[198] Ekam samayam ayasma sariputto savatthiyam viharati
@Footnote: 1 Ma. ramaniyanti . 2 Ma. ahamamisadhammanuggahena mamovadena mamanusasaniyati.
Jetavane anathapindikassarame . tena kho pana samayena yamakassa
nama bhikkhuno evarupam papakam ditthigatam uppannam hoti tathaham
bhagavata dhammam desitam ajanami yatha 1- khinasavo bhikkhu kayassa
bheda ucchijjati vinassati na hoti parammaranati.
{198.1} Assosum kho sambahula bhikkhu yamakassa kira nama bhikkhuno
evarupam papakam ditthigatam uppannam hoti tathaham bhagavata dhammam desitam
ajanami yatha khinasavo bhikkhu kayassa bheda ucchijjati vinassati na hoti
parammaranati . atha kho te bhikkhu yenayasma yamako tenupasankamimsu
upasankamitva ayasmata yamakena saddhim sammodimsu sammodaniyam
katham saraniyam vitisaretva ekamantam nisidimsu . ekamantam nisinna
kho te bhikkhu ayasmantam yamakam etadavocum saccam kira te 2- avuso
yamaka evarupam papakam ditthigatam uppannam tathaham bhagavata dhammam
desitam ajanami yatha khinasavo bhikkhu kayassa bheda ucchijjati
vinassati na hoti parammaranati . evam khvaham avuso bhagavata
dhammam desitam ajanami yatha khinasavo bhikkhu kayassa bheda
ucchijjati vinassati na hoti parammaranati.
{198.2} Ma avuso yamaka evam avaca ma bhagavantam abbhacikkhi
na hi sadhu bhagavato abbhakkhanam na hi bhagava evam vadeyya khinasavo bhikkhu
kayassa bheda ucchijjati vinassati na hoti parammaranati . Evampi kho
@Footnote: 1 Po. yathapi . 2 votipi patho.
Ayasma yamako tehi bhikkhuhi vuccamano tatheva tam papakam ditthigatam
thamasa paramasa abhinivissam 1- voharati tathaham bhagavata dhammam
desitam ajanami yatha khinasavo bhikkhu kayassa bheda ucchijjati
vinassati na hoti parammaranati.
{198.3} Yato kho te bhikkhu nasakkhimsu ayasmantam yamakam etasma
papaka ditthigata vivecetum. Atha kho te bhikkhu utthayasana yenayasma
sariputto tenupasankamimsu upasankamitva ayasmantam sariputtam etadavocum
yamakassa nama avuso sariputta bhikkhuno evarupam papakam ditthigatam
uppannam tathaham bhagavata dhammam desitam ajanami yatha khinasavo bhikkhu
kayassa bheda ucchijjati vinassati na hoti parammaranati sadhayasma
sariputto yena yamako bhikkhu tenupasankamatu anukampam upadayati .
Adhivasesi kho ayasma sariputto tunhibhavena.
[199] Atha kho ayasma sariputto sayanhasamayam patisallana
vutthito yenayasma yamako tenupasankami upasankamitva ayasmata
yamakena saddhim sammodi .pe. ekamantam nisinno kho ayasma
sariputto ayasmantam yamakam etadavoca saccam kira te avuso
yamaka evarupam papakam ditthigatam uppannam [2]- tathaham bhagavata dhammam
desitam ajanami yatha khinasavo bhikkhu kayassa bheda ucchijjati
vinassati na hoti parammaranati . evam khvaham avuso bhagavata
@Footnote: 1 Si. paramassa abhinivissa . 2 Po. hoti.
Dhammam desitam ajanami yatha khinasavo bhikkhu kayassa bheda
ucchijjati vinassati na hoti parammaranati . tam kim mannasi
avuso yamaka rupam niccam va aniccam vati . aniccam avuso .pe.
Vedana . sanna . sankhara . vinnanam niccam va aniccam
vati . aniccam avuso . tasma tiha .pe. evam passam .pe.
Naparam itthattayati pajanati.
[200] Tam kim mannasi avuso yamaka rupam tathagatoti samanupassasiti.
No hetam avuso . vedanam tathagatoti samanupassasiti . no hetam
avuso . sannam . sankhare . vinnanam tathagatoti samanupassasiti.
No hetam avuso.
[201] Tam kim mannasi avuso yamaka rupasmim tathagatoti
samanupassasiti . no hetam avuso . annatra rupa tathagatoti
samanupassasiti . no hetam avuso . vedanaya .pe. annatra
vedanaya .pe. sannaya . annatra sannaya . sankharesu .
Annatra sankharehi . vinnanasmim tathagatoti samanupassasiti .
No hetam avuso . annatra vinnana tathagatoti samanupassasiti .
No hetam avuso.
The Pali Tipitaka in Roman Character Volume 17 page 132-135.
https://84000.org/tipitaka/read/roman_item.php?book=17&item=198&items=4
Classified by [Item Number] :-
http://84000.org/tipitaka/read/roman_item.php?book=17&item=198&items=4&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=17&item=198&items=4
Compare with The Royal Version of Thai Tipitaka :-
https://84000.org/tipitaka/read/byitem.php?book=17&item=198&items=4
Study Atthakatha :-
https://84000.org/tipitaka/attha/attha.php?b=17&i=198
Contents of The Tipitaka Volume 17
https://84000.org/tipitaka/read/?index_17
https://84000.org/tipitaka/english/?index_17
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
