AtthaPali Vol.27

5. Pathamaesanasuttavannana [54] Pancame esanati gavesana pariyesana maggana. Ta vibhagato dassetum "kamesana"tiadi vuttam. Tattha kamesanati kamanam esana, kamasankhata va esana kamesana. Vuttanhetam:- "tattha katama kamesana, yo kamesu kamacchando kamarago kamanandi kamasneho kamapipasa kamamuccha kamajjhosanam, ayam vuccati kamesana"ti. ^1- Tasma kamarago kamesanati veditabbo. Bhavesanayapi eseva nayo. Vuttampi cetam:- "tattha katama bhavesana, yo bhavesu bhavacchando .pe. Bhavajjhosanam, ayam vuccati bhavesana"ti. ^1- Tasma bhavesanarago ruparupabhavapatthana bhavesanati veditabba. Brahmacariyassa esana brahmacariyesana. Yathaha:- "tattha katama brahmacariyesana, sassato lokoti va asassato lokoti va antava lokoti va anantava lokoti va tam jivam tam sariranti va annam jivam annam sariranti va hoti @Footnote: ¹ abhi.vi. 35/919/447-8

--------------------------------------------------------------------------------------------- page224.

Tathagato param maranati va na hoti tathagato param maranati va hoti ca na ca hoti tathagato param maranati va neva hoti na na hoti tathagato param maranati va. Ya evarupa ditthi ditthigatam ditthigahanam ditthikantaro ditthivisukayikam ditthivipphanditam ditthisam- yojanam gaho patiggaho ^1- abhiniveso paramaso kummaggo micchapatho micchattam titthayatanam vipariyesaggaho, ayam vuccati brahmacariyesana"ti. ^2- Tasma ditthigatasammatassa brahmacariyassa gavesana ^3- ditthibrahmacariyesanati veditabbati. Ettavata ragaditthiyo esanati dassita honti. Na kevalanca ragaditthiyova esana, tadekattham kammampi. Vuttampi cetam:- "tattha katama kamesana, kamarago tadekattham akusalam kayakammam vacikammam manokammam, ayam vuccati kamesana. Tattha katama bhavesana, bhavarago tadekattham akusalam kayakammam manokammam, ayam vuccati bhavesana. Tattha katama brahmacariyesana, antaggahika ditthi tadekattham akusalam kayakammam vacikammam manokammam, ayam vuccati brahmacariyesana"ti. ^2- Evameta tisso esana veditabba. Gathasu sambhavanti ettha esananam uppattihetubhuta avijjadayo tanha cati sambhavo, samudayoti attho. Yattha ceta nirujjhantiti brahmacariyesana pathamamaggena nirujjhati, kamesana anagamimaggena, bhavesana arahattamaggena nirujjhatiti veditabbam. Sesam vuttanayameva. Pancamasuttavannana nitthita. --------------- @Footnote: ¹ cha.Ma. patitthaho ² abhi.vi. 35/919/448 ³ cha.Ma. esana

The Pali Atthakatha in Roman Book 27 page 223-224. http://84000.org/tipitaka/atthapali/read_rm.php?B=27&A=4921&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=4921&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=25&i=232 เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=5469 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=5505 The Pali Tipitaka in Roman Character :- http://84000.org/tipitaka/read/roman_read.php?B=25&A=5505 Contents of The Tipitaka Volume 25 http://84000.org/tipitaka/read/?index_25