|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 12 : PALI ROMAN Sutta Pitaka Vol 4 : Sutta. Ma. Mū.
Culatanhasankhayasuttam [433] Evamme sutam ekam samayam bhagava savatthiyam viharati pubbarame migaramatu pasade . atha kho sakko devanamindo yena bhagava tenupasankami upasankamitva bhagavantam abhivadetva ekamantam atthasi . ekamantam thito kho sakko devanamindo bhagavantam etadavoca kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti. [434] Idha devanaminda bhikkhuno sutam hoti sabbe dhamma nalam abhinivesayati evance tam devanaminda bhikkhuno sutam hoti sabbe dhamma nalam abhinivesayati so sabbam dhammam abhijanati sabbam dhammam abhinnaya sabbam dhammam parijanati sabbam dhammam parinnaya yankinci vedanam vedeti sukham va dukkham va adukkhamasukham va so tasu vedanasu aniccanupassi viharati viraganupassi viharati nirodhanupassi viharati patinissagganupassi viharati so tasu vedanasu aniccanupassi viharanto viraganupassi viharanto nirodhanupassi viharanto patinissagganupassi viharanto na kinci loke upadiyati anupadiyam na paritassati aparitassam paccattanneva parinibbayati khina jati vusitam brahmacariyam katam karaniyam naparam--------------------------------------------------------------------------------------------- page465.
Itthattayati pajanati ettavata kho devanaminda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti . Atha kho sakko devanamindo bhagavato bhasitam abhinanditva anumoditva bhagavantam abhivadetva padakkhinam katva tatthevantaradhayi. [435] Tena kho pana samayena ayasma mahamoggallano bhagavato avidure nisinno hoti . Atha kho ayasmato mahamoggallanassa etadahosi kinnu kho so yakkho bhagavato bhasitam abhisamecca anumodati udahu no yannunaham tam yakkham janeyyam yadi va so yakkho bhagavato bhasitam abhisamecca anumodati yadi va noti . Atha kho ayasma mahamoggallano seyyathapi nama balava puriso samminjitam va baham pasareyya pasaritam va baham samminjeyya evameva pubbarame migaramatu pasade antarahito devesu tavatimsesu paturahosi. {435.1} Tena kho pana samayena sakko devanamindo ekapundarike uyyane dibbehi pancahi turiyasatehi samappito samangibhuto paricareti. Addasa kho sakko devanamindo ayasmantam mahamoggallanam duratova agacchantam disvana tani dibbani panca turiyasatani patipanametva yenayasma mahamoggallano tenupasankami upasankamitva ayasmantam--------------------------------------------------------------------------------------------- page466.
Mahamoggallanam etadavoca ehi kho marisa moggallana svagatam marisa moggallana cirassam kho marisa moggallana imam pariyayamakasi yadidam idhagamanaya nisida marisa moggallana idamasanam pannattanti . nisidi kho ayasma mahamoggallano pannatte asane . sakkopi kho devanamindo annataram nicam asanam gahetva ekamantam nisidi. [436] Ekamantam nisinnam kho sakkam devanamindam ayasma mahamoggallano etadavoca yathakatham pana [1]- te kosiya bhagava sankhittena tanhasankhayavimuttim abhasi sadhu mayampi etissa kathaya bhagino assama savanayati . mayam kho marisa moggallana bahukicca bahukaraniya appevanama sakena karaniyena apica devanamyeva tavatimsanam karaniyena apica marisa moggallana sussutamyeva hoti sugahitam sumanasikatam supadharitam yanno kho khippameva antaradhayati bhutapubbam marisa moggallana devasurasangamo samupabyulho 2- ahosi tasmim kho pana marisa moggallana sangame deva jinimsu asura parajinimsu so kho aham marisa moggallana devasurasangamam 3- abhivijinitva vijitasangamo tato patinivattitva vejayantam nama pasadam mapesim vejayantassa kho pana marisa moggallana pasadassa ekasatam niyyuham ekamekasmim niyyuhe satta satta kutagarasatani ekamekasmim kutagare satta satta @Footnote: 1 Ma. kho. 2 Ma. samupabyulho. 3 Ma. tam sangamam.--------------------------------------------------------------------------------------------- page467.
Accharayo ekamekissa accharaya satta satta paricarikayo iccheyyasi no tvam marisa moggallana vejayantassa pasadassa ramaneyyakam datthunti . adhivasesi kho ayasma mahamoggallano tunhibhavena. [437] Atha kho sakko ca devanamindo vessavanno ca maharaja ayasmantam mahamoggallanam purakkhatva yena vejayanto pasado tenupasankamimsu . addasasum kho sakkassa devanamindassa paricarikayo ayasmantam mahamoggallanam duratova agacchantam disvana ottappamana hiriyamana sakam sakam ovarakam pavisimsu . Seyyathapi nama sunisa sassuram disva ottappati hiriyati evameva sakkassa devanamindassa paricarikayo ayasmantam mahamoggallanam disva ottappamana hiriyamana sakam sakam ovarakam pavisimsu. {437.1} Atha kho sakko ca devanamindo vessavanno ca maharaja ayasmantam mahamoggallanam vejayante pasade anucankamapenti anucarapenti idampi marisa moggallana passa vejayantassa pasadassa ramaneyyakam idampi marisa moggallana passa vejayantassa pasadassa ramaneyyakanti . sobhatidam ayasmato kosiyassa yathatam pubbe katapunnassa manussapi kincideva ramaneyyakam disva evamahamsu sobhati vata bho yatha devanam tavatimsananti tayidam ayasmato kosiyassa sobhati yathatam pubbe katapunnassati . atha kho ayasmato--------------------------------------------------------------------------------------------- page468.
