paliTIPITAKA Volume 7 - Vinaya Pitaka 7

[559] Tena kho pana samayena annatara bhikkhuni kalam karonti evamaha mamaccayena mayham parikkharo sanghassa hotuti . Tattha bhikkhu ca bhikkhuniyo ca vivadanti amhakam hoti amhakam hotiti . bhagavato etamattham arocesum .pe. bhikkhuni ce @Footnote: ¹ Ma. sabbamanjithikani. ² Yu. phanadasani. ³ Ma. u. tiritakam.

--------------------------------------------------------------------------------------------- page348.

Bhikkhave kalam karonti evam vadeyya mamaccayena mayham parikkharo sanghassa hotuti anissaro tattha bhikkhusangho bhikkhunisanghassevetam ^1- . Sikkhamana ce bhikkhave .pe. samaneri ce bhikkhave kalam karonti evam vadeyya mamaccayena mayham parikkharo sanghassa hotuti anissaro tattha bhikkhusangho bhikkhunisanghassevetam . Bhikkhu ce bhikkhave kalam karonto evam vadeyya mamaccayena mayham parikkharo sanghassa hotuti anissaro tattha bhikkhunisangho bhikkhusanghassevetam . samanero ce bhikkhave .pe. upasako ce bhikkhave .pe. upasika ce bhikkhave .pe. anno ce bhikkhave koci kalam karonto evam vadeyya mamaccayena mayham parikkharo sanghassa hotuti anissaro tattha bhikkhunisangho bhikkhusanghassevetanti. [560] Tena kho pana samayena annatara itthi ^2- puranamalli bhikkhunisu pabbajita hoti . sa rathikaya dubbalakam bhikkhum passitva amsakutena paharam datva pavattesi . bhikkhu ujjhayanti khiyanti vipacenti katham hi nama bhikkhuni bhikkhussa paharam dassatiti . Bhagavato etamattham arocesum . na bhikkhave bhikkhuniya bhikkhussa paharo databbo ya dadeyya apatti dukkatassa anujanami bhikkhave @Footnote: ¹ Yu. bhikkhunisanghasseva tam. ² Ma. Yu. Ra. ayam patho natthi.

--------------------------------------------------------------------------------------------- page349.

Bhikkhuniya bhikkhum passitva durato va okkamitva maggam datunti. [561] Tena kho pana samayena annatara itthi pavutthapatika jarena gabbhini hoti . sa gabbham patetva kulupakim ^1- bhikkhunim etadavoca handayye imam gabbham pattena niharati . athakho sa bhikkhuni tam gabbham patte pakkhipitva sanghatiya paticchadetva agamasi . tena kho pana samayena annatarena pindacarikena bhikkhuna samadanam katam hoti yam yvaham ^2- pathamam bhikkham labhissami na tam ^3- adatva bhikkhussa va bhikkhuniya va paribhunjissamiti. {561.1} Athakho so bhikkhu tam bhikkhunim passitva etadavoca handa bhagini bhikkham patigganhati . alam ayyati . dutiyampi kho so bhikkhu tam bhikkhunim etadavoca handa bhagini bhikkham patigganhati . Alam ayyati . tatiyampi kho so bhikkhu tam bhikkhunim etadavoca handa bhagini bhikkham patigganhati . alam ayyati . maya kho bhagini samadanam katam yam yvaham pathamam bhikkham labhissami na tam adatva bhikkhussa va bhikkhuniya va paribhunjissamiti handa bhagini bhikkham patigganhati. {561.2} Athakho sa bhikkhuni tena bhikkhuna nippiliyamana niharitva pattam dassesi passa ayya patte gabbham ma ^4- kassaci arocesiti . athakho so bhikkhu ujjhayati khiyati vipaceti katham @Footnote: ¹ Ma. Yu. kulupikam. ² Ma. Yu. Ra. yaham. ³ Ma. Yu. tamsaddo natthi ⁴ Ma. ma ca.

--------------------------------------------------------------------------------------------- page350.

