|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Mahatanhasankhayasuttam [440] Evamme sutam ekam samayam bhagava savatthiyam viharati jetavane anathapindikassa arame . tena kho pana samayena satissa nama bhikkhuno kevattaputtassa evarupam papakam ditthigatam uppannam hoti tathaham bhagavata dhammam desitam ajanami yatha tadevidam vinnanam sandhavati samsarati anannanti . assosum kho sambahula bhikkhu satissa nama bhikkhuno kevattaputtassa evarupam papakam ditthigatam uppannam tathaham bhagavata dhammam desitam ajanami yatha tadevidam vinnanam sandhavati samsarati anannanti. {440.1} Atha kho te bhikkhu yena sati bhikkhu kevattaputto tenupasankamimsu upasankamitva satim bhikkhum kevattaputtam etadavocum saccam kira te avuso sati evarupam papakam ditthigatam uppannam tathaham bhagavata dhammam desitam ajanami yatha tadevidam vinnanam sandhavati samsarati anannanti . evam bya kho aham avuso bhagavata dhammam desitam ajanami yatha tadevidam vinnanam sandhavati samsarati anannanti . Atha kho te bhikkhu satim bhikkhum kevattaputtam etasma papaka ditthigata vivecetukama samanuyunjanti samanuggahanti samanubhasanti ma evamavuso sati avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena--------------------------------------------------------------------------------------------- page473.
Avuso sati paticcasamuppannam vinnanam vuttam bhagavata annatra paccaya natthi vinnanassa sambhavoti . evampi kho sati bhikkhu kevattaputto tehi bhikkhuhi samanuyunjiyamano samanuggahiyamano samanubhasiyamano tadeva papakam ditthigatam thamasa paramassa 1- abhinivissa voharati evam bya kho aham avuso bhagavata dhammam desitam ajanami yatha tadevidam vinnanam sandhavati samsarati anannanti. [441] Yato kho te bhikkhu nasakkhimsu satim bhikkhum kevattaputtam etasma papaka ditthigata vivecetum atha te bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum satissa nama bhante bhikkhuno kevattaputtassa evarupam papakam ditthigatam uppannam tathaham bhagavata dhammam desitam ajanami yatha tadevidam vinnanam sandhavati samsarati anannanti [2]- atha kho mayam bhante yena sati bhikkhu kevattaputto tenupasankamimha upasankamitva satim bhikkhum kevattaputtam etadavocumha saccam kira te avuso sati evarupam papakam ditthigatam uppannam tathaham bhagavata dhammam desitam ajanami yatha tadevidam vinnanam sandhavati samsarati anannanti evam vutte bhante sati bhikkhu kevattaputto amhe etadavoca evam bya kho aham avuso bhagavata dhammam desitam @Footnote: 1 Po. Ma. sabbattha paramasa. 2 Ma. assumha kho mayam bhante satissa kira nama @bhikkhuno kevattaputtassa evarupam papakam ... samsarati anannanti.--------------------------------------------------------------------------------------------- page474.
Ajanami yatha tadevidam vinnanam sandhavati samsarati anannanti atha kho mayam bhante satim bhikkhu kevattaputtam etasma papaka ditthigata vivecetukama samanuyunjimha samanuggahimha samanubhasimha ma evam avuso sati avaca ma bhagavantam abbhacikkhi na hi sadhu bhagavato abbhakkhanam na hi bhagava evam vadeyya anekapariyayena avuso sati paticcasamuppannam vinnanam vuttam bhagavata annatra paccaya natthi vinnanassa sambhavoti evampi kho bhante sati bhikkhu kevattaputto amhehi samanuyunjiyamano samanuggahiyamano samanubhasiyamano tadeva papakam ditthigatam thamasa paramassa abhinivissa voharati evam bya kho aham avuso bhagavata dhammam desitam ajanami yatha tadevidam vinnanam sandhavati samsarati anannanti yato kho mayam bhante nasakkhimha satim bhikkhum kevattaputtam etasma papaka ditthigata vivecetum atha mayam etamattham bhagavato arocemati. [442] Atha kho bhagava annataram bhikkhum amantesi ehi tvam bhikkhu mama vacanena satim bhikkhum kevattaputtam amantehi sattha tam avuso sati amantetiti . evam bhanteti kho so bhikkhu bhagavato patissutva yena sati bhikkhu kevattaputto tenupasankami upasankamitva satim bhikkhum kevattaputtam etadavoca sattha tam avuso sati amantetiti . evamavusoti kho sati bhikkhu kevattaputto--------------------------------------------------------------------------------------------- page475.
