paliTIPITAKA Volume 3 - Vinaya Pitaka 3

Naggavaggassa dutiyasikkhapadam [223] Tena samayena buddho bhagava savatthiyam viharati jetavane anathapindikassa arame . tena kho pana samayena bhagavata bhikkhuninam

--------------------------------------------------------------------------------------------- page131.

Udakasatika anunnata hoti . chabbaggiya bhikkhuniyo bhagavata udakasatika anunnatati appamanikayo udakasatikayo dharesum puratopi pacchatopi akaddhanta ahindanta . ya ta bhikkhuniyo appiccha .pe. ta ujjhayanti khiyanti vipacenti katham hi nama chabbaggiya bhikkhuniyo appamanikayo udakasatikayo dharessantiti .pe. saccam kira bhikkhave chabbaggiya bhikkhuniyo appamanikayo udakasatikayo dharentiti. Saccam bhagavati. {223.1} Vigarahi buddho bhagava katham hi nama bhikkhave chabbaggiya bhikkhuniyo appamanikayo udakasatikayo dharessanti netam bhikkhave appasannanam va pasadaya .pe. evanca pana bhikkhave bhikkhuniyo imam sikkhapadam uddisantu {223.2} udakasatikam pana bhikkhuniya karayamanaya pamanika karetabba tatridam pamanam dighaso catasso vidatthiyo sugatavidatthiya tiriyam dve vidatthiyo tam atikkamentiya chedanakam pacittiyanti. [224] Udakasatika nama yaya nivatthaya ^1- nahayati . Karayamanayati karontiya va karapentiya va pamanika karetabba . tatridam pamanam dighaso catasso vidatthiyo sugatavidatthiya tiriyam dve vidatthiyo . tam atikkametva karoti va karapeti va payoge dukkatam patilabhena chinditva pacittiyam desetabbam. [225] Attana vippakatam attana pariyosapeti apatti @Footnote: ¹ Yu. Ma. nivattha.

--------------------------------------------------------------------------------------------- page132.

Pacittiyassa . attana vippakatam parehi pariyosapeti apatti pacittiyassa . parehi vippakatam attana pariyosapeti apatti pacittiyassa . parehi vippakatam parehi pariyosapeti apatti pacittiyassa . annassatthaya karoti va karapeti va apatti dukkatassa . annena katam patilabhitva paribhunjati apatti dukkatassa. [226] Anapatti pamanikam karoti unakam karoti annena katam pamanatikkantam patilabhitva chinditva paribhunjati vitanam va bhummattharanam va sanipakaram va bhisim va bimbohanam va karoti ummattikaya adikammikayati. --------

The Pali Tipitaka in Roman Character Volume 3 page 130-132. http://84000.org/tipitaka/pali/roman_item_s.php?book=3&item=223&items=4&pagebreak=1&modeTY=2 Classified by [Item Number] :- http://84000.org/tipitaka/pali/roman_item_s.php?book=3&item=223&items=4&pagebreak=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=3&item=223&items=4&pagebreak=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=3&item=223&items=4&pagebreak=1&modeTY=2 Study Atthakatha :- http://84000.org/tipitaka/attha/attha.php?b=3&i=223 The Pali Atthakatha in Thai :- http://84000.org/tipitaka/atthapali/read_th.php?B=2&A=11465 The Pali Atthakatha in Roman :- http://84000.org/tipitaka/atthapali/read_rm.php?B=2&A=11465 Contents of The Tipitaka Volume 3 http://84000.org/tipitaka/read/?index_3