Mahamoggallanassa etadahosi atibalham kho ayam yakkho pamatto viharati yannunaham imam yakkham samvejeyyanti . atha kho ayasma mahamoggallano tatharupam iddhabhisankharam abhisankhareti 1- yatha vejayantam pasadam padangutthakena sankampesi sampakampesi sampavedhesi . atha kho sakko ca devanamindo vessavanno ca maharaja deva ca tavatimsa acchariyabbhutacittajata ahesum acchariyam vata bho abbhutam vata bho samanassa mahiddhikata mahanubhavata yatra hi nama dibbabhavanam padangutthakena sankampessati sampakampessati sampavedhessatiti. [438] Atha kho ayasma mahamoggallano sakkam devanamindam samviggam lomahatthajatam viditva sakkam devanamindam etadavoca yathakatham pana kosiya bhagava sankhittena tanhasankhayavimuttim abhasi sadhu mayampi etissa kathaya bhagino assama savanayati . idhaham marisa moggallana yena bhagava tenupasankamim upasankamitva bhagavantam abhivadetva ekamantam atthasim ekamantam thito kho aham marisa moggallana bhagavantam etadavocam kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti {438.1} evam vutte marisa moggallana bhagava mam etadavoca idha devanaminda bhikkhuno sutam hoti sabbe dhamma @Footnote: 1 Ma. abhisankhasi.--------------------------------------------------------------------------------------------- page469.
Nalam abhinivesayati evance tam devanaminda bhikkhuno sutam hoti sabbe dhamma nalam abhinivesayati so sabbam dhammam abhijanati sabbam dhammam abhinnaya sabbam dhammam parijanati sabbam dhammam parinnaya yankinci vedanam vedeti sukham va dukkham va adukkhamasukham va so tasu vedanasu aniccanupassi viharati viraganupassi viharati nirodhanupassi viharati patinissagganupassi viharati so tasu vedanasu aniccanupassi viharanto viraganupassi viharanto nirodhanupassi viharanto patinissagganupassi viharanto na kinci loke upadiyati anupadiyam na paritassati aparitassam paccattanneva parinibbayati khina jati vusitam brahmacariyam katam karaniyam naparam itthattayati pajanati ettavata kho devanaminda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti evam kho me marisa moggallana bhagava sankhittena tanhasankhayavimuttim abhasiti. {438.2} Atha kho ayasma mahamoggallano sakkassa devanamindassa bhasitam abhinanditva anumoditva seyyathapi nama balava puriso samminjitam va baham pasareyya pasaritam va baham samminjeyya evameva devesu tavatimsesu antarahito pubbarame migaramatu pasade paturahosi . atha kho sakkassa devanamindassa paricarikayo acirapakkante ayasmante mahamoggallane sakkam--------------------------------------------------------------------------------------------- page470.
Devanamindam etadavocum eso nu kho te marisa so bhagava satthati . na kho me marisa so bhagava sattha sabrahmacari me eso ayasma mahamogallanoti . labha [1]- te marisa suladdham te marisa yassa te sabrahmacari evam mahiddhiko evam mahanubhavo aho nuna te so bhagava satthati. [439] Atha kho ayasma mahamoggallano yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho ayasma mahamoggallano bhagavantam etadavoca abhijanati no bhante bhagava ahunanneva annatarassa mahesakkhassa yakkhassa sankhittena tanhasankhayavimuttim bhasitati. {439.1} Abhijanamaham moggallana idha sakko devanamindo yenaham tenupasankami upasankamitva mam abhivadetva ekamantam atthasi ekamantam thito kho moggallana sakko devanamindo mam etadavoca kittavata nu kho bhante bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti {439.2} evam vutte aham moggallana sakkam devanamindam etadavocam idha devanaminda bhikkhuno sutam hoti sabbe dhamma nalam abhinivesayati evance tam devanaminda bhikkhuno sutam hoti sabbe dhamma nalam abhinivesayati so sabbam dhammam abhijanati sabbam dhammam abhinnaya sabbam dhammam @Footnote: 1 Po. vata.--------------------------------------------------------------------------------------------- page471.
Parijanati sabbam dhammam parinnaya yankinci vedanam vedeti sukham va dukkham va adukkhamasukham va so tasu vedanasu aniccanupassi viharati viraganupassi viharati nirodhanupassi viharati patinissagganupassi viharati so tasu vedanasu aniccanupassi viharanto viraganupassi viharanto nirodhanupassi viharanto patinissagganupassi viharanto na kinci loke upadiyati anupadiyam na paritassati aparitassam paccattanneva parinibbayati khina jati vusitam brahmacariyam katam karaniyam naparam itthattayati pajanati ettavata kho devanaminda bhikkhu sankhittena tanhasankhayavimutto hoti accantanittho accantayogakkhemi accantabrahmacari accantapariyosano settho devamanussananti evam kho aham moggallana abhijanami sakkassa devanamindassa sankhittena tanhasankhayavimuttim bhasitati. {439.3} Idamavoca bhagava attamano ayasma mahamoggallano bhagavato bhasitam abhinanditi. Culatanhasankhayasuttam nitthitam sattamam. -------------The Pali Tipitaka in Roman Character Volume 12 page 464-471. https://84000.org/tipitaka/read/roman_read.php?B=12&A=9397&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=12&A=9397&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=433&items=7 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=12&siri=37 Study Atthakatha :- https://84000.org/tipitaka/attha/attha.php?b=12&i=433 The Pali Atthakatha in Thai :- https://84000.org/tipitaka/atthapali/read_th.php?B=8&A=5203 The Pali Atthakatha in Roman :- https://84000.org/tipitaka/atthapali/read_rm.php?B=8&A=5203 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]