paliTIPITAKA Volume 22 - Sutta Pitaka 14

[327] 56 Tena kho pana samayena ayasma phagguno abadhiko hoti dukkhito balhagilano . atha kho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca ayasma bhante phagguno abadhiko dukkhito balhagilano sadhu @Footnote: ¹ Yu. sabbattha varesu anejjappattam.

--------------------------------------------------------------------------------------------- page425.

Bhante bhagava yenayasma phagguno tenupasankamatu anukampam upadayati . adhivasesi bhagava tunhibhavena . atha kho bhagava sayanhasamayam patisallana vutthito yenayasma phagguno tenupasankami addasa kho ayasma phagguno bhagavantam duratova agacchantam disvana mancake samancopi ^1- atha kho bhagava ayasmantam phaggunam etadavoca alam phagguna ma tvam mancake samancopi santimani asanani parehi pannattani tatthaham nisidissamiti nisidi bhagava pannatte asane nisajja kho bhagava ayasmantam phaggunam etadavoca {327.1} kacci te phagguna khamaniyam kacci yapaniyam kacci ^[2]- dukkha vedana patikkamanti no abhikkamanti patikkamo sanam pannayati no abhikkamoti. Na me bhante khamaniyam na yapaniyam balha me dukkha vedana abhikkamanti no patikkamanti abhikkamo sanam pannayati no patikkamo {327.2} seyyathapi bhante balava puriso tinhena sikharena muddhani ^3- abhimattheyya evameva kho ^[3]- bhante adhimatta vata muddhani ^4- ohananti ^5- na me bhante khamaniyam na yapaniyam balha me dukkha vedana abhikkamanti no patikkamanti abhikkamo sanam pannayati no patikkamo seyyathapi bhante balava puriso dalhena varattakkhandhena ^6- sise ^7- sisavethanam dadeyya evameva kho bhante adhimatta sise sisavedana na me bhante khamaniyam na yapaniyam balha me dukkha vedana abhikkamanti no patikkamanti @Footnote: ¹ Po. samanjesi. Ma. samadhosi . ² Ma. teti dissati . ³ Ma. Yu. meti atthi. @⁴ Ma. muddhanam . ⁵ Po. osadanti. Ma. uhananti. Yu. hananti . ⁶ Ma. Yu. @varattakkhandena . ⁷ Po. Ma. ayam patho natthi.

--------------------------------------------------------------------------------------------- page426.

Abhikkamo sanam pannayati no patikkamo seyyathapi bhante dakkho goghatako va goghatakantevasi va tinhena govikantanena kucchim parikanteyya evameva kho me bhante adhimatta vata kucchim parikantanti ^1- na me bhante khamaniyam na yapaniyam balha me dukkha vedana abhikkamanti no patikkamanti abhikkamo sanam pannayati no patikkamo seyyathapi bhante dve balavanto purisa dubbalataram purisam nanabahasu gahetva angarakasuya santapeyyum ^2- samparitapeyyum ^3- evameva kho bhante adhimatto kayasmim daho na me bhante khamaniyam na yapaniyam balha me dukkha vedana abhikkamanti no patikkamanti abhikkamo sanam pannayati no patikkamoti . athakho bhagava ayasmantam phaggunam dhammiya kathaya sandassetva samadapetva samuttejetva sampahamsetva utthayasana pakkami atha kho ayasma phagguno acirapakkantassa bhagavato kalamakasi tamhi cassa samaye maranakale indriyani vippasidimsu. {327.3} Atha kho ayasma anando yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma anando bhagavantam etadavoca ayasma bhante phagguno acirapakkantassa bhagavato kalamakasi tamhi cassa samaye maranakale indriyani vippasidimsuti . kim hananda phaggunassa bhikkhuno indriyani na vippasidissanti phaggunassa ananda bhikkhuno pancahi @Footnote: ¹ Po. parikantenti . ² Po. santapesum. @³ Po. samparitapesum. Yu. paritapeyyu.

--------------------------------------------------------------------------------------------- page427.

