paliTIPITAKA Volume 17 - Sutta Pitaka 9

[109] Evaṃ vutte aññataro bhikkhu bhagavantaṃ etadavoca yathākathaṃ pana bhante no cassaṃ no ca me siyā na bhavissati na me bhavissatīti evaṃ vimuccamāno ^5- bhikkhu chindeyya orambhāgiyāni saññojanānīti . idha bhikkhu assutavā puthujjano ariyānaṃ adassāvī .pe. sappurisadhamme avinīto rūpaṃ attato samanupassati rūpavantaṃ @Footnote: ¹ Yu. anabhisaṅkhārañca . ² Yu. cassa . ³ Ma. nābhavissa . ⁴ Ma. adhimuccamāno. @⁵ Yu. adhimuccamāno. Vā attānaṃ attani vā rūpaṃ rūpasmiṃ vā attānaṃ . vedanaṃ . Saññaṃ . saṅkhāre . viññāṇaṃ attato samanupassati viññāṇavantaṃ vā attānaṃ attani vā viññāṇaṃ viññāṇasmiṃ vā attānaṃ. {109.1} So aniccaṃ rūpaṃ aniccaṃ rūpanti yathābhūtaṃ nappajānāti aniccaṃ vedanaṃ aniccā vedanāti yathābhūtaṃ nappajānāti aniccaṃ saññaṃ aniccā saññāti yathābhūtaṃ nappajānāti anicce saṅkhāre aniccā saṅkhārāti yathābhūtaṃ nappajānāti aniccaṃ viññāṇaṃ aniccaṃ viññāṇanti yathābhūtaṃ nappajānāti. {109.2} Dukkhaṃ rūpaṃ dukkhaṃ rūpanti yathābhūtaṃ nappajānāti dukkhaṃ vedanaṃ . dukkhaṃ saññaṃ . dukkhe saṅkhāre . dukkhaṃ viññāṇaṃ dukkhaṃ viññāṇanti yathābhūtaṃ nappajānāti. {109.3} Anattaṃ rūpaṃ anattaṃ rūpanti yathābhūtaṃ nappajānāti anattaṃ vedanaṃ . anattaṃ saññaṃ . anatte saṅkhāre . anattaṃ viññāṇaṃ anattaṃ viññāṇanti yathābhūtaṃ nappajānāti. {109.4} Saṅkhataṃ rūpaṃ saṅkhataṃ rūpanti yathābhūtaṃ nappajānāti saṅkhataṃ vedanaṃ . saṅkhataṃ saññaṃ . saṅkhate saṅkhāre . Saṅkhataṃ viññāṇaṃ saṅkhataṃ viññāṇanti yathābhūtaṃ nappajānāti . rūpaṃpi ^1- bhavissatīti yathābhūtaṃ nappajānāti vedanāpi bhavissati . saññāpi bhavissati . saṅkhārāpi bhavissanti. Viññāṇampi bhavissatīti yathābhūtaṃ nappajānāti.

The Pali Tipitaka in Roman Character Volume 17 page 68-69. http://84000.org/tipitaka/pitaka_item/roman_item_s.php?book=17&item=109&items=1 Classified by [Item Number] :- http://84000.org/tipitaka/pitaka_item/roman_item_s.php?book=17&item=109&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=17&item=109&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=17&item=109&items=1 Study Atthakatha :- http://84000.org/tipitaka/attha/attha.php?b=17&i=109 The Pali Atthakatha in Thai :- http://84000.org/tipitaka/atthapali/read_th.php?B=12&A=6594 The Pali Atthakatha in Roman :- http://84000.org/tipitaka/atthapali/read_rm.php?B=12&A=6594 Contents of The Tipitaka Volume 17 http://84000.org/tipitaka/read/?index_17