บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |||
ATTHAKATHA Book 11 : PALI ROMAN Sam.A. (sarattha.1) Page 132.
Mamsalohitadimaye sarire kim vattabbam, sariram 1- jaram upetiyevati attho. Santo have sabbhi pavedayantiti santo sabbhi 2- saddhim satam dhammo na jaram upetiti evam pavedayanti. Satam dhammo nama nibbanam, tam na jirati, ajaram amaranti 3- evam kathentiti attho. Yasma va nibbanam agamma sidanasabhava kilesa bhijjanti, tasma tam sabbhiti vuccati. Iti purimapadassa karanam dassento "santo have sabbhi pavedayanti"ti aha. Idam hi vuttam hoti:- satam dhammo na jaram upeti, tasma santo sabbhi pavedayanti, ajaram nibbanam satam dhammoti acikkhantiti attho. Sundaradhivacanam va etam sabbhiti. Yam sabbhidhammabhutam nibbanam santo pavedayanti kathayanti, so satam dhammo na jaram upetiti 4- attho. Tatiyam. 4. Piyasuttavannana [115] Catutthe raho gatassati rahasi gatassa. Patisallinassati nilinassa ekibhutassa. Evametam maharajati idha 5- bhagava imam suttam sabbannubhasitam karonto aha. Antakenadhipannassati maranena ajjhotthatassa. Catuttham. 5. Attarakkhitasuttavannana [116] Pancame hatthikayoti hatthighata. 6- Sesesupi eseva nayo. Samvaroti pidahanam. Sadhu sabbattha samvaroti imina kammapathabhedam appattassa kammassa samvaram dasseti. Lajjiti hirima. Lajjigahanena cettha ottappampi gahitameva hoti. Pancamam. 6. Appakasuttavannana [117] Chatthe ulare ulareti panite ca bahuke ca. Majjantiti manamajjanena majjanti. Atisaranti atikkamam. Kutanti pasam. Pacchasanti paccha tesam. Chattham. @Footnote: 1 cha.Ma., i. sarirampi 2 cha.Ma., i. sabbhihi 3 cha.Ma., i. amatanti @4 cha.Ma. upetitipi 5 Si., i. iti 6 ka. hatthighatoThe Pali Atthakatha in Roman Character Volume 11 Page 132. http://84000.org/tipitaka/read/attha_page.php?book=11&page=132&pages=1&modeTY=2&edition=roman ศึกษาพระสูตร (เนื้อความ) นี้แยกตามสารบัญ :- http://84000.org/tipitaka/pitaka_item/read_rm.php?B=11&A=3443&modeTY=2&pagebreak=1 http://84000.org/tipitaka/atthapali/rm_line.php?B=11&A=3443&modeTY=2&pagebreak=1#p132
บันทึก ๔ มกราคม พ.ศ. ๒๕๖๑. การแสดงผลนี้อ้างอิงข้อมูลจากอรรถกถา อักษรโรมัน. หากพบข้อผิดพลาด กรุณาแจ้งได้ที่ [email protected]