บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Catutthasikkhapadam [494] Tena samayena buddho bhagava savatthiyam viharati jetavane anathapindikassa arame . tena kho pana samayena kanamata upasika saddha hoti pasanna . kana gamake annatarassa purisassa dinna hoti . athakho kana matugharam agamasi kenacideva karaniyena . athakho kanaya samiko kanaya santike dutam pahesi agacchatu kana icchami kanaya agatanti . athakho kanamata upasika kismim viya rittahattham gantunti puvam paci . Pakke puve annataro pindacariko bhikkhu kanamataya upasikaya nivesanam pavisi. {494.1} Athakho kanamata upasika tassa bhikkhuno puvam dapesi . so nikkhamitva annassa acikkhi . tassapi puvam dapesi . so nikkhamitva annassa acikkhi . tassapi puvam dapesi . yathapatiyattam puvam parikkhayam agamasi . dutiyampi kho kanaya samiko kanaya santike dutam pahesi agacchatu kana icchami kanaya agatanti . dutiyampi kho kanamata upasika kismim viya rittahattham gantunti puvam paci . pakke puve annataro pindacariko bhikkhu kanamataya upasikaya nivesanam pavisi . Athakho kanamata upasika tassa bhikkhuno puvam dapesi . So nikkhamitva annassa acikkhi . tassapi Puvam dapesi . so nikkhamitva annassa acikkhi . tassapi puvam dapesi . yathapatiyattam puvam parikkhayam agamasi . tatiyampi kho kanaya samiko kanaya santike dutam pahesi agacchatu kana icchami kanaya agatam sace kana nagamissati aham annam pajapatim anessamiti . tatiyampi kho kanamata upasika kismim viya rittahattham gantunti puvam paci . pakke puve annataro pindacariko bhikkhu kanamataya upasikaya nivesanam pavisi . athakho kanamata upasika tassa bhikkhuno puvam dapesi . so nikkhamitva annassa acikkhi . tassapi puvam dapesi . so nikkhamitva annassa acikkhi. Tassapi puvam dapesi . yathapatiyattam puvam parikkhayam agamasi . Athakho kanaya samiko annam pajapatim anesi. {494.2} Assosi kho kana tena kira purisena anna pajapati anitati . sa rodanti atthasi . athakho bhagava pubbanhasamayam nivasetva pattacivaramadaya yena kanamataya upasikaya nivesanam tenupasankami upasankamitva pannatte asane nisidi . athakho kanamata upasika yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho kanamataram upasikam bhagava etadavoca kissayam kana rodatiti . athakho kanamata upasika bhagavato etamattham arocesi . athakho bhagava kanamataram upasikam dhammiya Kathaya sandassetva samadapetva samuttejetva sampahamsetva utthayasana pakkami. [495] Tena kho pana samayena annataro sattho rajagaha patiyalokam gantukamo hoti . annataro pindacariko bhikkhu tam sattham pindaya pavisi . annataro upasako tassa bhikkhuno sattum dapesi . so nikkhamitva annassa acikkhi . tassapi sattum dapesi . so nikkhamitva annassa acikkhi . tassapi sattum dapesi . yathapatiyattam patheyyam parikkhayam agamasi . Athakho so upasako te manusse etadavoca ajjunho 1- ayya agametha yathapatiyattam patheyyam ayyanam dinnam patheyyam patiyadessamiti . nayya 2- sakka agametum payato satthoti agamamsu . athakho tassa upasakassa patheyyam patiyadetva paccha gacchantassa cora acchindimsu . manussa ujjhayanti khiyanti vipacenti katham hi nama samana sakyaputtiya na mattam janitva patiggahessanti ayam imesam datva paccha gacchanto corehi acchinnoti. Assosum kho bhikkhu tesam manussanam ujjhayantanam khiyantanam vipacentanam . athakho te bhikkhu bhagavato etamattham arocesum . Athakho bhagava etasmim nidane etasmim pakarane dhammim katham katva bhikkhu amantesi tenahi bhikkhave bhikkhunam sikkhapadam @Footnote: 1 Ma. ajjanho. evamuparipi . 2 Ma. Yu. nayyo. Pannapessami dasa atthavase paticca sanghasutthutaya sanghaphasutaya .pe. vinayanuggahaya . evanca pana bhikkhave imam sikkhapadam uddiseyyatha {495.1} bhikkhum paneva kulam upagatam puvehi va manthehi va abhihatthum pavareyya . akankhamanena bhikkhuna dvittipattapura patiggahetabba . tato ce uttarim 1- patigganheyya pacittiyam . Dvittipattapure patiggahetva tato niharitva bhikkhuhi saddhim samvibhajitabbam ayam tattha samiciti. [496] Bhikkhum paneva kulam upagatanti kulam nama cattari kulani khattiyakulam brahmanakulam vessakulam suddakulam . upagatanti tattha upagatam . puvam nama yankinci pahinakatthaya 2- patiyattam . mantham nama yankinci patheyyatthaya patiyattam . abhihatthum pavareyyati yavatakam icchasi tavatakam ganhahiti . akankhamanenati icchamanena . dvittipattapura patiggahetabbati dvetayopattapura patiggahetabba . tato ce uttarim patigganheyyati taduttarim patigganhati apatti pacittiyassa . dvittipattapure patiggahetva tato nikkhamantena bhikkhum passitva acikkhitabbam amutra maya dvittipattapura patiggahita ma kho tattha patigganhiti . sace passitva nacikkhati apatti dukkatassa . sace acikkhite patigganhati apatti dukkatassa. @Footnote: 1 Ma. Yu. uttari . 2 Ma. pahenakatthaya. evamuparipi . 