paliTIPITAKA Volume 15 - Sutta Pitaka 7

[846] Katham nudani puccheyyam puthu samanabrahmane yoham ajja pajanami yo attho samparayiko atthaya vata me buddho vasayalavimagama ^2- yoham ajja pajanami yattha dinnam mahapphalam so aham vicarissami gama gamam pura puram namassamano sambuddham dhammassa ca sudhammatanti. Yakkhasamyuttam samattam. Tassuddanam indako sakkasuci ca manibhaddo ca sanu ca piyankarapunabbasu sudatto ca dve sukka cira alavakena dvadasati. ------------ @Footnote: ¹ Yu. sussusa labhate panna. ² Yu. ...vimagato. Sakkasamyuttam pathamavaggo pathamo ---------- pathamam suvirasuttam [847] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [848] Bhagava etadavoca bhutapubbam bhikkhave asura deve abhiyamsu . atha kho bhikkhave sakko devanamindo suviram devaputtam amantesi ete tata suvira asura deve abhiyanti gaccha tata suvira asure paccuyyahiti . evam bhaddantavati kho bhikkhave suviro devaputto sakkassa devanamindassa patissutva pamadam apadesi . Dutiyampi kho bhikkhave sakko devanamindo suviram devaputtam amantesi ete tata suvira asura deve abhiyanti gaccha tata suvira asure paccuyyahiti . evam bhaddantavati kho bhikkhave suviro devaputto sakkassa devanamindassa patissutva dutiyampi pamadam apadesi . Tatiyampi kho bhikkhave sakko devanamindo suviram devaputtam amantesi ete tata suvira asura deve abhiyanti gaccha tata suvira asure Paccuyyahiti . evam bhaddantavati kho bhikkhave suviro devaputto sakkassa devanamindassa patissutva tatiyampi pamadam apadesi. [849] Atha kho bhikkhave sakko devanamindo suviram devaputtam gathaya ajjhabhasi anutthaham avayamam sukham yatradhigacchati suvira tattha gacchahi manca tattheva papayati. [850] Alasvayam ^1- anutthata na ca kiccani karaye sabbakamasamiddhassa tamme sakka varam disati. [851] Yatthalaso anutthata accantasukhamedhati suvira tattha gacchahi manca tattheva papayati. [852] Akammuna devasettha sakka vindemu yam sukham asokam anupayasam tamme sakka varam disati. [853] Sace atthi akammena koci kvaci na jivati nibbanassa hi so maggo suvira tattha gacchahi ................. manca tattheva papayati.

The Pali Tipitaka in Roman Character Volume 15 page 316-318. https://84000.org/tipitaka/read/roman_item.php?book=15&item=846&items=8 Classified by [Item Number] :- http://84000.org/tipitaka/read/roman_item.php?book=15&item=846&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=846&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=846&items=8 Study Atthakatha :- https://84000.org/tipitaka/attha/attha.php?b=15&i=846 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15