paliTIPITAKA Volume 16 - Sutta Pitaka 8

[592] Rajagahe viharati veluvane kalandakanivape . tena kho pana samayena devadattassa ajatasattukumaro pancahi rathasatehi sayam patam upatthanam gacchati panca ca thalipakasatani bhattabhiharo abhihariyati ^1- . atha kho sambahula bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum devadattassa bhante ajatasattukumaro pancahi rathasatehi sayam patam upatthanam gamissati ^2- panca ca thalipakasatani bhattabhiharo abhihariyissatiti. [593] Ma bhikkhave devadattassa labhasakkarasiloko ^3- pihayittha ^4-. Yavakivanca bhikkhave devadattassa ajatasattukumaro pancahi rathasatehi sayam patam upatthanam gamissati panca ca thalipakasatani bhattabhiharo abhihariyissati . haniyeva bhikkhave devadattassa patikankha kusalesu dhammesu no vuddhi. [594] Seyyathapi bhikkhave candassa kukkurassa nasaya pittam @Footnote: ¹ Ma. abhihariyyati . ² Ma. Yu. gacchati . ³ Ma. Yu. labhasakkarasilokam . ⁴ Yu. @pihayittha. Bhindeyyum evanhi vo bhikkhave kukkuro bhiyyoso mattaya candataro assa . evameva kho bhikkhave yavakivanca devadattassa ajatasattukumaro pancahi rathasatehi sayam patam upatthanam gamissati panca ca thalipakasatani bhattabhiharo abhihariyissati haniyeva bhikkhave devadattassa patikankha kusalesu dhammesu no vuddhi. Evam daruno kho bhikkhave labhasakkarasiloko .pe. Sikkhitabbanti. Chattham. [595] Savatthiyam viharati ... Daruno bhikkhave labhasakkarasiloko katuko pharuso antarayiko anuttarassa yogakkhemassa adhigamaya. [596] Idhaham bhikkhave ekaccam puggalam evam cetasa ceto paricca pajanami na vayamayasma matupi hetu sampajanamusa bhaseyyati tamenam passami aparena samayena labhasakkarasilokena abhibhutam pariyadinnacittam sampajanamusa bhasantam . evam daruno kho bhikkhave labhasakkarasiloko katuko pharuso antarayiko anuttarassa yogakkhemassa adhigamaya . tasmatiha bhikkhave evam sikkhitabbam uppannam labhasakkarasilokam pakhahissama na ca no uppanno labhasakkarasiloko cittam pariyadaya thassatiti . Evanhi vo bhikkhave sikkhitabbanti. Sattamam. [597] Savatthiyam viharati ... Daruno bhikkhave labhasakkarasiloko katuko pharuso antarayiko anuttarassa yogakkhemassa adhigamaya.

The Pali Tipitaka in Roman Character Volume 16 page 284-285. https://84000.org/tipitaka/read/roman_item.php?book=16&item=592&items=6 Classified by [Item Number] :- http://84000.org/tipitaka/read/roman_item.php?book=16&item=592&items=6&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=592&items=6 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=592&items=6 Study Atthakatha :- https://84000.org/tipitaka/attha/attha.php?b=16&i=592 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16