[473] Kassapo bhikkhave evamcitto paresam dhammam deseti
svakkhato bhagavata dhammo sanditthiko akaliko ehipassiko
opanayiko 1- paccattam veditabbo vinnuhiti aho vata me dhammam
suneyyum sutva ca pana dhammam ajaneyyum ajanitva ca pana
tathattaya patipajjeyyunti iti dhammasudhammatam paticca paresam dhammam
deseti karunnam paticca paresam dhammam deseti anudayam paticca paresam
dhammam deseti anukampam upadaya paresam dhammam deseti . kassapena
va hi vo bhikkhave ovadissami yo va panassa kassapadiso
ovaditehi ca pana vo tathattaya patipajjitabbanti. Tatiyam.
[474] Savatthiyam viharati ... tam kim mannatha bhikkhave kathamrupo
@Footnote: 1 Ma. opaneyyiko.
Bhikkhu arahati kulupako hotum kathamrupo bhikkhu na arahati kulupako
hotunti. Bhagavammulaka no bhante dhamma .pe.
[475] Bhagava etadavoca yo hi koci bhikkhave bhikkhu
evamcitto kulani upasankamati dentuyeva me ma nadamsu bahukanneva
me dentu ma thokam panitanneva me dentu ma lukham sighanneva
me dentu ma dandham sakkaccanneva me dentu ma asakkaccanti .
Tassa ce bhikkhave bhikkhuno evamcittassa kulani upasankamato
na denti tena bhikkhu sandiyati so tatonidanam dukkham
domanassam patisamvedayati . thokam denti no bahukam .pe. lukham
denti no panitam dandham denti no sigham tena bhikkhu sandiyati
so tatonidanam dukkham domanassam patisamvedayati . asakkaccam
denti no sakkaccam tena bhikkhu sandiyati so tatonidanam dukkham
domanassam patisamvedayati . evarupo kho bhikkhave bhikkhu na arahati
kulupako hotum.
[476] Yo ca kho bhikkhave bhikkhu evamcitto kulani upasankamati
tam kutettha labbha parakulesu dentuyeva me ma nadamsu bahukanneva
me dentu ma thokam panitanneva me dentu ma lukham sighanneva
me dentu ma dandham sakkaccanneva me dentu ma asakkaccanti .
Tassa ce bhikkhave bhikkhuno evamcittassa kulani upasankamato na
denti tena bhikkhu na sandiyati so na tatonidanam dukkham
Domanassam patisamvedayati . thokam denti no bahukam tena bhikkhu
na sandiyati so na tatonidanam dukkham domanassam patisamvedayati .
Lukham denti no panitam ... dandham denti no sigham tena bhikkhu na
sandiyati so na tatonidanam dukkham domanassam patisamvedayati .
Asakkaccam denti no sakkaccam tena bhikkhu na sandiyati so na
tatonidanam dukkham domanassam patisamvedayati . evarupo kho bhikkhave
bhikkhu arahati kulupako hotum.
The Pali Tipitaka in Roman Character Volume 16 page 235-237.
https://84000.org/tipitaka/read/roman_item.php?book=16&item=473&items=4
Classified by [Item Number] :-
http://84000.org/tipitaka/read/roman_item.php?book=16&item=473&items=4&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=16&item=473&items=4
Compare with The Royal Version of Thai Tipitaka :-
https://84000.org/tipitaka/read/byitem.php?book=16&item=473&items=4
Study Atthakatha :-
https://84000.org/tipitaka/attha/attha.php?b=16&i=473
Contents of The Tipitaka Volume 16
https://84000.org/tipitaka/read/?index_16
https://84000.org/tipitaka/english/?index_16
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