Tassa bhikkhuno patissutva yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho satim bhikkhum kevattaputtam bhagava etadavoca saccam kira te sati evarupam papakam ditthigatam uppannam tathaham bhagavata dhammam desitam ajanami yatha tadevidam vinnanam sandhavati samsarati anannanti . evam bya kho aham bhante bhagavata dhammam desitam ajanami yatha tadevidam vinnanam sandhavati samsarati anannanti. {442.1} Katamantam sati vinnananti . yvayam bhante vado vedeyyo tatra tatra kalyanapapakanam kammanam vipakam patisamvedetiti. Kassa nu kho nama tvam moghapurisa maya evam dhammam desitam ajanasi nanu maya moghapurisa anekapariyayena paticcasamuppannam vinnanam vuttam annatra paccaya natthi vinnanassa sambhavoti atha ca pana tvam moghapurisa attana duggahitena amhe ceva abbhacikkhasi attananca khanasi bahunca apunnam pasavasi tanhi te moghapurisa bhavissati digharatam ahitaya dukkhayati. [443] Atha kho bhagava bhikkhu amantesi tam kim mannatha bhikkhave apinayam sati bhikkhu kevattaputto usmikatopi imasmim dhammavinayeti . kinhi siya bhante no hetam bhanteti . Evam vutte sati bhikkhu kevattaputto tunhibhuto mankubhuto pattakkhandho adhomukho pajjhayanto appatibhano nisidi . atha kho bhagava--------------------------------------------------------------------------------------------- page476.
Satim bhikkhum kevattaputtam tunhibhutam mankubhutam pattakkhandham adhomukham pajjhayantam appatibhanam viditva satim bhikkhum kevattaputtam etadavoca pannayissasi kho tvam moghapurisa etena sakena papakena ditthigatena idhaham bhikkhu patipucchissamiti . atha kho bhagava bhikkhu amantesi tumhepi me bhikkhave evam dhammam desitam ajanatha yathayam sati bhikkhu kevattaputto attana duggahitena amhe ceva abbhacikkhati attananca khanati bahunca apunnam pasavatiti. {443.1} No hetam bhante anekapariyayena hi no bhante paticcasamuppannam vinnanam vuttam bhagavata annatra paccaya natthi vinnanassa sambhavoti . sadhu bhikkhave sadhu kho me tumhe bhikkhave evam dhammam desitam ajanatha anekapariyayena hi bhikkhave paticcasamuppannam [1]- vuttam maya annatra paccaya natthi vinnanassa sambhavoti atha ca panayam sati bhikkhu kevattaputto attana duggahitena amhe ceva abbhacikkhati attananca khanati bahunca apunnam pasavati tanhi tassa moghapurisassa bhavissati digharattam ahitaya dukkhaya. [444] Yannadeva bhikkhave paccayam paticca uppajjati vinnanam tena teneva [2]- sankhyam gacchati cakkhunca paticca rupe ca uppajjati vinnanam cakkhuvinnanantveva sankhyam gacchati sotanca paticca sadde ca uppajjati vinnanam sotavinnanantveva sankhyam gacchati ghananca paticca gandhe ca uppajjati vinnanam ghanavinnanantveva @Footnote: 1 Ma. vinnanam. 2 Ma. vinnanam tveva.--------------------------------------------------------------------------------------------- page477.
Sankhyam gacchati jivhanca paticca rase ca uppajjati vinnanam jivhavinnanantveva sankhyam gacchati kayanca paticca photthabbe ca uppajjati vinnanam kayavinnanantveva sankhyam gacchati mananca paticca dhamme ca uppajjati vinnanam manovinnanantveva sankhyam gacchati . seyyathapi bhikkhave yannadeva [1]- paticca aggi jalati tena teneva sankhyam gacchati katthanca paticca aggi jalati katthaggitveva sankhyam gacchati sakalikanca paticca aggi jalati sakalikaggitveva sankhyam gacchati tinanca paticca aggi jalati tinaggitveva sankhyam gacchati gomayanca paticca aggi jalati gomayaggitveva sankhyam gacchati thusanca paticca aggi jalati thusaggitveva sankhyam gacchati sankaranca paticca aggi jalati sankaraggitveva sankhyam gacchati {444.1} evameva kho bhikkhave yannadeva paccayam paticca uppajjati vinnanam tena teneva sankhyam gacchati cakkhunca paticca rupe ca uppajjati vinnanam cakkhuvinnanantveva sankhyam gacchati sotanca paticca sadde ca uppajjati vinnanam sotavinnanantveva sankhyam gacchati ghananca paticca gandhe ca uppajjati vinnanam ghanavinnanantveva sankhyam gacchati jivhanca paticca rase ca uppajjati vinnanam jivhavinnanantveva sankhyam gacchati kayanca paticca photthabbe ca uppajjati vinnanam kayavinnanantveva sankhyam gacchati mananca paticca dhamme ca uppajjati vinnanam manovinnanantveva sankhyam gacchati. @Footnote: 1 Ma. paccayam.--------------------------------------------------------------------------------------------- page478.
