paliTIPITAKA Volume 17 - Sutta Pitaka 9

[608] Savatthi . samadhismim gocarakusalo hoti na samadhismim abhiniharakusalo . samadhismim abhiniharakusalo hoti na samadhismim gocarakusalo . neva samadhismim gocarakusalo hoti na samadhismim abhiniharakusalo . samadhismim gocarakusalo ca hoti samadhismim abhiniharakusalo ca . seyyathapi bhikkhave gava khiram khiramha dadhi dadhimha navanitam navanitamha sappi sappimha sappimando tatra aggamakkhayati evameva kho bhikkhave yvayam jhayi samadhismim gocarakusalo ca samadhismim abhiniharakusalo ca . ayam imesam catunnam jhayinam .pe. Uttamo ca pavaro cati. [609] Savatthi . samadhismim abhiniharakusalo hoti na samadhismim sakkaccakari . samadhismim sakkaccakari hoti na samadhismim abhiniharakusalo. Neva samadhismim abhiniharakusalo hoti na samadhismim sakkaccakari . Samadhismim abhiniharakusalo ca hoti samadhismim sakkaccakari ca . tatra bhikkhave yvayam jhayi .pe. Uttamo ca pavaro cati. [610] Savatthi . samadhismim sakkaccakari hoti na samadhismim sataccakari . samadhismim sataccakari hoti na samadhismim sakkaccakari.

--------------------------------------------------------------------------------------------- page339.

Neva samadhismim sakkaccakari hoti na samadhismim sataccakari . Samadhismim sakkaccakari ca hoti samadhismim sataccakari ca . Tatra bhikkhave yvayam jhayi .pe. Uttamo ca pavaro cati. [611] Savatthi . cattarome bhikkhave jhayi. Katame cattaro. Idha bhikkhave ekacco jhayi samadhismim sataccakari hoti na samadhismim sappayakari . idha pana bhikkhave ekacco jhayi samadhismim sappayakari hoti na samadhismim sataccakari . idha pana bhikkhave ekacco jhayi neva samadhismim sataccakari hoti na samadhismim sappayakari . Idha pana bhikkhave ekacco jhayi samadhismim sataccakari ca hoti samadhismim sappayakari ca . tatra bhikkhave yvayam jhayi samadhismim sataccakari ca samadhismim sappayakari ca . ayam imesam catunnam jhayinam aggo ca settho ca pamokkho ca uttamo ca pavaro cati. Seyyathapi bhikkhave gava khiram khiramha dadhi dadhimha navanitam navanitamha sappi sappimha sappimando tatra aggamakkhayati evameva kho bhikkhave yvayam jhayi samadhismim sataccakari ca samadhismim sappayakari ca . ayam imesam catunnam jhayinam aggo ca settho ca pamokkho ca uttamo ca pavaro cati . idamavoca bhagava . attamana te bhikkhu bhagavato bhasitam abhinandunti . (pannasam veyyakaranani vittharetabbani). Samadhisamyuttam samattam.

--------------------------------------------------------------------------------------------- page340.

Tassuddanam samadhi samapatti thiti vutthanam kallitarammanena ca gocaro abhiniharo sakkaccasataccakari athopi sappayanti. Khandhavaravaggasamyuttam samattam. Tatra vagguddanam nakulapita aniccanca bharam natumhakena ca attadipena pannaso pathamoti pavuccati. Upayo araham khajjaniyo theram pupphena pancamam majjhepannasakosalo sambuddhena pakasitam. Antam dhammakathikavijja kukkulam ditthipancamam tatiyo pannasako vutto nipatoti pavuccatiti. Khandharadhaditthi ca okkanti uppadena kilesena ca sariputto ca nago ca supannagandhabbakayika balaho vacchagotto ca jhanena bhavati terasati.

The Pali Tipitaka in Roman Character Volume 17 page 338-340. https://84000.org/tipitaka/read/roman_item.php?book=17&item=608&items=4&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=17&item=608&items=4&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=608&items=4&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=608&items=4&pagebreak=1&modeTY=2 Study Atthakatha :- https://84000.org/tipitaka/attha/attha.php?b=17&i=608 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17