Orambhagiyehi sannojanehi cittam avimuttam ahosi tassa tam dhammadesanam sutva pancahi orambhagiyehi sannojanehi cittam vimuttam {327.4} chayime ananda anisamsa kalena dhammasavane kalena atthupaparikkhaya katame cha idhananda bhikkhuno pancahi orambhagiyehi sannojanehi cittam avimuttam hoti so tamhi samaye maranakale labhati tathagatam dassanaya tassa tathagato dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti tassa tam dhammadesanam sutva pancahi orambhagiyehi sannojanehi cittam vimuccati ayam ananda pathamo anisamso kalena dhammasavane. {327.5} Puna caparam ananda bhikkhuno pancahi orambhagiyehi sannojanehi cittam avimuttam hoti so tamhi samaye maranakale naheva kho labhati tathagatam dassanaya api ca kho tathagatasavakam labhati dassanaya tassa tathagatasavako dhammam deseti adikalyanam majjhekalyanam pariyosanakalyanam sattham sabyanjanam kevalaparipunnam parisuddham brahmacariyam pakaseti tassa tam dhammadesanam sutva pancahi orambhagiyehi sannojanehi cittam vimuccati ayam ananda dutiyo anisamso kalena dhammasavane. {327.6} Puna caparam ananda bhikkhuno pancahi orambhagiyehi sannojanehi cittam avimuttam hoti so tamhi samaye maranakale naheva kho labhati tathagatam dassanaya napi tathagatasavakam labhati dassanaya api ca kho yathasutam yathapariyattam dhammam cetasa

--------------------------------------------------------------------------------------------- page428.

Anuvitakketi anuvicareti manasanupekkhati tassa yathasutam yathapariyattam dhammam cetasa anuvitakkayato anuvicarayato manasanupekkhato pancahi orambhagiyehi sannojanehi cittam vimuccati ayam ananda tatiyo anisamso kalena atthupaparikkhaya. {327.7} Idhananda bhikkhuno pancahi orambhagiyehi sannojanehi cittam vimuttam hoti anuttare ca kho upadhisankhaye cittam avimuttam hoti so tamhi samaye maranakale labhati tathagatam dassanaya tassa tathagato dhammam deseti adikalyanam majjhekalyanam .pe. brahmacariyam pakaseti tassa tam dhammadesanam sutva anuttare upadhisankhaye cittam vimuccati ayam ananda catuttho anisamso kalena dhammasavane. {327.8} Puna caparam ananda bhikkhuno pancahi orambhagiyehi sannojanehi cittam vimuttam hoti anuttare ca kho upadhisankhaye cittam avimuttam hoti so tamhi samaye maranakale naheva kho labhati tathagatam dassanaya api ca kho tathagatasavakam labhati dassanaya tassa tathagatasavako dhammam deseti adikalyanam .pe. parisuddham brahmacariyam pakaseti tassa tam dhammadesanam sutva anuttare upadhisankhaye cittam vimuccati ayam ananda pancamo anisamso kalena dhammasavane. {327.9} Puna caparam ananda bhikkhuno pancahi orambhagiyehi sannojanehi cittam vimuttam hoti anuttare ca kho upadhisankhaye cittam avimuttam hoti so tamhi samaye maranakale naheva kho labhati tathagatam dassanaya napi tathagatasavakam labhati dassanaya api ca

--------------------------------------------------------------------------------------------- page429.

Kho yathasutam yathapariyattam dhammam cetasa anuvitakketi anuvicareti manasanupekkhati tassa yathasutam yathapariyattam dhammam cetasa anuvitakkayato anuvicarayato manasanupekkhato anuttare upadhisankhaye cittam vimuccati ayam ananda chattho anisamso kalena atthupaparikkhaya . ime kho ananda cha anisamsa kalena dhammasavane kalena atthupaparikkhayati.

The Pali Tipitaka in Roman Character Volume 22 page 424-429. http://84000.org/tipitaka/pitaka_item/roman_item_s.php?book=22&item=327&items=1&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=22&item=327&items=1&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=22&item=327&items=1&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=22&item=327&items=1&pagebreak=1&modeTY=2 Study Atthakatha :- http://84000.org/tipitaka/attha/attha.php?b=22&i=327 The Pali Atthakatha in Thai :- http://84000.org/tipitaka/atthapali/read_th.php?B=16&A=3124 The Pali Atthakatha in Roman :- http://84000.org/tipitaka/atthapali/read_rm.php?B=16&A=3124 Contents of The Tipitaka Volume 22 http://84000.org/tipitaka/read/?index_22