|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
tittirajatakam
susukham vata jivamiti idam sattha kosambiyam nissaya vadarikarame
viharanto rahulattheram arabbha kathesi.
Vatthu hettha tipallatthajatake vittharitameva. Dhammasabhayam
pana bhikkhuhi avuso rahulo sikkhakamo kukkuccako ovadakkhamoti
tassayasmato gunakatha samutthapita. Sattha agantva
kayanuttha bhikkhave etarahi kathaya sannisinnati pucchitva imaya
namati vutte na bhikkhave idaneva pubbepi rahulo sikkhakamo
kukkuccako ovadakkhamoyevati vatva atitam ahari.
Atite baranasiyam brahmadatte rajjam karente bodhisatto
brahmanakule nibbattitva vayappatto takkasilayam sabbasippani
ugganhitva nikkhamma himavantappadese isipabbajjam pabbajitva abhinna
@Footnote: 1 kanaverajatakam.
---------------------------------------------------------------------------------------------
page306.
Ca samapattiyo ca nibbattetva jhanakilam kilanto ramaniye
vanasande vasitva lonambilasevanatthaya annataram paccantagamam
agamasi. Tatra nam manussa disva pasannacitta annatarasmim
aranne pannasalam karetva paccayehi upatthahanta vasesum.
Tada tasmim gamake eko sakuniko ekam dipakatittiram gahetva
sutthu sikkhapetva panjare pakkhipitva patijaggati. So tam
arannam netva tassa saddena agatagate tittire gahetva jivitam
kappesi. Atha so tittiro cintesi ekam mam nissaya bahu
mama nataka nassanti mayham tam papanti nissaddo ahosi.
So tassa nissaddabhavam natva velupesikaya tam sise paharati.
Tittiro dukkhaturataya saddam karoti. Evam so sakuniko tam
nissaya tittire gahetva jivitam kappesi. Atha so tittiro
cintesi ime marantuti mayham cetana natthi paticcakammam pana
mam phusati mayi saddam akaronte ete nagacchanti karonteyevagacuchanti
agatagate ayam gahetva jivitakkhayam papesi atthi
nukho ettha mayham papam natthiti. So tato patthaya ko
nukho me imam kankham chindeyyati tatharupam panditam upadharento
carati. Athekadivasam so sakuniko bahu tittire gahetva pacchim
puretva paniyam pivissamiti bodhisattassa assamam gantva tam
panjaram bodhisattassa santike thapetva paniyam pivitva balikatale
nipanno niddam okkami. Tittiro tassa niddokkamanabhavam natva
---------------------------------------------------------------------------------------------
page307.
Mama kankham imam tapasam pucchissami jananto me kathessatiti
panjare nisinnoyeva tam pucchanto pathamam gathamaha
susukham vata jivami labhami ceva bhunjitum
paripantheva titthami ka nu bhante gati mamanti.
Tattha susukham vatati aham bhante imam sakunikam nissaya sutthu
sukham jivami. Labhami cevati yatharucitam khadaniyam bhojaniyam bhunjitumpi
labhami. Paripantheva titthamiti apicakho yattha mama nataka
mama saddena agatagata vinassanti tasmim paripanthe titthami. Ka
nu bhanteti ka nukho bhante mama gati ka nipphatti bhavissatiti pucchi.
Tassa panham visajjento bodhisatto dutiyam gathamaha
mano ce te na panamati pakkhi papassa kammuno
apavatassa bhadrassa na papamupalimpatiti.
Tattha papassa kammunoti yadi tava mano papakammassatthaya
na panamati papakarane ninno tappono tappabbharo na hoti.
Apavatassati evam sante papakammakaranatthaya apavatassa
ussukkam anapannassa tava bhadrasseva sato papam na upalimpati
na alliyatiti.
Tam sutva tittiro tatiyam gathamaha
natako no nisinnoti bahu agacchate jano
paticcakammam phusati tasmim me sankate manoti.
Tassattho bhante sacaham saddam na kareyyam ayam tittirajano
---------------------------------------------------------------------------------------------
page308.
Na agaccheyya mayi pana saddam karonte natako no nisinnoti
ayam bahu jano agacchati tam agatam luddo gahetva jivitakkhayam
papento mam paticca nissaya etam panatipatakammam phusati
patilabhati vindati tasma mam paticca kate pape mama nukho etam
papanti evam me mano sankati kukkuccam apajjatiti.
Tam sutva bodhitatto catuttham gathamaha
na paticcakammam phusati mano ce nappadussati
appossukkassa bhadrassa na papamupalimpatiti.
Tassattho yadi tava papakiriyaya mano nappadussati tanninno
tappono tappabbharo na hoti evam sante luddena ayasmantam
paticca katampi kammam tam na phusati na alliyati papakiriyaya hi
appossukkassa niralayassa bhadrassa parisuddhassa sato tava
panatipatacetanaya abhava tam papam na upalimpati tava cittam na
alliyatiti.
Evam mahasatto tittiram sannapesi. Sopi tam nissaya
nikkukkucco ahosi. Luddo pavuddho bodhisattam vanditva panjaram
adaya pakkami.
Sattha imam dhammadesanam aharitva jatakam samodhanesi tada
tittiro rahulo ahosi tapaso pana ahamevati.
Tittirajatakam navamam
-----------
The Pali Atthakatha in Roman Book 38 page 305-308.
http://84000.org/tipitaka/atthapali/read_rm.php?B=38&A=6353&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=38&A=6353&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=27&i=574
เนื้อความพระไตรปิฎกฉบับหลวง :-
http://84000.org/tipitaka/read/r.php?B=27&A=2866
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=27&A=2829
The Pali Tipitaka in Roman Character :-
http://84000.org/tipitaka/read/roman_read.php?B=27&A=2829
Contents of The Tipitaka Volume 27
http://84000.org/tipitaka/read/?index_27
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]