paliTIPITAKA Volume 5 - Vinaya Pitaka 5

[132] Tena kho pana samayena rajagahakassa setthissa sattavassiko sisabadho hoti . bahu mahanta mahanta disapamokkha vejja agantva tikicchanta nasakkhimsu arogam katum bahum hirannam adaya agamamsu . apica vejjehi paccakkhato hoti . ekacce vejja evamahamsu pancamam divasam setthi gahapati kalam karissatiti . ekacce vejja evamahamsu sattamam divasam setthi gahapati kalam karissatiti. {132.1} Athakho rajagahakassa negamassa etadahosi ayam kho setthi gahapati bahupakaro ranno ceva negamassa ca apica vejjehi paccakkhato ekacce vejja evamahamsu pancamam divasam setthi gahapati kalam karissatiti ekacce vejja evamahamsu sattamam divasam setthi gahapati kalam karissatiti ayam ca ranno jivako vejjo taruno bhadrako yannuna mayam rajanam jivakam vejjam yaceyyama setthim @Footnote: ¹ Yu. bhusapetva. ² Po. Ma. upatthahi. Gahapatim tikicchitunti . athakho rajagahako negamo yena raja magadho seniyo bimbisaro tenupasankami upasankamitva rajanam magadham seniyam bimbisaram etadavoca ayam deva setthi gahapati bahupakaro devassa ceva negamassa ca apica vejjehi paccakkhato [1]- Ekacce vejja evamahamsu pancamam divasam setthi gahapati kalam karissatiti ekacce vejja evamahamsu sattamam divasam setthi gahapati kalam karissatiti sadhu devo jivakam vejjam anapetu setthim gahapatim tikicchitunti. {132.2} Athakho raja magadho seniyo bimbisaro jivakam komarabhaccam anapesi gaccha bhane jivaka setthim gahapatim tikicchahiti. Evam devati kho jivako komarabhacco ranno magadhassa seniyassa bimbisarassa patissunitva yena setthi gahapati tenupasankami upasankamitva setthissa gahapatissa vikaram sallakkhetva setthim gahapatim etadavoca sacahantam gahapati arogam kareyyam ^2- kim me assa deyyadhammoti . sabbam sapateyyanca te acariya hotu ahanca te dasoti . sakkhasi pana tvam gahapati ekena passena satta mase nipajjitunti . sakkomaham acariya ekena passena satta mase nipajjitunti . sakkhasi pana tvam gahapati dutiyena passena satta mase nipajjitunti . sakkomaham acariya dutiyena passena satta mase @Footnote: ¹ Po. hoti. ² Yu. arogapeyyam. Nipajjitunti . sakkhasi ^1- pana tvam gahapati uttano satta mase nipajjitunti. Sakkomaham acariya uttano satta mase nipajjitunti. {132.3} Athakho jivako komarabhacco setthim gahapatim mancake nipajjapetva ^2- mancake sambandhitva sisacchavim uppatetva ^3- sibbinim vinametva dve panake niharitva janassa dassesi passatha ^4- ime dve panake ekam khuddakam ekam mahallakam ye te acariya evamahamsu pancamam divasam setthi gahapati kalam karissatiti tehayam mahallako panako dittho pancamam divasam setthissa gahapatissa matthalungam pariyadayissati matthalungassa pariyadana setthi gahapati kalam karissati sudittho tehi acariyehi yepi te acariya evamahamsu sattamam divasam setthi gahapati kalam karissatiti tehayam khuddako panako dittho sattamam divasam setthissa gahapatissa matthalungam pariyadayissati matthalungassa pariyadana setthi gahapati kalam karissati sudittho tehipi ^5- acariyehiti sibbinim sampaticchadetva ^6- sisacchavim sibbetva alepam adasi. {132.4} Athakho setthi gahapati sattahassa accayena jivakam komarabhaccam etadavoca naham acariya sakkomi ekena passena satta mase nipajjitunti . nanu me tvam gahapati patissuni sakkomaham acariya ekena passena @Footnote: ¹ Ma. Yu. sakkhissasi. ² Po. nipatetva. ³ Yu. upphaletva. ⁴ Yu. @passathayyo. ⁵ Ma. Yu. pisaddo na dissati. ⁶ Yu. sampadetva. Satta mase nipajjitunti . saccaham acariya patissunim apaham marissami naham sakkomi ekena passena satta mase nipajjitunti . Tenahi tvam gahapati dutiyena passena satta mase nipajjahiti. {132.5} Athakho setthi gahapati sattahassa accayena jivakam komarabhaccam etadavoca naham acariya sakkomi dutiyena passena satta mase nipajjitunti . nanu me tvam gahapati patissuni sakkomaham acariya dutiyena passena satta mase nipajjitunti . saccaham acariya patissunim apaham marissami naham sakkomi dutiyena passena satta mase nipajjitunti . tenahi tvam gahapati uttano satta mase nipajjahiti. {132.6} Athakho setthi gahapati sattahassa accayena jivakam komarabhaccam etadavoca naham acariya sakkomi uttano satta mase nipajjitunti . nanu me tvam gahapati patissuni sakkomaham acariya uttano satta mase nipajjitunti . saccaham acariya patissunim apaham marissami naham sakkomi uttano satta mase nipajjitunti . ahance tam gahapati na vadeyyam ettakampi tvam na nipajjeyyasi apica patikaccevasi ^1- maya nato tihi sattahehi setthi gahapati arogo bhavissatiti utthehi gahapati arogosi janahi kim me deyyadhammoti . sabbam sapateyyanca te acariya hotu ahanca te dasoti . alam gahapati ma @Footnote: ¹ Yu. patigacceva. Me tvam sabbam sapateyyam adasi ma ca me daso ranno satasahassam dehi mayham satasahassanti . athakho setthi gahapati arogo samano ranno satasahassam adasi jivakassa komarabhaccassa satasahassam.

The Pali Tipitaka in Roman Character Volume 5 page 178-182. http://84000.org/tipitaka/pitaka_item/roman_item_s.php?book=5&item=132&items=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=5&item=132&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=132&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=132&items=1&modeTY=2 Study Atthakatha :- http://84000.org/tipitaka/attha/attha.php?b=5&i=132 The Pali Atthakatha in Thai :- http://84000.org/tipitaka/atthapali/read_th.php?B=3&A=4520 The Pali Atthakatha in Roman :- http://84000.org/tipitaka/atthapali/read_rm.php?B=3&A=4520 Contents of The Tipitaka Volume 5 http://84000.org/tipitaka/read/?index_5