Ullittavalittaniti anto ca bahi ca littani. Nivataniti nivatappavesani. 1-
Phusitaggalaniti chekehi vaddhakihi katatta pitthasanghatasmim sutthu phusitakavatani.
Pihitakavatapananiti yuttakavatapanani. Imina padadvayena kavatavatapananam niccam
pihitatam akathetva sampattiyeva kathita. Icchiticchitakkhane pana tani pidahiyanti 2-
ca vivariyanti ca.
Balato uppajjantiti balameva nissaya uppajjanti. Balo hi apanditapuriso
rajjam va uparajjam va annam va pana mahantam thanam patthento katipaye attana
sadise vidhavaputte mahamulhe 3- gahetva "etha aham tumhe issare karissami"ti
pabbatagahanadini nissaya antamante game paharanto gamam nasetva 4- anupubbena
nigamepi janapadepi paharati. Manussa gehani chaddetva khematthanam patthayamana
pakkamanti. Te nissaya vasanta bhikkhupi bhikkhuniyopi attano attano vasanatthanani
pahaya pakkamanti. Gatagatatthane tesam 5- bhikkhapi senasanampi dullabham hoti. Evam
catunnampi parisanam bhayam agatameva hoti. Pabbajitesupi dve bala bhikkhu annamannam
vivadam patthapetva codanam arabhanti. Kosambivasikanam 6- viya mahakalaho uppajjati.
Catunnam parisanam bhayam agatameva hotiti evam pana yani 7- uppajjanti, sabbani
tani balato uppajjantiti yathanusandhina desanam nitthapesi.
2. Lakkhanasuttavannana
[2] Dutiye kayadvaradippavattakammam lakkhanam sanjananakaranam assati
kammalakkhano. Apadanasobhani pannati ya panna nama apadanena sobhati,
bala ca pandita ca attano attano cariteneva pakata hontiti attho. Balena
@Footnote: 1 cha.Ma.,i. nivaritavatappavesani 2 cha.Ma. pidhiyanti
@3 cha.Ma.,i. mahadhutte 4 cha.Ma.,i. damarikabhavam janapetva 5 cha.Ma.,i.
@ayam patho na dissati 6 cha.Ma.,i. iti kosambi.....
@7 cha.Ma.,i. evam yani kanici bhayani
The Pali Atthakatha in Roman Character Volume 15 Page 78.
http://84000.org/tipitaka/read/attha_page.php?book=15&page=78&pages=1&modeTY=2&edition=roman
ศึกษาพระสูตร (เนื้อความ) นี้แยกตามสารบัญ :-
http://84000.org/tipitaka/pitaka_item/read_rm.php?B=15&A=1717&modeTY=2&pagebreak=1
http://84000.org/tipitaka/atthapali/rm_line.php?B=15&A=1717&modeTY=2&pagebreak=1#p78
