บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Chattham piyankarasuttam [819] Ekam samayam ayasma anuruddho savatthiyam viharati jetavane anathapindikassa arame . tena kho pana samayena ayasma anuruddho rattiya paccusasamayam paccutthaya dhammapadani bhasati. [820] Atha kho piyankaramata yakkhini puttakam evam tosesi ma saddamakari piyankara bhikkhu dhammapadani bhasati apica dhammapadam vijaniya patipajjema hitaya no siyati. [821] Panesu ca sannamamase sampajanamusa na bhanamase sikkhema susilyamattano api muccema pisacayoniyati. Sattamam punabbasusuttam [822] Ekam samayam bhagava savatthiyam viharati jetavane anathapindikassa arame . tena kho pana samayena bhagava bhikkhu nibbanapatisamyuttaya dhammiya kathaya sandasseti samadapeti samuttejeti sampahamseti . te ca bhikkhu atthikatva manasikatva Sabbacetaso samannaharitva ohitasota dhammam sunanti. [823] Atha kho punabbasumata yakkhini puttakam 1- evam tosesi tunhi uttarike hohi tunhi hohi punabbasu yavaham buddhasetthassa dhammam sossami satthuno nibbanam bhagava aha sabbaganthappamocanam ativela ca me hoti asmim dhamme piyayana piyo loke sako putto piyo loke sako pati tato piyataram 2- mayham assa dhammassa maggana na hi putto pati vapi piyo dukkha pamocaye yatha saddhammassavanam dukkha moceti paninam loke dukkhaparetasmim jaramaranasamyute jaramaranamokkhaya yam dhammam abhisambudham tam dhammam sotumicchami tunhi hohi punabbasuti.The Pali Tipitaka in Roman Character Volume 15 page 308-309. https://84000.org/tipitaka/read/roman_item.php?book=15&item=819&items=5 Classified by [Item Number] :- http://84000.org/tipitaka/read/roman_item.php?book=15&item=819&items=5&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=819&items=5 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=819&items=5 Study Atthakatha :- https://84000.org/tipitaka/attha/attha.php?b=15&i=819 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]