บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[7] Atha kho uggo rajamahamatto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho uggo rajamahamatto bhagavantam etadavoca acchariyam bhante abbhutam bhante yava addhocayam bhante migaro rohaneyyo yava mahaddhano yava mahabhogoti . kinca 1- addho panugga migaro rohaneyyo kinca mahaddhano kinca mahabhogoti . satam bhante sahassani 2- hirannassa ko pana vado rupiyassati . atthi kho etam ugga dhanam netam natthiti @Footnote: 1 Ma. kiva . 2 Si. sahassanam. Ma. satasahassanam. Vadami tanca kho etam ugga dhanam sadharanam aggina udakena rajuhi corehi appiyehi dayadehi . satta kho imani ugga dhanani asadharanani aggina udakena rajuhi corehi appiyehi dayadehi. Katamani satta saddhadhanam siladhanam hiridhanam ottappadhanam sutadhanam cagadhanam pannadhanam imani kho ugga satta dhanani asadharanani aggina udakena rajuhi corehi appiyehi dayadehiti. Saddhadhanam siladhanam hiri ottappiyam dhanam sutadhananca cago ca panna ve sattamam dhanam yassa eta dhana atthi itthiya purisassa va sa ve mahaddhano loke ajeyyo devamanuse. Tasma saddhanca silanca pasadam dhammadassanam anuyunjetha medhavi saram buddhanasasananti. [8] Sattimani bhikkhave sannojanani . katamani satta anunayasannojanam patighasannojanam ditthisannojanam vicikicchasannojanam manasannojanam bhavaragasannojanam avijjasannojanam imani kho bhikkhave satta sannojananiti.The Pali Tipitaka in Roman Character Volume 23 page 6-7. https://84000.org/tipitaka/read/roman_item.php?book=23&item=7&items=2 Classified by [Item Number] :- http://84000.org/tipitaka/read/roman_item.php?book=23&item=7&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=7&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=7&items=2 Study Atthakatha :- https://84000.org/tipitaka/attha/attha.php?b=23&i=7 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]