AtthaPali Vol.27

2. Jivitasuttavannana [91] Dutiyam atthuppattivasena desitam. Ekasmim hi samaye bhagavati kapilavatthusmim nigrodharame viharante bhikkhu agantukabhikkhunam senasanani pannapenta pattacivarani patisamenta samanera ca labhabhajaniyatthane sampattasampattanam

--------------------------------------------------------------------------------------------- page330.

Labham ganhanta uccasadda mahasadda ahesum. Tam sutva bhagava bhikkhu panamesi. Te kira sabbeva nava adhunagata imam dhammavinayam. Tam natva mahabrahma agantva "abhinandatu bhante bhagava bhikkhusamghan"ti ^1- tesam panamitabhikkhunam anugganhanam yaci. Bhagava tassa okasam akasi. Atha mahabrahma "katavakaso khomhi bhagavata"ti bhagavantam abhivadetva padakkhinam katva pakkami. Atha bhagava "bhikkhusamgho agacchatu"ti anandattherassa akaram dassesi. Atha te bhikkhu anandattherena pakkosita bhagavantam upasankamitva sarajjamanarupa ekamantam nisidimsu. Bhagava tesam sappayadesanam vimamsanto "ime amisahetu panamita, pindiyalopadhammadesana nesam sappaya"ti cintetva "antamidam bhikkhave"ti imam desanam desesi. Tatrayam antasaddo "santi bhikkhave eke samanabrahmana pubbantakappika pubbantanuditthino"tiadisu ^2- kotthase agato. "antamakasi dukkhassa, antava ayam loko parivatumo"tiadisu ^3- paricchede. "haritantam va pathantam va selantam va"tiadisu ^4- pariyadayam. "antam antagunan"tiadisu ^5- sariravayave. "caranti loke parivarachanna, anto asuddha bahi sobhamana"tiadisu ^6- citte, "appekaccani uppalani va padumani va pundarikani va udake jatani udake samvaddhani udakanuggatani anto nimuggaposini"tiadisu ^7- abbhantare. "miganam kotthuko anto pakkhinam pana vayaso erando anto rukkhanam tayo anta samagata"tiadisu ^8- @Footnote: ¹ Ma.Ma. 13/159/132 ² di.Si. 9/29/13 ³ di.Si. 9/54-5/23 @⁴ Ma.mu. 12/304/266 ⁵ di.maha. 10/377/251, khu.dha. 25/486/124 @⁶ sam.sa. 15/122/96, khu.maha. 29/889/548 @⁷ vi.maha. 4/9/9, di.maha. 10/70/34 ⁸ khu.ja. 27/486/124 (sya)

--------------------------------------------------------------------------------------------- page331.

Lamake. Idhapi lamake eva datthabbo. Tasma antamidam bhikkhave jivikananti bhikkhave idam jivikanam antam pacchimam lamakam, sabbanihinam jivitanti attho. Yadidam pindolyanti yam idam pindapariyesanena bhikkhacariyaya jivikam kappentassa jivitam. Ayam panettha padattho:- pindaya ulatiti pindolo, tassa kammam pindolyam, pindapariyesanena jivikati attho. Abhisapoti akkoso. Kupita hi manussa attano paccatthikam "pilotikakhandam nivasetva kapalahattho pindam pariyesamano careyyasi"ti akkosanti. Atha va "kim tuyham akatabbam ^1- atthi, yo tvam evam balaviriyupapannopi hirottappam pahaya kapano pindolo vicarasi pattapani"ti evampi akkosantiyeva. Tanca kho etanti tam etam abhisapampi samanam pindolyam. Kulaputta upenti atthavasikati mama sasane jatikulaputta ca acarakulaputta ca atthavasika karanavasika hutva karanavasam paticca upenti upagacchanti. Rajabhinitatiadisu ye ranno santakam khaditva ranna bandhanagare bandhapita palayitva pabbajanti, te ranna bandhanam abhinitatta rajabhinita nama. Ye pana corehi ataviyam gahetva ekaccesu mariyamanesu ekacce "mayam sami tumhehi vissattha geham anajjhavasitva pabbajissami, tattha tattha yam yam buddhapujadipunnam karissama, tato tumhakam pattim dassama"ti tehi vissattha pabbajanti, te corabhinita nama corehi maretabbatam abhinitatta. Ye pana inam gahetva patidatum asakkonta palayitva pabbajanti, te inatta nama. Tanca kho etam pindolyam kulaputta mama sasane neva rajabhinita .pe. Na ajivikapakata upenti, apica kho "otinnamha jatiya .pe. Pannayetha"ti upentiti padasambandho. @Footnote: ¹ Ma. akkositabbam

--------------------------------------------------------------------------------------------- page332.