[445] Bhutamidam bhikkhave passathati . evam bhante . Tadaharasambhavanti bhikkhave passathati . evam bhante. Tadaharanirodha yam bhutam tam nirodhadhammanti bhikkhave passathati . evam bhante . Bhutamidam nossuti bhikkhave kankhato uppajjati vicikicchati . evam bhante . tadaharasambhavam nossuti bhikkhave kankhato uppajjati vicikicchati . evam bhante . tadaharanirodha yam bhutam tam nirodhadhammam nossuti bhikkhave kankhato uppajjati vicikicchati . evam bhante . Bhutamidanti bhikkhave yathabhutam sammappannaya passato ya vicikiccha sa pahiyatiti . evam bhante . tadaharasambhavanti bhikkhave yathabhutam sammappannaya passato ya vicikiccha sa pahiyatiti. {445.1} Evam bhante . Tadaharanirodha yam bhutam tam nirodhadhammanti bhikkhave yathabhutam sammappannaya passato ya vicikiccha sa pahiyatiti. Evam bhante . bhutamidanti bhikkhave itipi vo ettha nibbicikicchati. Evam bhante . tadaharasambhavanti bhikkhave itipi vo ettha nibbicikicchati . evam bhante . tadaharanirodha yam bhutam tam nirodhadhammanti bhikkhave itipi vo ettha nibbicikicchati . evam bhante . bhutamidanti bhikkhave yathabhutam sammappannaya suditthanti . Evam bhante . tadaharasambhavanti bhikkhave yathabhutam sammappannaya suditthanti . evam bhante . tadaharanirodha yam bhutam tam nirodhadhammanti bhikkhave yathabhutam sammappannaya suditthanti . evam bhante .--------------------------------------------------------------------------------------------- page479.
Imance tumhe bhikkhave ditthim evam parisuddham evam pariyodatam alliyetha kelayetha dhaneyyatha 1- mamayetha api nu tumhe bhikkhave kullupamam dhammam desitam ajaneyyatha nittharanatthaya no gahanatthayati. No hetam bhante . imance tumhe bhikkhave ditthim evam parisuddham evam pariyodatam na alliyetha na kelayetha na dhaneyyatha na mamayetha api nu me tumhe bhikkhave kullupamam dhammam desitam ajaneyyatha nittharanatthaya no gahanatthayati. Evam bhante. [446] Cattarome bhikkhave ahara bhutanam va sattanam thitiya sambhavesinam va sattanam anuggahaya . katame cattaro . Kavalinkaro aharo olariko va sukhumo va phasso dutiyo manosancetana tatiya vinnanam catuttham . ime ca bhikkhave cattaro ahara kimnidana kimsamudaya kimjatika kimpabhava ime cattaro ahara tanhanidana tanhasamudaya tanhajatika tanhapabhava . tanha cayam bhikkhave kimnidana kimsamudaya kimjatika kimpabhava . tanha vedananidana vedanasamudaya vedanajatika vedanapabhava . vedana cayam bhikkhave kimnidana kimsamudaya kimjatika kimpabhava . vedana phassanidana phassasamudaya phassajatika phassapabhava . phasso cayam bhikkhave kimnidano kimsamudayo kimjatiko kimpabhavo . phasso salayatananidano salayatanasamudayo salayatanajatiko salayatanapabhavo . salayatanancidam bhikkhave kimnidanam @Footnote: 1 Ma. dhanayetha. sabbattha idisameva.--------------------------------------------------------------------------------------------- page480.
