paliTIPITAKA Volume 23 - Sutta Pitaka 15

Suttantapitake anguttaranikayassa catuttho bhago -------- sattakanipato namo tassa bhagavato arahato sammasambuddhassa. Pathamapannasako dhanavaggo pathamo [1] Evamme sutam . ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti . bhadanteti te bhikkhu bhagavato paccassosum . Bhagava etadavoca sattahi bhikkhave dhammehi samannagato bhikkhu sabrahmacarinam appiyo ca hoti amanapo ca agaru ca abhavaniyo ca . katamehi sattahi idha bhikkhave bhikkhu labhakamo ca hoti sakkarakamo ca ^[1]- anavannattikamo ca ^[1]- ahiriko ca ^[1]- anottappi ca papiccho ca micchaditthi ca imehi kho bhikkhave sattahi dhammehi samannagato bhikkhu sabrahmacarinam appiyo ca hoti amanapo ca agaru ca abhavaniyo ca . sattahi bhikkhave dhammehi samannagato bhikkhu sabrahmacarinam piyo ca hoti manapo @Footnote: ¹ Ma. hoti. evamidisesu thanesupi. Ca garu ca bhavaniyo ca . katamehi sattahi idha bhikkhave bhikkhu na labhakamo ca hoti na sakkarakamo ca ^[1]- na anavannattikamo ca hirima ca ottappi ca appiccho ca sammaditthi ca imehi kho bhikkhave sattahi dhammehi samannagato bhikkhu sabrahmacarinam piyo ca hoti manapo ca garu ca bhavaniyo cati. [2] Sattahi bhikkhave dhammehi samannagato bhikkhu sabrahmacarinam appiyo ca hoti amanapo ca agaru ca abhavaniyo ca . katamehi sattahi idha bhikkhave bhikkhu labhakamo ca hoti sakkarakamo ca anavannattikamo ca ahiriko ca anottappi ca issuki ca macchari ca imehi kho bhikkhave sattahi dhammehi samannagato bhikkhu sabrahmacarinam appiyo ca hoti amanapo ca agaru ca abhavaniyo ca. {2.1} Sattahi bhikkhave dhammehi samannagato bhikkhu sabrahmacarinam piyo ca hoti manapo ca garu ca bhavaniyo ca. Katamehi sattahi idha bhikkhave bhikkhu na labhakamo ca hoti na sakkarakamo ca na anavannattikamo ca hirima ca ottappi ca anissuki ca amacchari ca imehi kho bhikkhave sattahi dhammehi samannagato bhikkhu sabrahmacarinam piyo ca hoti manapo ca garu ca bhavaniyo cati.

The Pali Tipitaka in Roman Character Volume 23 page 1-2. https://84000.org/tipitaka/read/roman_item.php?book=23&item=1&items=2 Classified by [Item Number] :- http://84000.org/tipitaka/read/roman_item.php?book=23&item=1&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=1&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=1&items=2 Study Atthakatha :- https://84000.org/tipitaka/attha/attha.php?b=23&i=1 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23