso ^1- ditthi patinissajjetam papikam ditthinti . So evam vadeti natthi me avuso apatti yamaham passeyyam natthi me ^[2]- apatti yamaham patikareyyam natthi me ^[3]- papika ditthi yamaham patinissajjeyyanti . tam sangho adassane va appatikamme va appatinissagge va ukkhipati dhammakammanti.

The Pali Tipitaka in Roman Character Volume 5 page 265-270. https://84000.org/tipitaka/read/roman_read.php?B=5&A=5502&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=5502&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=196&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=53 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5