Kimsamudayam kimjatikam kimpabhavam . salayatanam namarupanidanam namarupasamudayam namarupajatikam namarupapabhavam . namarupancidam bhikkhave kimnidanam kimsamudayam kimjatikam kimpabhavam . namarupam vinnananidanam vinnanasamudayam vinnanajatikam vinnanapabhavam . vinnanancidam bhikkhave kimnidanam kimsamudayam kimjatikam kimpabhavam . vinnanam sankharanidanam sankharasamudayam sankharajatikam sankharapabhavam . sankhara cime bhikkhave kimnidana kimsamudaya kimjatika kimpabhava . sankhara avijjanidana avijjasamudaya avijjajatika avijjapabhava . iti kho bhikkhave avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti. [447] Jatipaccaya jaramarananti iti kho panetam vuttam jatipaccaya nu kho bhikkhave jaramaranam no va katham va ettha hotiti . jatipaccaya bhante jaramaranam evam no ettha hoti jatipaccaya jaramarananti . bhavapaccaya jatiti iti kho panetam vuttam bhavapaccaya nu kho bhikkhave jati no va katham va ettha hotiti . bhavapaccaya bhante jati evam no ettha hoti bhavapaccaya--------------------------------------------------------------------------------------------- page481.
Jatiti. {447.1} Upadanapaccaya bhavoti iti kho panetam vuttam upadanapaccaya nu kho bhikkhave bhavo no va katham va ettha hotiti. Upadanapaccaya bhante bhavo evam no ettha hoti upadanapacacya bhavoti . tanhapaccaya upadananti iti kho panetam vuttam tanhapaccaya nu kho bhikkhave upadanam no va katham va ettha hotiti . tanhapaccaya bhante upadanam evam no ettha hoti tanhapaccaya upadananti . vedanapaccaya tanhati iti kho panetam vuttam vedanapaccaya nu kho bhikkhave tanha no va katham va ettha hotiti. {447.2} Vedanapaccaya bhante tanha evam no ettha hoti vedanapaccaya tanhati . phassapaccaya vedanati iti kho panetam vuttam phassapaccaya nu kho bhikkhave vedana no va katham va ettha hotiti . phassapaccaya bhante vedana evam no ettha hoti phassapaccaya vedanati . Salayatanapaccaya phassoti iti kho panetam vuttam salayatanapaccaya nu kho bhikkhave phasso no va katham va ettha hotiti. Salayatanapaccaya bhante phasso evam no ettha hoti salayatanapaccaya phassoti . Namarupapaccaya salayatananti iti kho panetam vuttam namarupapaccaya nu kho bhikkhave salayatanam no va katham va ettha hotiti . Namarupapaccaya bhante salayatanam evam no ettha hoti namarupapaccaya salayatananti . vinnanapaccaya--------------------------------------------------------------------------------------------- page482.
Namarupanti iti kho panetam vuttam vinnanapaccaya nu kho bhikkhave namarupam no va katham va ettha hotiti . vinnanapaccaya bhante namarupam evam no ettha hoti vinnanapaccaya namarupanti. {447.3} Sankharapaccaya vinnananti iti kho panetam vuttam sankharapaccaya nu kho bhikkhave vinnanam no va katham va ettha hotiti . sankharapaccaya bhante vinnanam evam no ettha hoti sankharapaccaya vinnananti . avijjapaccaya sankharati iti kho panetam vuttam avijjapaccaya nu kho bhikkhave sankhara no va katham va ettha hotiti . avijjapaccaya bhante sankhara evam no ettha hoti avijjapaccaya sankharati. [448] Sadhu bhikkhave iti kho bhikkhave tumhepi evam vadetha ahampi evam vadami imasmim sati idam hoti imassuppada idam uppajjati yadidam avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salayatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti . Avijjaya tveva asesaviraganirodha sankharanirodho sankharanirodha vinnananirodho vinnananirodha namarupanirodho namarupanirodha--------------------------------------------------------------------------------------------- page483.
Salayatananirodho salayatananirodha phassanirodho phassanirodha vedananirodho vedananirodha tanhanirodho tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti. [449] Jatinirodha jaramarananirodhoti iti kho panetam vuttam jatinirodha nu kho bhikkhave jaramarananirodho no va katham va ettha hotiti . jatinirodha bhante jaramarananirodho evam no ettha hoti jatinirodha jaramarananirodhoti . bhavanirodha jatinirodhoti iti kho panetam vuttam bhavanirodha nu kho bhikkhave jatinirodho no va katham va ettha hotiti . bhavanirodha bhante jatinirodho evam no ettha hoti bhavanirodha jatinirodhoti . Upadananirodha bhavanirodhoti iti kho panetam vuttam upadananirodha nu kho bhikkhave bhavanirodho no va katham va ettha hotiti . Upadananirodha bhavanirodho evam no ettha hoti upadananirodha bhavanirodhoti . tanhanirodha upadananirodhoti iti kho panetam vuttam tanhanirodha nu kho bhikkhave upadananirodho no va katham va ettha hotiti. {449.1} Tanhanirodha bhante upadananirodho evam no ettha hoti tanhanirodha upadananirodhoti . vedananirodha--------------------------------------------------------------------------------------------- page484.
