บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Saṃ.A. (sārattha.1) Page 132.
Maṃsalohitādimaye sarīre kiṃ vattabbaṃ, sarīraṃ 1- jaraṃ upetiyevāti attho. Santo have sabbhi pavedayantīti santo sabbhi 2- saddhiṃ sataṃ dhammo na jaraṃ upetīti evaṃ pavedayanti. Sataṃ dhammo nāma nibbānaṃ, taṃ na jīrati, ajaraṃ amaranti 3- evaṃ kathentīti attho. Yasmā vā nibbānaṃ āgamma sīdanasabhāvā kilesā bhijjanti, tasmā taṃ sabbhīti vuccati. Iti purimapadassa kāraṇaṃ dassento "santo have sabbhi pavedayantī"ti āha. Idaṃ hi vuttaṃ hoti:- sataṃ dhammo na jaraṃ upeti, tasmā santo sabbhi pavedayanti, ajaraṃ nibbānaṃ sataṃ dhammoti ācikkhantīti attho. Sundarādhivacanaṃ vā etaṃ sabbhīti. Yaṃ sabbhidhammabhūtaṃ nibbānaṃ santo pavedayanti kathayanti, so sataṃ dhammo na jaraṃ upetīti 4- attho. Tatiyaṃ. 4. Piyasuttavaṇṇanā [115] Catutthe raho gatassāti rahasi gatassa. Paṭisallīnassāti nilīnassa ekībhūtassa. Evametaṃ mahārājāti idha 5- bhagavā imaṃ suttaṃ sabbaññūbhāsitaṃ karonto āha. Antakenādhipannassāti maraṇena ajjhotthatassa. Catutthaṃ. 5. Attarakkhitasuttavaṇṇanā [116] Pañcame hatthikāyoti hatthighaṭā. 6- Sesesupi eseva nayo. Saṃvaroti pidahanaṃ. Sādhu sabbattha saṃvaroti iminā kammapathabhedaṃ appattassa kammassa saṃvaraṃ dasseti. Lajjīti hirimā. Lajjīgahaṇena cettha ottappampi gahitameva hoti. Pañcamaṃ. 6. Appakasuttavaṇṇanā [117] Chaṭṭhe uḷāre uḷāreti paṇīte ca bahuke ca. Majjantīti mānamajjanena majjanti. Atisāranti atikkamaṃ. Kūṭanti pāsaṃ. Pacchāsanti pacchā tesaṃ. Chaṭṭhaṃ. @Footnote: 1 cha.Ma., i. sarīrampi 2 cha.Ma., i. sabbhīhi 3 cha.Ma., i. amatanti @4 cha.Ma. upetītipi 5 Sī., i. iti 6 ka. hatthighaṭoThe Pali Atthakatha in Roman Character Volume 11 Page 132. http://84000.org/tipitaka/read/attha_page.php?book=11&page=132&pages=1&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=3443&pagebreak=1 http://84000.org/tipitaka/atthapali/rm_line.php?B=11&A=3443&pagebreak=1#p132
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]