[595] Tena kho pana samayena addhakasi ganika bhikkhunisu
pabbajita hoti . sa ca 4- savatthim gantukama hoti bhagavato
santike upasampajjissamiti . assosum kho dhutta addhakasi
kira ganika savatthim gantukamati . te magge pariyutthimsu .
Assosi kho addhakasi ganika dhutta kira magge pariyutthitati
bhagavato santike dutam pahesi aham hi upasampajjitukama katham
nu kho maya patipajjitabbanti . athakho bhagava etasmim nidane
etasmim pakarane dhammim katham katva bhikkhu amantesi anujanami
bhikkhave dutenapi upasampadetunti . bhikkhudutena upasampadenti .
Bhagavato etamattham arocesum . na bhikkhave bhikkhudutena upasampadetabba
yo upasampadeyya apatti dukkatassati .
@Footnote: 1 Ma. Yu. Ra. anujanami bhikkhave gilanaya yananti. 2 Yu. annataraya. 3 Ma. Yu.
@aphasu. 4 Yu. Ra. casaddo na pannayati.
Sikkhamanadutena 1- upasampadenti .pe. samaneradutena
upasampadenti .pe. samaneridutena upasampadenti .pe.
Balaya abyattaya dutena upasampadenti . na bhikkhave balaya
abyattaya dutena upasampadetabba yo upasampadeyya apatti
dukkatassa anujanami bhikkhave byattaya bhikkhuniya patibalaya dutena
upasampadetum 2-.
{595.1} Taya dutaya bhikkhuniya sangham upasankamitva ekamsam
uttarasangam karitva bhikkhunam pade vanditva ukkutikam nisiditva
anjalim paggahetva evamassa vacaniyo itthannama ayya
itthannamaya ayyaya upasampadapekkha ekatoupasampanna
bhikkhunisanghe visuddha sa kenacideva antarayena nagacchati
itthannama ayya sangham upasampadam yacati ullumpatu tam
ayya sangho anukampam upadaya . itthannama ayya itthannamaya
ayyaya upasampadapekkha ekatoupasampanna bhikkhunisanghe
visuddha sa kenacideva antarayena nagacchati dutiyampi ayya
itthannama sangham upasampadam yacati ullumpatu tam ayya sangho
anukampam upadaya . itthannama ayya itthannamaya ayyaya
upasampadapekkha ekatoupasampanna bhikkhunisanghe visuddha sa
kenacideva antarayena nagacchati tatiyampi ayya itthannama
sangham upasampadam yacati ullumpatu tam ayya sangho anukampam
@Footnote: 1 Ma. sikkhamanadutena. 2 Ma. upasampadetunti.
Upadayati.
The Pali Tipitaka in Roman Character Volume 7 page 365-367.
http://84000.org/tipitaka/pitaka_item/roman_item_s.php?book=7&item=595&items=1&modeTY=2
Classified by [Item Number] :-
http://84000.org/tipitaka/pitaka_item/roman_item_s.php?book=7&item=595&items=1&modeTY=2&mode=bracket
Compare with The Pali Tipitaka in Thai Character :-
http://84000.org/tipitaka/read/pali_item_s.php?book=7&item=595&items=1&modeTY=2
Compare with The Royal Version of Thai Tipitaka :-
http://84000.org/tipitaka/read/byitem_s.php?book=7&item=595&items=1&modeTY=2
Study Atthakatha :-
http://84000.org/tipitaka/attha/attha.php?b=7&i=595
Contents of The Tipitaka Volume 7
http://84000.org/tipitaka/read/?index_7
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