Tanhanirodhoti iti kho panetam vuttam vedananirodha nu kho bhikkhave tanhanirodho no va katham va ettha hotiti. Vedananirodha bhante tanhanirodho evam no ettha hoti vedananirodha tanhanirodhoti. Phassanirodha vedananirodhoti iti kho panetam vuttam phassanirodha nu kho bhikkhave vedananirodho no va katham va ettha hotiti. Phassanirodha bhante vedananirodho evam no ettha hoti phassanirodha vedananirodhoti. Salayatananirodha phassanirodhoti iti kho panetam vuttam salayatananirodha nu kho bhikkhave phassanirodho no va katham va ettha hotiti. Salayatananirodha bhante phassanirodho evam no ettha hoti salayatananirodha phassanirodhoti. {449.2} Namarupanirodha salayatananirodhoti iti kho panetam vuttam namarupanirodha nu kho bhikkhave salayatananirodho no va katham va ettha hotiti . namarupanirodha bhante salayatananirodho evam no ettha hoti namarupanirodha salayatananirodhoti . vinnananirodha namarupanirodhoti iti kho panetam vuttam vinnananirodha nu kho bhikkhave namarupanirodho no va katham va ettha hotiti. Vinnananirodha bhante namarupanirodho evam no ettha hoti vinnananirodha namarupanirodhoti . sankharanirodha vinnananirodhoti {449.3} iti kho panetam vuttam sankharanirodha nu kho bhikkhave vinnananirodho no va katham va ettha hotiti . sankharanirodha--------------------------------------------------------------------------------------------- page485.
Bhante vinnananirodho evam no ettha hoti vinnananirodha namarupanirodhoti . sankharanirodha namarupanirodhoti iti kho panetam vuttam sankharanirodha nu kho bhikkhave vinnananirodho no va katham va ettha hotiti . sankharanirodha bhante vinnananirodho evam no ettha hoti sankharanirodha vinnananirodhoti . Avijjanirodha sankharanirodhoti iti kho panetam vuttam avijjanirodha nu kho bhikkhave sankharanirodho no va katham va ettha hotiti . avijjanirodha bhante sankharanirodho evam no ettha hoti avijjanirodha sankharanirodhoti. [450] Sadhu bhikkhave iti kho bhikkhave tumhepi evam vadetha ahampi evam vadami imasmim asati idam na hoti imassa nirodha idam nirujjhati yadidam avijjanirodha sankharanirodho sankharanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho phassanirodha vedananirodho vedananirodha tanhanirodho tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti. [451] Api nu tumhe bhikkhave evam jananta evam passanta--------------------------------------------------------------------------------------------- page486.
Pubbantam va patidhaveyyatha ahesumha nu kho mayam atitamaddhanam na nu kho ahesumha atitamaddhanam kim nu kho ahesumha atitamaddhanam katham nu kho ahesumha atitamaddhanam kim hutva kim ahesumha nu kho mayam atitamaddhananti . no hetam bhante . Api nu tumhe bhikkhave evam jananta evam passanta aparantam va patidhaveyyatha bhavissama nu kho mayam anagatamaddhanam na nu kho bhavissama anagatamaddhanam kim nu kho bhavissama anagatamaddhanam katham nu kho bhavissama anagatamaddhanam kim hutva kim bhavissama nu kho mayam anagatamaddhananti. {451.1} No hetam bhante. Api nu tumhe bhikkhave evam jananta evam passanta etarahi va paccuppannaddhanam arabbha ajjhattam kathamkathi assatha aham nu khosmi no nu khosmi kinnu khosmi katham nu khosmi ayam nu kho satto kuto agato so kuhingami bhavissatiti. No hetam bhante . api nu tumhe bhikkhave evam jananta evam passanta evam vadeyyatha sattha no garu satthu garaveneva 1- mayam evam vadeyyamati 2- . no hetam bhante . api nu tumhe bhikkhave evam jananta evam passanta evam vadeyyatha samano evamaha samana ca na ca mayam evam vademati . no hetam bhante . Api nu tumhe bhikkhave evam jananta evam passanta annam @Footnote: 1 Ma. garavena ca. 2 Ma. vademati.--------------------------------------------------------------------------------------------- page487.
