AtthaPali Vol.35

5 Tandulanalijatakam kimagghati tandulanalika cati idam sattha jetavane viharanto loludayittheram arabbha kathesi. Tasmim samaye ayasma dabbo mallaputto sanghassa bhattuddesako ahosi. Tasmim patova salakabhattadini uddisamane udayittherassa kadaci varabhattam papunati kadaci lamakabhattam. So lamakabhattassa pattadivase salakaggam akulam karoti kim dabbova salakam datum janati amhe na janamati vadati. Tasmim salakaggam akulam karonte handadani tvameva salakam dehiti salakapacchim adamsu. Tato patthaya so sanghassa salakam adasi. Dadanto ca pana idam varabhattanti va lamakabhattanti va asukavassagge varabhattam thitam asukavassagge lamakabhattanti va na janati thitikam karontopi asukavassagge thitikati na sallakkheti. Bhikkhunam thitavelaya imasmim

--------------------------------------------------------------------------------------------- page190.

Thane ayam thitika thita imasmim thane ayanti bhumiyam va bhittiyam va lekham kaddhi. Punadivase salakagge bhikkhu mandatara va honti bahutara va. Tesu mandataresu lekha hettha hoti bahutaresu upari. So thitikam ajananto lekhasannaya salakam deti. Atha nam bhikkhu avuso udayi lekha nama hettha va hotu upari va varabhattam pana asukavassagge thitam lamakabhattam asukavassaggeti ahamsu. So bhikkhu patippharanto yadi evam ayam lekha kasma evam thita kim aham tumhakam saddahami imissa lekhaya saddahamiti vadati. Atha nam dahara ca samanera ca avuso loludayi tayi salakam dente bhikkhu labhena parihayanti na tvam datum anucchaviko niggaccha itoti salakaggato nikkaddhimsu. Tasmim khane salakagge mahantam kolahalam ahosi. Tam sutva sattha anandattheram pucchi ananda salakagge mahantam kolahalam kim saddo namesoti. Thero tathagatassa tamattham arocesi. Ananda na idaneva udayi attano balataya paresam labhahanim karoti pubbepi akasiyevati aha. Thero tassatthassa avibhavattham bhagavantam yaci. Bhagava bhavantarena paticchannam karanam pakatam akasi. Atite kasiratthe baranasiyam brahmadatto nama raja ahosi. Tada amhakam bodhisatto tassa agghapaniko ahosi. Hatthiassadini ceva manisuvannadini ca agghapesi agghapetva bhandasamikanam bhandanurupameva mulam dapeti. Raja pana luddho

--------------------------------------------------------------------------------------------- page191.

Hoti. So lobhapakatitaya evam cintesi ayam evam agghapento nacirasseva mama gehe dhanam parikkhayam gamissati annam agghapanikam karissamiti. So sihapanjaram ugghatetva rajanganam olokento ekam gamikamanussam lolabalam rajanganena gacchantam disva esa mayham agghapanikakammam katum sakkhissatiti tam pakkosapetva sakkhissasi bhane amhakam agghapanikakammam katunti aha. Sakkhissami devati. Raja attano dhanam rakkhanatthaya tam balam agghapanikakamme thapesi. Tato patthaya so balo hatthiassadini agghapento aggham hapetva yatharuciya kathesi. Tassa thanantare thitatta yam so kathesi tameva mulam hoti. Tasmim kale uttarapathato eko assabanijo panca assasatani anesi. Raja tam purisam pakkosapetva asse agghapesi. So pancannam assasatanam ekatandulanaliya agghamakasi katva ca pana assabanijassa ekatandulanalikam dethati vatva asse assasalayam santhapesi. Assabanijo poranakaagghapanakassa santikam gantva tam pavuttim arocetva idani kim kattabbanti pucchi. So aha tassa purisassa lancam datva evam pucchatha amhakam tava assa ekam tandulanalikam agghanti natametam tumhe pana nissaya tandulanaliya aggham janitukamomhi sakkhissatha vo ranno santike thatva sa tandulanalika idannama agghatiti vattunti sace sakkhissamiti vadati tam gahetva ranno santikam gacchatha ahampi tattha gamissamiti.

--------------------------------------------------------------------------------------------- page192.

Assabanijo sadhuti bodhisattassa vacanam sampaticchitva agghapanikassa lancam datva tamattham arocesi. So lancam labhitvava sakkhissami tandulanalim agghapetunti. Tenahi gacchama rajakulanti tam adaya ranno santikam agamasi. Bodhisattopi annepi bahu amacca agamamsu. Assabanijo rajanam vanditva aham deva pancannam assasatanam ekatandulanaliagghanabhavam janami sa pana tandulanali kim agghati agghapanikam pucchatha devati pucchi. Raja tam pavuttim ajananto ambho agghapanika panca assasatani kim agghantiti pucchi. Tandulanalim devati. Hotu bhane assa tava tandulanalim agghanti sa pana kim agghati tandulanalikati pucchi. So balapuriso baranasim santarabahiram agghati tandulanalikati aha. So kira pubbe rajanam anuvattento ekam tandulanalim assanam agghamakasi puna banijakassa hatthato lancam labhitva tassa tandulanalikaya baranasim santarabahiram agghamakasi. Tada pana baranasiya pakaraparikkhepo dvadasayojaniko ahosi. Imissa antarabahiram pana tiyojanasatikam ratthanti. Iti so balo evam mahantam baranasim santarabahiram tandulanalikaya agghamakasi. Tam sutva bodhisatto pucchanto imam gathamaha kimagghati tandulanalika ca baranasiantarabahirani

--------------------------------------------------------------------------------------------- page193.

Assapancasatetani eka tandulanalikati. Tam sutva amacca panim paharitva hasamana mayam pubbe pathavinca rajjanca anagghanti sannino ahumha evam mahantam kira sarajakam baranasirajjam tandulanalimattam agghati aho agghapanikassa sampada kaham ettakam kalam agghapaniko thitosi amhakam rannoeva anucchavikoti parihasamakamsu. Tasmim kale raja lajjito tam balam nikkaddhapetva bodhisattasseva agghapanikatthanam adasi. Bodhisatto yathakammam gato. Sattha imam dhammadesanam aharitva dassetva dve vatthuni kathetva anusandhim ghatetva jatakam samodhanesi tada gamikabalaagghapaniko loludayi ahosi panditaagghapaniko ahameva ahositi desanam nitthapesi. Tandulanalijatakam pancamam. ---------------------

The Pali Atthakatha in Roman Book 35 page 189-193. http://84000.org/tipitaka/atthapali/read_rm.php?B=35&A=3959&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=35&A=3959&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=27&i=5 เนื้อความพระไตรปิฎกฉบับหลวง :- http://84000.org/tipitaka/read/r.php?B=27&A=30 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=27&A=29 The Pali Tipitaka in Roman Character :- http://84000.org/tipitaka/read/roman_read.php?B=27&A=29 Contents of The Tipitaka Volume 27 http://84000.org/tipitaka/read/?index_27