paliTIPITAKA Volume 2 - Vinaya Pitaka 2

Atthamasikkhapadam [161] Tena samayena buddho bhagava savatthiyam viharati jetavane anathapindikassa arame . tena kho pana samayena annataro mahamatto pavasam gacchanto bhikkhunam santike dutam pahesi agacchantu bhaddanta vassavasikam dassamiti . bhikkhu vassam vutthanam bhagavata vassavasikam anunnatanti kukkuccayanta nagamamsu . athakho so mahamatto ujjhayati khiyati vipaceti katham hi nama bhaddanta maya pahite dute nagacchissanti aham hi senaya gacchami dujjanam jivitam dujjanam marananti . assosum kho bhikkhu tassa mahamattassa ujjhayantassa khiyantassa vipacentassa . athakho te bhikkhu bhagavato etamattham arocesum . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave accekacivaram patiggahetva nikkhipitunti. {161.1} Tena kho pana samayena bhikkhu bhagavata anunnatam accekacivaram patiggahetva nikkhipitunti . te accekacivaram ^1- patiggahetva civarakalasamayam atikkamenti . tani civarani civaravamse bhandikabaddhani titthanti . addasa kho ayasma anando senasanacarikam ahindanto tani civarani civaravamse bhandikabaddhani thitani ^2- disvana ^3- bhikkhu @Footnote: ¹ Ma. Yu. accekacivarani . ² Ma. Yu. tituthante . ³ Ma. Yu. disva. Amantesi ^1- kassimani avuso civarani civaravamse bhandikabaddhani titthantiti . amhakam avuso accekacivaraniti . kivaciram panavuso imani civarani nikkhittaniti . athakho te bhikkhu ayasmato anandassa yathanikkhittam arocesum . ayasma anando ujjhayati khiyati vipaceti katham hi nama bhikkhu accekacivarani patiggahetva civarakalasamayam atikkamessantiti . athakho ayasma anando bhagavato etamattham arocesi . saccam kira bhikkhave bhikkhu accekacivaram patiggahetva civarakalasamayam atikkamentiti. Saccam bhagavati. {161.2} Vigarahi buddho bhagava katham hi nama te bhikkhave moghapurisa accekacivaram patiggahetva civarakalasamayam atikkamessanti netam bhikkhave appasannanam va pasadaya pasannanam va bhiyyobhavaya .pe. Evanca pana bhikkhave imam sikkhapadam uddiseyyatha {161.3} dasahanagatam kattikatemasipunnamam bhikkhuno paneva accekacivaram uppajjeyya accekam mannamanena bhikkhuna patiggahetabbam patiggahetva yavacivarakalasamayam nikkhipitabbam tato ce uttarim nikkhipeyya nissaggiyam pacittiyanti.

The Pali Tipitaka in Roman Character Volume 2 page 141-142. http://84000.org/tipitaka/pali/roman_item_s.php?book=2&item=161&items=1&modeTY=2 Classified by [Item Number] :- http://84000.org/tipitaka/pali/roman_item_s.php?book=2&item=161&items=1&modeTY=2&mode=bracket Compare with The Pali Tipitaka in Thai Character :- http://84000.org/tipitaka/read/pali_item_s.php?book=2&item=161&items=1&modeTY=2 Compare with The Royal Version of Thai Tipitaka :- http://84000.org/tipitaka/read/byitem_s.php?book=2&item=161&items=1&modeTY=2 Study Atthakatha :- http://84000.org/tipitaka/attha/attha.php?b=2&i=161 The Pali Atthakatha in Thai :- http://84000.org/tipitaka/atthapali/read_th.php?B=2&A=5787 The Pali Atthakatha in Roman :- http://84000.org/tipitaka/atthapali/read_rm.php?B=2&A=5787 Contents of The Tipitaka Volume 2 http://84000.org/tipitaka/read/?index_2