PaliRoman Vol.5

[193] Ekaccassa bhikkhave sanghamajjhe patikkosana ruhati ekaccassa na ruhati . kassa ca bhikkhave sanghamajjhe patikkosana na ruhati . bhikkhuniya bhikkhave sanghamajjhe patikkosana na ruhati . Sikkhamanaya bhikkhave .pe. samanerassa bhikkhave samaneriya bhikkhave sikkham paccakkhatakassa bhikkhave antimavatthum ajjhapannakassa bhikkhave ummattakassa bhikkhave khittacittassa bhikkhave vedanattassa bhikkhave apattiya adassane ukkhittakassa bhikkhave apattiya appatikamme ukkhittakassa bhikkhave papikaya ditthiya

--------------------------------------------------------------------------------------------- page263.

Appatinissagge ukkhittakassa bhikkhave pandakassa bhikkhave theyyasamvasakassa bhikkhave titthiyapakkantakassa bhikkhave tiracchanagatassa bhikkhave matughatakassa bhikkhave pitughatakassa bhikkhave arahantaghatakassa bhikkhave bhikkhunidusakassa bhikkhave sanghabhedakassa bhikkhave lohituppadakassa bhikkhave ubhatobyanjanakassa bhikkhave nanasamvasakassa bhikkhave nanasimaya thitassa bhikkhave iddhiya vehase thitassa bhikkhave yassa sangho kammam karoti tassa [1]- Bhikkhave sanghamajjhe patikkosana na ruhati . imesam kho bhikkhave sanghamajjhe patikkosana na ruhati . kassa ca bhikkhave sanghamajjhe patikkosana ruhati . bhikkhussa bhikkhave pakatattassa samanasamvasakassa samanasimaya thitassa antamaso anantarikassapi bhikkhuno vinnapentassa sanghamajjhe patikkosana ruhati . Imassa kho bhikkhave sanghamajjhe patikkosana ruhati. [194] Dvema bhikkhave nissarana atthi bhikkhave puggalo appatto nissaranam tam ce sangho nissareti ekacco sunissarito ekacco dunnissarito . katamo ca bhikkhave puggalo appatto nissaranam tam ce sangho nissareti dunnissarito . idha ^[2]- bhikkhave bhikkhu suddho hoti anapattiko tam ce sangho nissareti dunnissarito . ayam vuccati bhikkhave puggalo appatto nissaranam tam ce sangho nissareti dunnissarito . katamo @Footnote: ¹ Po. Ma. ca. ² Ma. Yu. pana.

--------------------------------------------------------------------------------------------- page264.

Ca bhikkhave puggalo appatto nissaranam tam ce sangho nissareti sunissarito . idha bhikkhave bhikkhu balo hoti abyatto apattibahulo anapadano gihisamsattho viharati ananulomikehi gihisamsaggehi tam ce sangho nissareti sunissarito . ayam vuccati bhikkhave puggalo appatto nissaranam tam ce sangho nissareti sunissarito. [195] Dvema bhikkhave osarana atthi bhikkhave puggalo appatto osaranam tam ce sangho osareti ekacco sosarito ekacco dosarito . katamo ca bhikkhave puggalo appatto osaranam tam ce sangho osareti dosarito . pandako bhikkhave appatto osaranam tance sangho osareti dosarito . Theyyasamvasako bhikkhave .pe. titthiyapakkantako bhikkhave tiracchanagato bhikkhave matughatako bhikkhave pitughatako bhikkhave arahantaghatako bhikkhave bhikkhunidusako bhikkhave sanghabhedako bhikkhave lohituppadako bhikkhave ubhatobyanjanako bhikkhave appatto osaranam tam ce sangho osareti dosarito . Ayam vuccati bhikkhave puggalo appatto osaranam tam ce sangho osareti dosarito . katamo ca bhikkhave puggalo appatto osaranam tam ce sangho osareti sosarito ^[1]- . Hatthacchinno bhikkhave appatto osaranam tam ce sangho osareti sosarito . Padacchinno bhikkhave .pe. hatthapadacchinno bhikkhave @Footnote: ¹ Ma. Yu. ime vuccanti bhikkhave puggala appatta osaranam te ce sangho osareti @dosarita.

--------------------------------------------------------------------------------------------- page265.

Kannacchinno bhikkhave nasacchinno bhikkhave kannanasacchinno bhikkhave angulicchinno bhikkhave alacchinno bhikkhave kandaracchinno bhikkhave phanahatthako bhikkhave khujjo bhikkhave vamano bhikkhave galagandi bhikkhave lakkhanahato bhikkhave kasahato bhikkhave likhitako bhikkhave sipadi ^1- bhikkhave paparogi bhikkhave parisadusako bhikkhave kano bhikkhave kuni bhikkhave khanjo bhikkhave pakkhahato bhikkhave chinniriyapatho bhikkhave jaradubbalo bhikkhave andho bhikkhave mugo bhikkhave badhiro bhikkhave andhamugo bhikkhave andhabadhiro bhikkhave mugabadhiro bhikkhave andhamugabadhiro bhikkhave appatto osaranam tam ce sangho osareti sosarito . ayam vuccati bhikkhave puggalo appatto osaranam tam ce sangho osareti sosarito [2]-. Vasabhagamabhanavaram pathamam ^3-.

The Pali Tipitaka in Roman Character Volume 5 page 262-265. https://84000.org/tipitaka/read/roman_read.php?B=5&A=5438&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=5438&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=193&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=52 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5