|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 17 : PALI ROMAN Sutta Pitaka Vol 9 : Sutta. Saṃ. Kha.
Khandhasamyuttassa majjhimapannasake arahantavaggo dutiyo [138] Evamme sutam ekam samayam bhagava savatthiyam viharati jetavane anathapindikassarame . atha kho annataro bhikkhu yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so 1- bhikkhu bhagavantam etadavoca sadhu me bhante bhagava sankhittena dhammam desetu yamaham bhagavato dhammam sutva eko vupakattho appamatto atapi pahitatto vihareyyanti . upadiyamano kho bhikkhu bandho marassa anupadiyamano mutto papimatoti. Annatam bhagava annatam sugatati. {138.1} Yathakatham pana tvam bhikkhu maya sankhittena bhasitassa vittharena attham ajanasiti 2- . rupam kho bhante upadiyamano bandho marassa anupadiyamano mutto papimato . vedanam upadiyamano bandho marassa anupadiyamano mutto papimato . Sannam . sankhare . vinnanam upadiyamano bandho marassa anupadiyamano mutto papimato . imassa khvaham bhante bhagavata sankhittena bhasitassa evam vittharena attham ajanamiti. {138.2} Sadhu sadhu bhikkhu sadhu kho tvam bhikkhu maya sankhittena bhasitassa vittharena attham ajanasi . rupam kho bhikkhu upadiyamano bandho marassa anupadiyamano mutto papimato . vedanam . Sannam . sankhare . vinnanam upadiyamano bandho @Footnote: 1 Po. soti patho natthi . 2 Po. janasi.--------------------------------------------------------------------------------------------- page92.
Marassa anupadiyamano mutto papimato . imassa kho bhikkhu maya sankhittena bhasitassa evam vittharena attho datthabboti. [139] Atha kho so bhikkhu bhagavato bhasitam abhinanditva anumoditva utthayasana bhagavantam abhivadetva padakkhinam 1- katva pakkami . atha kho so bhikkhu eko vupakattho appamatto atapi pahitatto viharanto nacirasseva yassatthaya kulaputta sammadevagarasma anagariyam pabbajanti tadanuttaram brahmacariyapariyosanam dittheva dhamme sayam abhinna sacchikatva upasampajja viharati 2- . Khina jati vusitam brahmacariyam katam karaniyam naparam itthattayati abbhannasi. Annataro ca pana so bhikkhu arahatam ahositi.The Pali Tipitaka in Roman Character Volume 17 page 91-92. https://84000.org/tipitaka/read/roman_read.php?B=17&A=1822&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=17&A=1822&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=138&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=17&siri=63 Study Atthakatha :- https://84000.org/tipitaka/attha/attha.php?b=17&i=138 The Pali Atthakatha in Thai :- https://84000.org/tipitaka/atthapali/read_th.php?B=12&A=6777 The Pali Atthakatha in Roman :- https://84000.org/tipitaka/atthapali/read_rm.php?B=12&A=6777 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]