Sattharam uddiseyyathati . no hetam bhante . Api nu tumhe bhikkhave evam jananta evam passanta yani tani puthusamanabrahmananam vattakotuhalamangalani tani sarato paccagaccheyyathati . No hetam bhante . nanu bhikkhave yadeva tumhakam samam natam samam dittham samam viditam tadeva tumhe vadeyyathati 1- . evam bhante. Sadhu bhikkhave upanita kho me tumhe bhikkhave imina sanditthikena dhammena akalikena ehipassikena opanayikena paccattam veditabbena vinnuhi sanditthiko ayam bhikkhave dhammo akaliko ehipassiko opanayiko paccattam veditabbo vinnuhiti iti yantam vuttam idametam paticca vuttam. [452] Tinnam kho pana bhikkhave sannipata gabbhassavakkanti hoti . idha matapitaro ca sannipatita honti mata ca na utuni hoti gandhabbo ca na paccupatthito hoti neva tava gabbhassavakkanti hoti. Idha matapitaro ca sannipatita honti mata ca utuni hoti gandhabbo ca na paccupatthito hoti neva tava gabbhassavakkanti hoti. Yato ca kho bhikkhave matapitaro ca sannipatita honti mata ca utuni hoti gandhabbo ca paccupatthito hoti evam tinnam sannipata gabbhassavakkanti hoti . tamenam bhikkhave mata nava va dasa va mase gabbham kucchina pariharati mahata samsayena garubharam tamenam bhikkhave mata navannam @Footnote: 1 Ma. vadethati.--------------------------------------------------------------------------------------------- page488.
Va dasannam va masanam accayena vijayati mahata samsayena garubharam tamenam jatam samanam sakena lohitena posesi. [453] Lohitanhetam bhikkhave ariyassa vinaye yadidam matu thannam . sa kho so bhikkhave kumaro vuddhimanvaya indriyanam paripakamanvaya yani tani kumarakanam kilapanakani tehi kilati seyyathidam vankam ghatikam mokkhacikam cingulikam 1- pattalhakam rathakam dhanukam. Sa kho so bhikkhave kumaro vuddhimanvaya indriyanam paripakamanvaya pancahi kamagunehi samappito samangibhuto paricareti cakkhuvinneyyehi rupehi itthehi kantehi manapehi piyarupehi kamupasanhitehi rajaniyehi pemaniyehi sotavinneyyehi saddehi ... Ghanavinneyyehi gandhehi ... jivhavinneyyehi rasehi ... Kayavinneyyehi photthabbehi itthehi kantehi manapehi piyarupehi kamupasanhitehi rajaniyehi pemaniyehi. {453.1} So cakkhuna rupam disva piyarupe rupe sarajjati appiyarupe rupe byapajjati anupatthitakayasati ca viharati parittacetaso tanca cetovimuttim pannavimuttim yathabhutam nappajanati yatthassa te papaka akusala dhamma aparisesa nirujjhanti . so evam anurodhavirodham samapanno yankinci vedanam vedeti sukham va dukkham va adukkhamasukham va . so tam vedanam abhinandati abhivadati ajjhosaya titthati . tassa tam vedanam abhinandato abhivadato ajjhosaya titthato uppajjati @Footnote: 1 Po. pingulikam. Ma. cingulakam.--------------------------------------------------------------------------------------------- page489.
Nandi ya vedanasu nandi tadupadanam tassa upadanapaccaya bhavo bhavapaccaya jati jatipaccaya jaramaranam sokaparideva- dukkhadomanassupayasa sambhavanti evametassa kevalassa dukkhakkhandhassa samudayo hoti . sotena saddam sutva ... Ghanena gandham ghayitva ... Jivhaya rasam sayitva ... kayena photthabbam phusitva ... manasa dhammam vinnaya piyarupe dhamme sarajjati appiyarupe dhamme byapajjati anupatthitakayasati ca viharati parittacetaso tanca cetovimuttim pannavimuttim yathabhutam nappajanati yatthassa te papaka akusala dhamma aparisesa nirujjhanti. {453.2} So evam anurodhavirodham samapanno yankinci vedanam vedeti sukham va dukkham va adukkhamasukham va . So tam vedanam abhinandati abhivadati ajjhosaya titthati . tassa tam vedanam abhinandato abhivadato ajjhosaya titthato uppajjati nandi ya vedanasu nandi tadupadanam tassa upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti. [454] Idha bhikkhave tathagato loke uppajjati araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagava so imam lokam sadevakam samarakam sabrahmakam sassamanabrahmanim pajam sadevamanussam sayam--------------------------------------------------------------------------------------------- page490.