3 Ma. Yu. tatuttari. [497] Tato niharitva bhikkhuhi saddhim samvibhajitabbanti patikkamanam niharitva samvibhajitabbam . ayam tattha samiciti ayam tattha anudhammata . Atirekadvittipattapure 1- atirekasanni patigganhati apatti pacittiyassa . atirekadvittipattapure vematiko patigganhati apatti pacittiyassa . atirekadvittipattapure unakasanni patigganhati apatti pacittiyassa . unakadvittipattapure atirekasanni apatti dukkatassa . unakadvittipattapure vematiko apatti dukkatassa. Unakadvittipattapure unakasanni anapatti. [498] Anapatti dvittipattapure patigganhati unakadvittipattapure patigganhati na pahinakatthaya na patheyyatthaya patiyattam denti pahinakatthaya va patheyyatthaya va patiyattasesakam denti gamane patippassaddhe denti natakanam pavaritanam annassatthaya attano dhanena ummattakassa adikammikassati. Catutthasikkhapadam nitthitam. --------- @Footnote: 1 Ma. atirekadvattipattapure. evamidisesu padesu. Pancamasikkhapadam [499] Tena samayena buddho bhagava savatthiyam viharati jetavane anathapindikassa arame . tena kho pana samayena annataro brahmano bhikkhu nimantetva bhojesi . bhikkhu bhuttavi pavarita natikulani gantva ekacce bhunjimsu ekacce pindapatam adaya agamamsu . athakho so brahmano pativissake etadavoca bhikkhu maya ayya santappita etha tumhepi santappessamiti . Te evamahamsu kim tvam ayya 1- amhe santappessasi yepi taya nimantita tepi amhakam gharani agantva ekacce bhunjimsu ekacce pindapatam adaya agamamsuti. {499.1} Athakho so brahmano ujjhayati khiyati vipaceti katham hi nama bhaddanta amhakam ghare bhunjitva annatra bhunjissanti na caham patibalo yavadattham datunti . Assosum kho bhikkhu tassa brahmanassa ujjhayantassa khiyantassa vipacentassa . ye te bhikkhu appiccha .pe. te ujjhayanti khiyanti vipacenti katham hi nama bhikkhu bhuttavi pavarita annatra bhunjissantiti .pe. saccam kira bhikkhave bhikkhu bhuttavi pavarita annatra bhunjantiti . saccam bhagavati . Vigarahi buddho bhagava katham hi nama te bhikkhave moghapurisa bhuttavi pavarita annatra bhunjissanti netam bhikkhave @Footnote: 1 Ma. ayyo. Appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {499.2} yo pana bhikkhu bhuttavi pavarito khadaniyam va bhojaniyam va khadeyya va bhunjeyya va pacittiyanti. {499.3} Evancidam bhagavata bhikkhunam sikkhapadam pannattam hoti. [500] Tena kho pana samayena bhikkhu gilananam bhikkhunam panite pindapate niharanti . gilana na cittarupam bhunjanti . tani bhikkhu chaddenti . assosi kho bhagava uccasaddam mahasaddam kakoravasaddam sutvana ayasmantam anandam amantesi kinnu kho so ananda uccasaddo mahasaddo kakoravasaddoti . athakho ayasma anando bhagavato etamattham arocesi . bhunjeyyum panananda bhikkhu gilanatirittanti . na bhunjeyyum bhagavati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanassa ca agilanassa ca atirittam bhunjitum evanca pana bhikkhave atirittam katabbam alametam sabbanti . Evanca pana bhikkhave imam sikkhapadam uddiseyyatha {500.1} yo pana bhikkhu bhuttavi pavarito anatirittam khadaniyam va bhojaniyam khadeyya va bhunjeyya va pacittiyanti. [501] Yo panati yo yadiso .pe. Bhikkhuti .pe. Ayam imasmim atthe adhippeto bhikkhuti . bhuttavi nama pancannam Bhojananam annataram bhojanam antamaso kusaggenapi bhuttam hoti . Pavarito nama asanam pannayati bhojanam pannayati hatthapase thito abhiharati patikkhepo pannayati . anatirittam nama akappiyakatam hoti appatiggahitakatam hoti anuccaritakatam hoti ahatthapase katam hoti abhuttavina katam hoti bhuttavina [1]- pavaritena asana vutthitena katam hoti alametam sabbanti avuttam hoti na gilanatirittam hoti etam anatirittam nama . atirittam nama kappiyakatam hoti patiggahitakatam hoti uccaritakatam hoti hatthapase katam hoti bhuttavina katam hoti bhuttavina pavaritena asana avutthitena katam hoti alametam sabbanti vuttam hoti gilanatirittam hoti etam atirittam nama . khadaniyam nama panca bhojanani yamakalikam sattahakalikam yavajivikam thapetva avasesam khadaniyam nama . bhojaniyam nama panca bhojanani odano kummaso sattu maccho mamsam . khadissami bhunjissamiti patigganhati apatti dukkatassa. Ajjhohare ajjhohare apatti pacittiyassa.The Pali Tipitaka in Roman Character Volume 2 page 322-329. https://84000.org/tipitaka/read/roman_item.php?book=2&item=494&items=8 Classified by [Item Number] :- http://84000.org/tipitaka/read/roman_item.php?book=2&item=494&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=2&item=494&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=2&item=494&items=8 Study Atthakatha :- https://84000.org/tipitaka/attha/attha.php?b=2&i=494 Contents of The Tipitaka Volume 2 https://84000.org/tipitaka/read/?index_2 https://84000.org/tipitaka/english/?index_2
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]