บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[463] Tasmatiha bhikkhave evam sikkhitabbam santuttha bhavissama itaritarena civarena itaritaracivarasantutthiya ca vannavadino na ca civarahetu anesanam appatirupam apajjissama aladdha ca civaram na paritassissama laddha ca civaram agadhita amucchita anajjhapanna adinavadassavino nissaranapanna paribhunjissama. [evam sabbam katabbam] santuttha bhavissama itaritarena pindapatena .pe. santuttha bhavissama itaritarena senasanena .pe. santuttha bhavissama itaritarena gilanapaccayabhesajjaparikkharena itaritaragilanapaccayabhesajja- parikkharasantutthiya ca vannavadino na ca gilanapaccayabhesajjaparikkharahetu anesanam appatirupam apajjissama aladdha ca gilanapaccayabhesajjaparikkharam na paritassissama laddha ca gilanapaccaya- bhesajjaparikkharam agadhita amucchita anajjhapanna adinavadassavino nissaranapanna paribhunjissamati evanhi vo bhikkhave sikkhitabbam . Kassapena va hi vo bhikkhave ovadissami yo va panassa 1- kassapadiso 2- ovaditehi ca pana vo tathattaya patipajjitabbanti . Pathamam. [464] Evamme sutam ekam samayam ayasma ca mahakassapo ayasma ca sariputto baranasiyam viharanti isipatane migadaye . @Footnote: 1 Yu. ayam patho natthi . 2 Ma. Yu. kassapasadiso. evamuparipi. Atha kho ayasma sariputto sayanhasamayam patisallana vutthito yenayasma mahakassapo tenupasankami upasankamitva ayasmata mahakassapena saddhim sammodi sammodaniyam katham saraniyam vitisaretva ekamantam nisidi. [465] Ekamantam nisinno kho ayasma sariputto ayasmantam mahakassapam etadavoca vuccati hidam avuso kassapa anatapi anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya atapi ca kho ottapi bhabbo sambodhaya bhabbo nibbanaya bhabbo anuttarassa yogakkhemassa adhigamaya kittavata nu kho avuso anatapi hoti anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya kittavata ca panavuso atapi hoti ottapi bhabbo sambodhaya bhabbo nibbanaya bhabbo anuttarassa yogakkhemassa adhigamayati. [466] Idhavuso bhikkhu anuppanna me papaka akusala dhamma uppajjamana anatthaya samvatteyyunti na atappam karoti uppanna me papaka akusala dhamma appahiyamana anatthaya samvatteyyunti na atappam karoti anuppanna me kusala dhamma anuppajjamana anatthaya samvatteyyunti na atappam karoti uppanna me kusala dhamma nirujjhamana anatthaya samvatteyyunti Na atappam karoti. Evam kho avuso anatapi hoti. [467] Kathancavuso anottapi hoti . idhavuso bhikkhu anuppanna me papaka akusala dhamma uppajjamana anatthaya samvatteyyunti na ottappati uppanna me papaka akusala dhamma appahiyamana anatthaya samvatteyyunti na ottappati anuppanna me kusala dhamma anuppajjamana anatthaya samvatteyyunti na ottappati uppanna me kusala dhamma nirujjhamana anatthaya samvatteyyunti na ottappati . evam kho avuso anottapi hoti . evam kho avuso anatapi anottapi abhabbo sambodhaya abhabbo nibbanaya abhabbo anuttarassa yogakkhemassa adhigamaya. [468] Kathancavuso atapi hoti . idhavuso bhikkhu anuppanna me papaka akusala dhamma uppajjamana anatthaya samvatteyyunti atappam karoti uppanna me papaka akusala dhamma appahiyamana anatthaya samvatteyyunti atappam karoti anuppanna me kusala dhamma anuppajjamana anatthaya samvatteyyunti atappam karoti uppanna me kusala dhamma nirujjhamana anatthaya samvatteyyunti atappam karoti . evam kho avuso atapi hoti.The Pali Tipitaka in Roman Character Volume 16 page 230-232. https://84000.org/tipitaka/read/roman_item.php?book=16&item=463&items=6&mode=bracket Classified by content :- https://84000.org/tipitaka/read/roman_item.php?book=16&item=463&items=6 Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=463&items=6&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=16&item=463&items=6&mode=bracket Study Atthakatha :- https://84000.org/tipitaka/attha/attha.php?b=16&i=463 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]