บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 15 : PALI ROMAN Aṅ.A. (manoratha.2) Page 78.
Ullittāvalittānīti anto ca bahi ca littāni. Nivātānīti nivātappavesāni. 1- Phusitaggaḷānīti chekehi vaḍḍhakīhi katattā piṭṭhasaṅghāṭasmiṃ suṭṭhu phusitakavāṭāni. Pihitakavātapānānīti yuttakavātapānāni. Iminā padadvayena kavāṭavātapānānaṃ niccaṃ pihitataṃ akathetvā sampattiyeva kathitā. Icchiticchitakkhaṇe pana tāni pidahiyanti 2- ca vivariyanti ca. Bālato uppajjantīti bālameva nissāya uppajjanti. Bālo hi apaṇḍitapuriso rajjaṃ vā uparajjaṃ vā aññaṃ vā pana mahantaṃ ṭhānaṃ paṭṭhento katipaye attanā sadise vidhavaputte mahāmūḷhe 3- gahetvā "etha ahaṃ tumhe issare karissāmī"ti pabbatagahanādīni nissāya antamante gāme paharanto gāmaṃ nāsetvā 4- anupubbena nigamepi janapadepi paharati. Manussā gehāni chaḍḍetvā khemaṭṭhānaṃ paṭṭhayamānā pakkamanti. Te nissāya vasantā bhikkhūpi bhikkhuniyopi attano attano vasanaṭṭhānāni pahāya pakkamanti. Gatagataṭṭhāne tesaṃ 5- bhikkhāpi senāsanaṃpi dullabhaṃ hoti. Evaṃ catunnaṃpi parisānaṃ bhayaṃ āgatameva hoti. Pabbajitesupi dve bālā bhikkhū aññamaññaṃ vivādaṃ paṭṭhapetvā codanaṃ ārabhanti. Kosambīvāsikānaṃ 6- viya mahākalaho uppajjati. Catunnaṃ parisānaṃ bhayaṃ āgatameva hotīti evaṃ pana yāni 7- uppajjanti, sabbāni tāni bālato uppajjantīti yathānusandhinā desanaṃ niṭṭhapesi. 2. Lakkhaṇasuttavaṇṇanā [2] Dutiye kāyadvārādippavattakammaṃ lakkhaṇaṃ sañjānanakāraṇaṃ assāti kammalakkhaṇo. Apadānasobhanī paññāti yā paññā nāma apadānena sobhati, bālā ca paṇḍitā ca attano attano cariteneva pākaṭā hontīti attho. Bālena @Footnote: 1 cha.Ma.,i. nivāritavātappavesāni 2 cha.Ma. pidhīyanti @3 cha.Ma.,i. mahādhutte 4 cha.Ma.,i. dāmarikabhāvaṃ jānāpetvā 5 cha.Ma.,i. @ayaṃ pāṭho na dissati 6 cha.Ma.,i. iti kosambi..... @7 cha.Ma.,i. evaṃ yāni kānici bhayāniThe Pali Atthakatha in Roman Character Volume 15 Page 78. http://84000.org/tipitaka/read/attha_page.php?book=15&page=78&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=15&A=1717&pagebreak=1 http://84000.org/tipitaka/atthapali/rm_line.php?B=15&A=1717&pagebreak=1#p78
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]