Abhinna sacchikatva pavedeti so dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti . tam dhammam sunati gahapati va gahapatiputto va annatarasmim va kule paccha jato . so tam dhammam sutva tathagate saddham patilabhati . so tena saddhapatilabhena samannagato iti patisancikkhati sambadho gharavaso rajapatho abbhokaso pabbajja nayidam sukaram agaram ajjhavasata ekantaparipunnam ekantaparisuddham sankhalikhitam brahmacariyam caritum yannunaham kesamassum oharetva kasayani vatthani acchadetva agarasma anagariyam pabbajeyyanti . so aparena samayena appam va bhogakkhandham pahaya mahantam va bhogakkhandham pahaya appam va natiparivattam pahaya mahantam va natiparivattam pahaya kesamassum oharetva kasayani vatthani acchadetva agarasma anagariyam pabbajati. [455] So evam pabbajito samano bhikkhunam sikkhasajivasamapanno panatipatam pahaya panatipata pativirato hoti nihitadando nihitasattho lajji dayapanno sabbapanabhutahitanukampi viharati. {455.1} Adinnadanam pahaya adinnadana pativirato hoti dinnadayi dinnapatikankhi athenena sucibhutena attana viharati. {455.2} Abrahmacariyam pahaya brahmacari hoti aracari virato methuna gamadhamma . Musavadam pahaya musavada pativirato hoti saccavadi--------------------------------------------------------------------------------------------- page491.
Saccasandho theto paccayiko avisamvadako lokassa. {455.3} Pisunam vacam pahaya pisunaya vacaya pativirato hoti ito sutva na amutra akkhata imesam bhedaya amutra va sutva na imesam akkhata amusam bhedaya iti bhinnanam va sandhata sahitanam va anuppadata samaggaramo samaggarato samagganandi samaggakaranim vacam bhasita hoti. {455.4} Pharusam vacam pahaya pharusaya vacaya pativirato hoti ya sa vaca nela kannasukha pemaniya hadayangama pori bahujanakanta bahujanamanapa tatharupim vacam bhasita hoti. {455.5} Samphappalapam pahaya samphappalapa pativirato hoti kalavadi bhutavadi atthavadi dhammavadi vinayavadi nidhanavatim vacam bhasita hoti kalena sapadesam pariyantavatim atthasanhitam. {455.6} [1]- Vijagamabhutagamasamarambha pativirato hoti. Ekabhattiko hoti rattuparato virato vikalabhojana . naccagitavaditavisukadassana pativirato hoti . malagandhavilepanadharanamandanavibhusanatthana pativirato hoti . uccasayanamahasayana pativirato hoti . Jataruparajatapatiggahana pativirato hoti . amakadhannapatiggahana pativirato hoti . amakamamsapatiggahana pativirato hoti . Itthikumarikapatiggahana pativirato hoti . dasidasapatiggahana pativirato hoti . khettavatthupatiggahana pativirato hoti . Ajelakapatiggahana pativirato hoti . kukkutasukarapatiggahana pativirato hoti . hatthigavassavalavapatiggahana @Footnote: 1 Po. Ma. so.--------------------------------------------------------------------------------------------- page492.
Pativirato hoti . duteyyapahinagamananuyoga pativirato hoti . Kayavikkaya pativirato hoti . tulakutakamsakutamanakuta pativirato hoti . ukkotanavancananikatisaviyoga pativirato hoti . Chedanavadhabandhanaviparamosaalopasahasakara pativirato hoti. {455.7} So santuttho hoti kayapariharikena civarena kucchipariharikena pindapatena [1]- yena yeneva pakkamati samadayeva pakkamati . seyyathapi nama pakkhi sakuno yena yeneva deti sapattabharova deti evameva bhikkhu santuttho hoti kayapariharikena civarena kucchipariharikena pindapatena [2]- yena yeneva pakkamati samadayeva pakkamati . so imina ariyena silakkhandhena samannagato ajjhattam anavajjasukham patisamvedeti. {455.8} So cakkhuna rupam disva na nimittaggahi hoti nanubyanjanaggahi yatvadhikaranamenam cakkhundriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati cakkhundriyam cakkhundriye samvaram apajjati . Sotena saddam sutva ... ghanena gandham ghayitva ... Jivhaya rasam sayitva ... kayena photthabbam phusitva ... Manasa dhammam vinnaya na nimittaggahi hoti nanubyanjanaggahi yatvadhikaranamenam manindriyam asamvutam viharantam abhijjhadomanassa papaka akusala dhamma anvassaveyyum tassa samvaraya patipajjati rakkhati manindriyam manindriye samvaram apajjati . so imina ariyena indriyasamvarena samannagato ajjhattam @Footnote: 1-2 Ma. so.--------------------------------------------------------------------------------------------- page493.
