paliTIPITAKA Volume 15 - Sutta Pitaka 7

Pancamam subhasitajayasuttam [877] Ekam samayam bhagava savatthiyam viharati jetavane anathapindikassa arame. Tatra kho .pe. [878] Bhagava etadavoca bhutapubbam bhikkhave devasurasangamo samupabyulho ahosi . atha kho bhikkhave vepacitti asurindo sakkam devanamindam etadavoca hotu devanaminda subhasitena jayoti . Hotu vepacitti subhasitena jayoti . atha kho bhikkhave deva ca asura ca parisajje thapesum ime no subhasitam dubbhasitam ajanissantiti . Atha kho bhikkhave vepacitti asurindo sakkam devanamindam etadavoca bhana devanaminda gathanti . evam vutte bhikkhave sakko devanamindo vepacittim asurindam etadavoca tumhe khvettha vepacitti pubbadeva bhana vepacitti gathanti. [879] Evam vutte bhikkhave vepacitti asurindo imam gatham abhasi bhiyyo bala pakujjheyyum no cassa patisedhako tasma bhusena dandena dhiro balam nisedhayeti. Bhasitaya kho pana bhikkhave vepacittina asurindena gathaya asura anumodimsu deva tunhi ahesum . atha kho bhikkhave vepacitti asurindo sakkam devanamindam etadavoca bhana devanaminda gathanti.

--------------------------------------------------------------------------------------------- page327.

[880] Evam vutte bhikkhave sakko devanamindo imam gatham abhasi etadeva aham manne balassa patisedhanam param sankupitam natva yo sato upasammatiti. Bhasitaya kho pana bhikkhave sakkena devanamindena gathaya deva anumodimsu asura tunhi ahesum . atha kho bhikkhave sakko devanamindo vepacittim asurindam etadavoca bhana vepacitti gathanti. [881] Evam vutte bhikkhave vepacitti asurindo imam gatham abhasi etadeva titikkhaya vajjam passami vasava yada nam mannati balo bhaya myayam titikkhati ajjharuhati dummedho gova bhiyyo palayinanti. Bhasitaya kho pana bhikkhave vepacittina asurindena gathaya asura anumodimsu deva tunhi ahesum . atha kho bhikkhave vepacitti asurindo sakkam devanamindam etadavoca bhana devanaminda gathanti. [882] Evam vutte bhikkhave sakko devanamindo ima gathayo abhasi kamam mannatu va ma va bhaya myayam titikkhati sadatthaparama attha khantya bhiyyo na vijjati yo have balava santo dubbalassa titikkhati tamahu paramam khantim niccam khamati dubbalo

--------------------------------------------------------------------------------------------- page328.

Abalantam balam ahu yassa balabalam balam balavassa dhammaguttassa pativatta na vijjati tasseva tena papiyo yo kuddham patikujjhati kuddham appatikujjhanto sangamam jeti dujjayam ubhinnamattham carati attano ca parassa ca param sankupitam natva yo sato upasammati ubhinnam tikicchantanam attano ca parassa ca jana mannanti baloti ye dhammassa akovidati. Bhasitasu kho pana bhikkhave sakkena devanamindena gathasu deva anumodimsu asura tunhi ahesum. [883] Atha kho bhikkhave devananca asurananca parisajja etadavocum bhasita kho vepacittina asurindena gathayo ta ca kho sadandavacara sasatthavacara iti bhandanam iti viggaho iti kalaho bhasita kho sakkena devanamindena gathayo ta ca kho adandavacara asatthavacara iti abhandanam iti aviggaho iti akalaho sakkassa devanamindassa subhasitena jayoti . iti kho bhikkhave sakkassa devanamindassa subhasitena jayo ahosi.

The Pali Tipitaka in Roman Character Volume 15 page 326-328. http://84000.org/tipitaka/pitaka_item/roman_item_s.php?book=15&item=877&items=7&pagebreak=1&modeTY=2 Classified by [Item Number] :- http://84000.org/tipitaka/pitaka_item/roman_item_s.php?book=15&item=877&items=7&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=15&item=877&items=7&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=15&item=877&items=7&pagebreak=1&modeTY=2 Study Atthakatha :- http://84000.org/tipitaka/attha/attha.php?b=15&i=877 The Pali Atthakatha in Thai :- http://84000.org/tipitaka/atthapali/read_th.php?B=11&A=8424 The Pali Atthakatha in Roman :- http://84000.org/tipitaka/atthapali/read_rm.php?B=11&A=8424 Contents of The Tipitaka Volume 15 http://84000.org/tipitaka/read/?index_15