paliTIPITAKA Volume 9 - Sutta Pitaka 1

[93] Athakho raja magadho ajatasattu vedehiputto bhagavantam abhivadetva bhikkhusamghassa anjalim upanametva ^1- ekamantam nisidi . Ekamantam nisinno kho raja magadho ajatasattu vedehiputto bhagavantam etadavoca puccheyyamaham bhante bhagavantam kincideva desam lesamattam ^2- sace me bhagava okasam koroti panhassa veyyakaranayati . Puccha maharaja yadakamkhasiti. {93.1} Yatha nu kho imani bhante puthusippayatanani seyyathidam hattharoha assaroha rathika dhanuggaha ^3- celaka calaka pindadayika ^4- ugga rajaputta pakkhandino mahanaga sura cammayodhino dasakaputta alarika kappaka nhapika ^5- suda malakara rajaka pesakara nalakara kumbhakara ganaka muddika yani va panannanipi evamgatani puthusippayatanani te ditthe va dhamme sanditthikam sippaphalam upajivanti te tena attanam sukhenti pinenti ^6- matapitaro sukhenti pinenti puttadaram sukhenti pinenti mittamacce sukhenti pinenti samanabrahmanesu uddhaggikam dakkhinam patitthapenti sovaggikam sukhavipakam saggasamvattanikam sakka nu kho bhante evameva ditthe va dhamme sanditthikam samannaphalam pannapetunti . Abhijanasi no tvam maharaja imam panham annepi samanabrahmane @Footnote: ¹ Si. panametva. Yu. panametva. ² Si. kancideva desam. @lesamattanti patho na dissati. ³ Si. dhanuggaha. ⁴ Si. pindadavika. @⁵ Si. nahapika. ⁶ Si. pinenti. A. pinenti. Pucchitati . abhijanamaham bhante imam panham anne samanabrahmane pucchitati. Yatha katham pana te maharaja byakarimsu sace te agaru bhasassuti. Na kho me bhante garu yatthassa bhagava nisinno bhagavantarupo vati. Tenahi maharaja bhasassuti.

The Pali Tipitaka in Roman Character Volume 9 page 66-67. http://84000.org/tipitaka/read/roman_item_s.php?book=9&item=93&items=1&modeTY=2 Classified by [Item Number] :- http://84000.org/tipitaka/read/roman_item_s.php?book=9&item=93&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=9&item=93&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=9&item=93&items=1&modeTY=2 Study Atthakatha :- http://84000.org/tipitaka/attha/attha.php?b=9&i=93 The Pali Atthakatha in Thai :- http://84000.org/tipitaka/atthapali/read_th.php?B=4&A=3185 The Pali Atthakatha in Roman :- http://84000.org/tipitaka/atthapali/read_rm.php?B=4&A=3185 Contents of The Tipitaka Volume 9 http://84000.org/tipitaka/read/?index_9