Tattha otinnamhati otinna amha. Jatiyatiadisu tamhi tamhi sattanikaye khandhanam pathamabhinibbatti jati, paripako jara, bhedo maranam. Natirogabhogasiladitthibyasanehi phutthassa santapo anto nijjhanam soko, tehi phutthassa vacivippalapo paridevo. Anitthaphotthabbapatihatakayassa kayapilanam dukkham, aghatavatthusu upahatacittassa cetopilanam domanassam. Natibyasanadihi eva phutthassa paridevenapi adhivasetum asamatthassa cittasantapasamutthito bhuso ayaso upayaso. Etehi jatiadihi otinna dukkhotinna, tehi jatiadihi dukkhehi anto anupavittha. Dukkhaparetati tehi dukkhadukkhavatthuhi abhibhuta. Jatiadayo hi dukkhassa vatthubhavato dukkha, dukkhabhavato ca sokaparidevadukkhadomanassupayasa dukkhati. Appevanama .pe. Pannayethati imassa sakalassa vattadukkharasissa paricchedakaranam osanakiriya api nama pannayeyya. So ca hoti abhijjhaluti idam yo kulaputto "dukkhassa antam karissami"ti pubbe cittam uppadetva pabbajito aparabhage tam pabbajjam tatharupam katum na sakkoti, tam dassetum vuttam. Tattha abhijjhaluti parabhandanam abhijjhayita. Tibbasaragoti balavarago. Byapannacittoti byapadena putibhutatta vipannacitto padutthamanasankappo tikhinasingo viya candagono paresam upaghatavasena dutthacitto. Mutthassatiti bhattanikkhittakako viya mamsanikkhittasunakho viya ca natthassata idha katam ettha na sarati. Asampajanoti nippanno khandhadiparicchedarahito. Asamahitoti candasote baddhanava viya asanthito. Vibbhantacitto pantharulhamigo viya bhantamano. Pakatindriyoti yatha gihi samvarabhavena pariggahaparijane olokenti asamvutindriya, evam asamvutindriyo hoti. Chavalatanti chavanam daddhatthane alatam. Ubhato padittam majjhe guthagatanti pamanena atthangulamattam ubhato dvisu kotisu adittam majjhe guthamakkhitam.

--------------------------------------------------------------------------------------------- page333.

Neva gameti sace hi tam yuganangalagopanasipakkhapasakadinam atthaya upanetum sakka assa, game katthattham phareyya. Sace khettakutiyam katthattharamancakadinam atthaya upanetum sakka assa, aranne katthattham phareyya. Yasma pana ubhayatthapi na sakka, tasma evam vuttam. Tathupamahanti tathupamam chavalatasadisam aham imam yathavuttam puggalam vadami. Gihibhoga ca parihinoti yo agare vasantehi gihihi dayajje bhajiyamane annatha ca bhogo laddhabbo assa, tato ca parihino. Samannatthancati acariyupajjhayanam ovade thatva pariyattipativedhavasena pattabbam samannatthanca na paripureti. Imam pana upamam sattha na dussilassa vasena ahari, parisuddhasilassa pana alasassa abhijjhadihi dosehi dusitacittassa puggalassa vasena ahariti veditabbam. Gathasu gihibhogati kamasukhasambhogato. Parihinoti jino. Samannatthanti pativedhabahusaccanceva pariyattibahusaccanca. Tadiso hi asutam sotum sutam pariyodapetum na sakkoti alasabhavato. Dutthu bhagoti dubbhago, alakkhiko kalakannipuriso. Paridhamsamanoti vinassamano. Pakiretiti vikireti viddhamseti. Sabbametam bhavino samannatthassa anuppadanameva sandhaya vuttam. Chavalatamva nassatiti so tadiso puggalo yathavuttam chavalatam viya kassaci anupayujjamano eva nassatiti ubhato paribhatthabhavato. Evam "kayavacahi akatavitikkamopi cittam avisodhento nassati, pageva katavitikkamo dussilo"ti tassa apayadukkhabhagibhavadassanena dussile adinavam dassetva tato satte vivecetukamo "kasavakantha"tiadina gathadvayamaha. Tassattho hettha vutto eva. Dutiyasuttavannana nitthita. --------------

The Pali Atthakatha in Roman Book 27 page 329-333. http://84000.org/tipitaka/atthapali/read_rm.php?B=27&A=7294&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=7294&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=271 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6309 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6195 The Pali Tipitaka in Roman Character :- http://84000.org/tipitaka/read/roman_read.php?B=25&A=6195 Contents of The Tipitaka Volume 25 http://84000.org/tipitaka/read/?index_25