paliTIPITAKA Volume 5 - Vinaya Pitaka 5

[114] Bhikkhu atthatakaṭhino cīvarāsāya pakkamati na paccessanti. So bahisīmagato taṃ cīvarāsaṃ payirupāsati anāsāya labhati āsāya na labhati . tassa evaṃ hoti idhevimaṃ cīvaraṃ kāressanti. So taṃ cīvaraṃ kāreti . tassa bhikkhuno niṭṭhānantiko kaṭhinuddhāro. Bhikkhu atthatakaṭhino cīvarāsāya pakkamati na paccessanti . so bahisīmagato taṃ cīvarāsaṃ payirupāsati anāsāya labhati āsāya na labhati . tassa evaṃ hoti nevimaṃ cīvaraṃ kāressanti ^1- . tassa bhikkhuno sanniṭṭhānantiko kaṭhinuddhāro. {114.1} Bhikkhu atthatakaṭhino cīvarāsāya pakkamati na paccessanti. So bahisīmagato taṃ cīvarāsaṃ payirupāsati anāsāya labhati āsāya na labhati. Tassa evaṃ hoti idhevimaṃ cīvaraṃ kāressanti. So taṃ cīvaraṃ kāreti. Tassa taṃ cīvaraṃ kayiramānaṃ nassati . tassa bhikkhuno nāsanantiko kaṭhinuddhāro. Bhikkhu atthatakaṭhino cīvarāsāya pakkamati na paccessanti . tassa bahisīmagatassa evaṃ hoti idhevimaṃ cīvarāsaṃ payirupāsissanti . so taṃ cīvarāsaṃ payirupāsati . tassa sā cīvarāsā upacchijjati . tassa bhikkhuno āsāvacchediko kaṭhinuddhāro.

The Pali Tipitaka in Roman Character Volume 5 page 150. http://84000.org/tipitaka/pali/roman_item_s.php?book=5&item=114&items=1 Classified by [Item Number] :- http://84000.org/tipitaka/pali/roman_item_s.php?book=5&item=114&items=1&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=5&item=114&items=1 Compare with The Royal Version of Thai Tipitaka :- http://84000.org/tipitaka/read/byitem_s.php?book=5&item=114&items=1 Study Atthakatha :- http://84000.org/tipitaka/attha/attha.php?b=5&i=114 Contents of The Tipitaka Volume 5 http://84000.org/tipitaka/read/?index_5