Abyasekasukham patisamvedeti . so abhikkante patikkante sampajanakari hoti alokite vilokite sampajanakari hoti samminjite pasarite sampajanakari hoti sanghatipatta civaradharane sampajanakari hoti asite pite khayite sayite sampajanakari hoti uccarapassavakamme sampajanakari hoti gate thite nisinne sutte jagarite bhasite tunhibhave sampajanakari hoti. [456] So imina ca ariyena silakkhandhena samannagato imina ca ariyena indriyasamvarena samannagato imina ca ariyena satisampajannena samannagato vivittam senasanam bhajati arannam rukkhamulam pabbatam kandaram giriguham susanam vanapattham abbhokasam palalapunjam . so pacchabhattam pindapatapatikkanto nisidati pallankam abhujitva ujum kayam panidhaya parimukham satim upatthapetva . so abhijjham loke pahaya vigatabhijjhena cetasa viharati abhijjhaya cittam parisodheti . byapadapadosam pahaya abyapannacitto viharati sabbapanabhutahitanukampi byapadapadosa cittam parisodheti . thinamiddham pahaya vigatathinamiddho viharati alokasanni sato sampajano thinamiddha cittam parisodheti . uddhaccakukkuccam pahaya anuddhato viharati ajjhattam vupasantacitto uddhaccakukkucca cittam parisodheti . vicikiccham pahaya tinnavicikiccho viharati akathamkathi kusalesu dhammesu vicikicchaya cittam parisodheti.--------------------------------------------------------------------------------------------- page494.
[457] So ime panca nivarane pahaya cetaso upakkilese pannaya dubbalikarane vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati . Puna caparam bhikkhave bhikkhu vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati .pe. tatiyam jhanam ... catuttham jhanam upasampajja viharati. [458] So cakkhuna rupam disva piyarupe rupe na sarajjati appiyarupe rupe na byapajjati upatthitakayasati ca viharati appamanacetaso tanca cetovimuttim pannavimuttim yathabhutam pajanati yatthassa te papaka akusala dhamma aparisesa nirujjhanti . so evam anurodhavirodhavippahino yankinci vedanam vedeti sukham va dukkham va adukkhamasukham va . so tam vedanam nabhinandati nabhivadati na ajjhosaya titthati . tassa tam vedanam anabhinandato anabhivadato na ajjhosaya titthato ya vedanasu nandi sa nirujjhati. Tassa nandinirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti . Sotena saddam sutva ... ghanena gandham ghayitva ... Jivhaya rasam sayitva ... kayena photthabbam phusitva ... manasa dhammam vinnaya @Footnote: 1 Ma. sabbattha nanadi.--------------------------------------------------------------------------------------------- page495.
Piyarupe dhamme na sarajjati appiyarupe dhamme na byapajjati upatthitakayasati ca viharati appamanacetaso tanca cetovimuttim pannavimuttim yathabhutam pajanati yatthassa te papaka akusala dhamma aparisesa nirujjhanti . so evam anurodhavirodhavippahino yankinci vedanam vedeti sukham va dukkham va adukkhamasukham va . so tam vedanam nabhinandati nabhivadati na ajjhosaya titthati . tassa tam vedanam anabhinandato anabhivadato na ajjhosaya titthato ya vedanasu nandi sa nirujjhati . tassa nandinirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti . imam kho me tumhe bhikkhave sankhittena tanhasankhayavimuttim dharetha satim pana bhikkhum kevattaputtam mahatanhajalatanhasanghatapatimukkanti. Idamavoca bhagava attamana te bhikkhu bhagavato bhasitam abhinandunti. Mahatanhasankhayasuttam nitthitam atthamam. -------------The Pali Tipitaka in Roman Character Volume 12 page 472-495. https://84000.org/tipitaka/read/roman_read.php?B=12&A=9558&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=9558&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=440&items=19 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=38 Study Atthakatha :- https://84000.org/tipitaka/attha/attha.php?b=12&i=440 The Pali Atthakatha in Thai :- https://84000.org/tipitaka/atthapali/read_th.php?B=8&A=5435 The Pali Atthakatha in Roman :- https://84000.org/tipitaka/atthapali/read_rm.php?B=8&A=5435 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]