Hi nama bhikkhuni pattena gabbham niharissatiti . athakho so bhikkhu bhikkhunam etamattham arocesi . ye te bhikkhu appiccha .pe. Te ujjhayanti khiyanti vipacenti katham hi nama bhikkhuni pattena gabbham niharissatiti . bhagavato etamattham arocesum .pe. na bhikkhave bhikkhuniya pattena gabbho niharitabbo ya nihareyya apatti dukkatassa anujanami bhikkhave bhikkhuniya bhikkhum passitva niharitva pattam dassetunti. [562] Tena kho pana samayena chabbaggiya bhikkhuniyo bhikkhum passitva parivattetva pattamulam dassenti . te bhikkhu ujjhayanti khiyanti vipacenti katham hi nama chabbaggiya bhikkhuniyo bhikkhum passitva parivattetva pattamulam dassessantiti . athakho te bhagavato etamattham arocesum .pe. na bhikkhave bhikkhuniya bhikkhum passitva parivattetva pattamulam dassetabbam ya dasseyya apatti dukkatassa anujanami bhikkhave bhikkhuniya bhikkhum passitva ukkujjitva pattam dassetum yanca patte amisam hoti tena ca bhikkhu nimantetabboti. [563] Tena kho pana samayena savatthiya ^1- rathikaya purisabyanjanam chadditam hoti . tam bhikkhuniyo sakkaccam upanijjhayimsu . manussa ukkutthimakamsu . ta bhikkhuniyo manku ahesum . athakho ta bhikkhuniyo upassayam gantva bhikkhuninam etamattham arocesum . ya ta bhikkhuniyo @Footnote: ¹ Ma. Yu. savatthiyam.

--------------------------------------------------------------------------------------------- page351.

Appiccha .pe. ta ujjhayanti khiyanti vipacenti katham hi nama bhikkhuniyo purisabyanjanam upanijjhayissantiti . athakho ta bhikkhuniyo bhikkhunam etamattham arocesum .pe. bhagavato etamattham arocesum . na bhikkhave bhikkhuniya purisabyanjanam upanijjhayitabbam ya upanijjhayeyya apatti dukkatassati. [564] Tena kho pana samayena manussa bhikkhunam amisam denti. Bhikkhu bhikkhuninam denti . manussa ujjhayanti khiyanti vipacenti katham hi nama bhaddanta attano paribhogatthaya dinnam annesam dassanti na mayampi janama ^1- danam datunti . bhagavato etamattham arocesum . na bhikkhave attano paribhogatthaya dinnam annesam databbam yo dadeyya apatti dukkatassati. [565] Tena kho pana samayena bhikkhunam amisam ussannam hoti. Bhagavato etamattham arocesum . anujanami bhikkhave sanghassa datunti. Balhataram ussannam hoti . bhagavato etamattham arocesum . Anujanami bhikkhave puggalikampi datunti. [566] Tena kho pana samayena bhikkhunam sannidhikatam amisam ussannam hoti . bhagavato etamattham arocesum . anujanami bhikkhave bhikkhunam sannidhim bhikkhunihi bhikkhuhi ^2- patiggahapetva paribhunjitunti. [567] Tena kho pana samayena manussa bhikkhuninam amisam denti. @Footnote: ¹ Ma. mayampi na janama. Yu. mayamha na janama. ² Ma. bhikkhuhiti patho natthi.

--------------------------------------------------------------------------------------------- page352.

Bhikkhuniyo bhikkhunam denti . manussa ujjhayanti khiyanti vipacenti katham hi nama bhikkhuniyo attano paribhogatthaya dinnam annesam dassanti na mayampi janama danam datunti . bhagavato etamattham arocesum . na bhikkhave bhikkhuniya attano paribhogatthaya dinnam annesam databbam ya dadeyya apatti dukkatassati. [568] Tena kho pana samayena bhikkhuninam amisam ussannam hoti. Bhagavato etamattham arocesum . anujanami bhikkhave sanghassa datunti. Balhataram ussannam hoti . bhagavato etamattham arocesum . Anujanami bhikkhave puggalikampi datunti. [569] Tena kho pana samayena bhikkhuninam sannidhikatam amisam ussannam hoti . bhagavato etamattham arocesum . anujanami bhikkhave bhikkhuninam sannidhim bhikkhuhi bhikkhunihi patiggahapetva paribhunjitunti.

The Pali Tipitaka in Roman Character Volume 7 page 347-352. http://84000.org/tipitaka/pitaka_item/roman_item_s.php?book=7&item=559&items=11&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=7&item=559&items=11&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=7&item=559&items=11&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=7&item=559&items=11&pagebreak=1&modeTY=2 Study Atthakatha :- http://84000.org/tipitaka/attha/attha.php?b=7&i=559 Contents of The Tipitaka Volume 7 http://84000.org/tipitaka/read/?index_7