TIPITAKA Volume 2 : PALI ROMAN
Vinaya Pitaka Vol 2 : Vinaya. Mahāvi (2)

page379.
                       Dasamasikkhapadam
     [571]  Tena  samayena  buddho  bhagava  savatthiyam  viharati jetavane
anathapindikassa   arame   .   tena   kho   pana  samayena  chabbaggiya
bhikkhu   dvirattatirattam   1-   senaya   vasamana   uyyodhikampi   balaggampi
senabyuhampi    anikadassanampi    gacchanti    .    annataropi   chabbaggiyo
bhikkhu   uyyodhikam   gantva   kandena   patividdho  hoti  .  manussa  tam
bhikkhum   upphandesum   kacci   bhante   suyuddham   ahosi  kati  te  lakkhani
laddhaniti   .   so   bhikkhu   tehi   manussehi   upphandiyamano   manku
ahosi   .   manussa   ujjhayanti   khiyanti   vipacenti  katham  hi  nama
samana      sakyaputtiya      uyyodhikam     dassanaya     agacchissanti
amhakampi    alabha    amhakampi    dulladdham   ye   mayam   ajivassa
hetu puttadarassa karana uyyodhikam agacchamati.
     {571.1}   Assosum   kho   bhikkhu  tesam  manussanam  ujjhayantanam
khiyantanam   vipacentanam   .    ye   te   bhikkhu   appiccha   .pe.
Te    ujjhayanti   khiyanti   vipacenti   katham   hi   nama   chabbaggiya
bhikkhu    uyyodhikam    dassanaya    gacchissantiti    .pe.    saccam   kira
tumhe   bhikkhave   uyyodhikam  dassanaya  gacchathati  .  saccam  bhagavati .
Vigarahi   buddho   bhagava   katham   hi  nama  tumhe  moghapurisa  uyyodhikam
dassanaya     gacchissatha     netam     moghapurisa    appasannanam    va
pasadaya    pasannanam    va    bhiyyobhavaya   .pe.   evanca   pana
@Footnote: 1 Ma. dirattatirattam. evamuparipi.
---------------------------------------------------------------------------------------------
page380.
Bhikkhave imam sikkhapadam uddiseyyatha
     {571.2}   dvirattatirattance  bhikkhu  senaya  vasamano  uyyodhakam
va balaggam va senabyuham va anikadassanam  va gaccheyya pacittiyanti.
     [572]  Dvirattatirattance  bhikkhu  senaya  vasamanoti  dve tisso
rattiyo  vasamano  .  uyyodhikam  nama  yattha  sampaharo dissati. Balaggam
nama  ettaka  hatthi  ettaka  assa  ettaka ratha ettaka patti.
Senabyuham  nama  ito  hatthi  hontu ito assa hontu ito ratha hontu
ito pattika hontu.
     {572.1}  Anikam  nama  hatthanikam  assanikam  rathanikam  pattanikam.
Tayo   hatthi   pacchimam  hatthanikam  .  tayo  assa  pacchimam  assanikam .
Tayo   ratha   pacchimam   rathanikam  .  cattaro  purisa  sarahattha  pacchimam
pattanikam.
     [573]   Dassanaya   gacchati   apatti  dukkatassa  .  yattha  thito
passati   apatti   pacittiyassa   .   dassanupacaram   vijahitva   punappunam
passati    apatti    pacittiyassa    .   ekamekam   dassanaya   gacchati
apatti   dukkatassa   .   yattha   thito   passati  apatti  dukkatassa .
Dassanupacaram vijahitva punappunam passati apatti dukkatassa.
     [574]   Anapatti   arame   thito  passati  bhikkhussa  thitokasam
va    nisinnokasam   va   nipannokasam   va   agantva   sampaharo
dissati     patipatham    gacchanto    passati    sati    karaniye    gantva
---------------------------------------------------------------------------------------------
page381.
Passati apadasu ummattakassa adikammikassati.
                   Dasamasikkhapadam nitthitam.
                   Acelakavaggo pancamo.
                         ----------
                        Tassuddanam
           puvam 1- kathopanandassa    tayampatthakameva ca
           mahanamo pasenadi        sena viddho ime dasati.
                               -------
@Footnote: 1 Si. acelakam uyyojanca    sabhojanam duve raho
@     sabhattanca bhesajjam     uyyuttam senuyyodhikam.


             The Pali Tipitaka in Roman Character Volume 2 page 379-381.
http://84000.org/tipitaka/pitaka_item/roman_item_s.php?book=2&item=571&items=4&pagebreak=1&modeTY=2
             Classified by [Item Number] :-
http://84000.org/tipitaka/pitaka_item/roman_item_s.php?book=2&item=571&items=4&pagebreak=1&modeTY=2&mode=bracket
             Compare with The Pali Tipitaka in Thai Character :-
http://84000.org/tipitaka/read/pali_item_s.php?book=2&item=571&items=4&pagebreak=1&modeTY=2
             Compare with The Royal Version of Thai Tipitaka :-
http://84000.org/tipitaka/read/byitem_s.php?book=2&item=571&items=4&pagebreak=1&modeTY=2
             Study Atthakatha :-
http://84000.org/tipitaka/attha/attha.php?b=2&i=571
             The Pali Atthakatha in Thai :-
http://84000.org/tipitaka/atthapali/read_th.php?B=2&A=9495
             The Pali Atthakatha in Roman :-
http://84000.org/tipitaka/atthapali/read_rm.php?B=2&A=9495
             Contents of The Tipitaka Volume 2
http://84000.org/tipitaka/read/?index_2