|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Aniyatakandavannana ime kho panayasmanto dve aniyata dhamma uddesam agacchanti. {443} Tena samayena buddho bhagavati pathamaaniyatasikkhapadam. Tattha kalayuttam samullapantoti kalam sallakkhetva yada na koci samipe gacchati va agacchati va tada tadanurupam kacci na ukkanthasi na kilamasi na chatasiti adikam gehasitakatham kathento. Kalayuttam dhammam bhanantoti kalam sallakkhetva yada anno koci agacchati va gacchati va tada tadanurupam uposatham kareyyasi salakabhattam dadeyyasiti adikam dhammakatham kathento. Bahu dhitaro ca putta ca assati bahuputta. Tassa kira dasa putta dasa dhitaro ca ahesum. Bahu nattaro assati bahunatta. Yatheva hi tassa evamassa puttadhitanampi visati daraka ahesum. Iti sa visuttaracatusataputtanattaparivara ahosi. Abhimangalasammatati uttamamangalasammata. Yannesuti danappadanesu. Chanesuti avahavivaha- mangaladisu antarussavesu. Ussavesuti asalhipavarananakkhattadisu mahussavesu. Pathamam bhojentiti imepi daraka taya samanayuka niroga hontuti ayacanta pathamamyeva bhojenti. Yepi saddha--------------------------------------------------------------------------------------------- page151.
Honti pasanna te bhikkhu bhojetva tadanantaram sabbappathamam tamyeva bhojenti. Na adiyiti tassa vacanam na ganhi. Na va adaramakasiti attho. {444-445} Alamkammaniyeti kammakkhamam kammayogganti kammaniyam. Alam pariyattam kammaniyabhavayati alamkammaniyam. Tasmim alamkammaniye. Yattha ajjhacaram karonta sakkonti tam kammam katum tadiseti attho. Tenevassa padabhajane vuttam sakka hoti methunam dhammam patisevitunti. Yattha methunam dhammam sakka hoti patisevitunti vuttam hoti. Nisajjam kappeyyati nisajjam kareyya nisideyyati attho. Yasma pana nisiditvava nipajjati tenassa padabhajane ubhayam vuttam. Tattha upanisinnoti upagantva nisinnoeva upanipannoti veditabbo. Bhikkhu nisinneti bhikkhumhi nisinneti attho. Ubho va nisinnati dvepi apaccha apurimam nisinna. Ettha ca kincapi paliyam sotassa rahoti agatam cakkhussa raheneva pana paricchedo veditabbo. Sace pihitakavatassa gabbhassa dvare nisinno vinnupuriso hoti neva anapattim karoti. Apihitakavatassa pana dvare nisinno anapattim karoti. Na kevalanca dvare antodvadasahatthepi okase nisinno sace sacakkhuko vikkhittacittopi niddayantopi anapattim karoti. Samipe thitopi andho na karoti. Cakkhumapi nipajjitva niddayanto na karoti. Itthinam pana satampi anapattim na karotiyeva. Saddheyyavacasati--------------------------------------------------------------------------------------------- page152.
Saddhatabbavacana. Sa pana yasma ariyasavikava hoti tenevassa padabhajane agataphalati adi vuttam. Tattha agatam phalam assati agataphala. Patiladdhasotapattiphalati attho. Abhisametaviniti patividdhacatussacca. Vinnatam sikkhattayasasanam etayati vinnatasasana. Nisajjam bhikkhu patijanamanoti kincapi evarupa upasika disva vadati athakho bhikkhu nisajjam patijanamanoyeva tinnam dhammanam annatarena karetabbo na apatijanamanoti attho. Yena va sa saddheyyavacasa upasika vadeyya tena so bhikkhu karetabboti nisajjadisu akaresu yena va akarena saddhim methunadhammadini ropetva sa upasika vadeyya patijanamanova tena so bhikkhu karetabbo. Evarupayapi upasikaya vacanamattena na karetabboti attho. Kasma. Yasma ditthannama tathapi hoti annathapi hoti. Tadatthajotanatthanca idam vatthum udaharanti. Mallaramavihare kira eko khinasavatthero ekadivasam upatthakakulam gantva antogehe nisidi. Upasikapi sayanapallankam nissaya thita hoti. Atheko pindacariko dvare thito disva thero upasikaya saddhim ekasane nisinnoti sannam patilabhitva punappunam olokesi. Theropi ayam mayi asuddhaladdhiko jatoti sallakkhetva katabhattakicco viharam gantva attano vasanatthanam pavisitva antova nisidi. So bhikkhu theram codessamiti agantva ukkasitva dvaram vivari. Thero tassa--------------------------------------------------------------------------------------------- page153.
Cittam natva akase uppatitva kutagarakannikam nissaya pallankena nisidi. Sopi bhikkhu anto pavisitva mancanca hetthamancanca oloketva theram apassanto uddham olokesi. Atha akase nisinnam theram disva bhante evam mahiddhika nama tumhe matugamena saddhim ekasane nisinnabhavam vadapethaevati aha. Thero antaragharasseveso avuso doso aham pana tam saddhapetum asakkonto evamakasim rakkheyyasi manti vatva otaratiti. {446} Ito param sa ce evam vadeyyati adi sabbam patinnaya karanakaradassanattham vuttam. Tattha matugamassa methunam dhammam patisevantoti matugamassa magge methunam dhammam patisevantoti attho. Nisajjaya karetabboti nisajjam patijanitva methunadhammapatisevanam apatijananto methunadhammaparajikapattiya akaretva nisajjamattena yam apattim apajjati taya karetabbo. Pacittiyaya karetabboti attho. Etena nayena sabbacatukkesu vinicchayo veditabbo. {451} Sikkhapadapariyosane apattanapattiparicchedadassanattham vuttesu gamanam patijanatiti adisu gamanam patijanatiti rahonisajjassadanattham gatomhiti evam gamanam patijanati. Nisajjanti nisajjassadeneva nisajjam patijanati. Apattinti tisu annataram apattim. Apattiya karetabboti tisu yam patijanati taya karetabbo. Sesamettha catukke uttanadhippayameva. Dutiyacatukke pana gamanam na patijanatiti rahonisajjassadavasena na--------------------------------------------------------------------------------------------- page154.
Patijanati. Salakabhattadina attano kammena gatomhi sa pana mayham nisinnatthanam agatati vadati. Sesametthapi uttanadhippayameva. Ayam pana sabbattha vinicchayo veditabbo. Rahonisajjassadoti methunadhammasannissitakileso vuccati. Yo bhikkhu tenassadena matugamassa santikam gantukamo akkhim anjeti dukkatam. Nivasanam nivaseti kayabandhanam bandhati civaram parupati sabbattha payoge payoge dukkatam. Gacchato padavare padavare dukkatam. Gantva nisidati dukkatameva. Matugame agantva nisinnamatte pacittiyam. Sace sa itthi kenacideva karaniyena utthaya punappunam nisidati nisajjaya nisajjaya pacittiyam. Yam sandhaya gato sa na dittha anna agantva nisidati assade uppanne pacittiyam. Mahapaccariyam pana gamanakalato patthaya asuddhacittatta apattiyevati vuttam. Sace sambahula agacchanti matugamagananaya pacittiyani. Sace utthaya utthaya punappunam nisidanti nisajjagananaya pacittiyani. Aniyametva ditthaditthaya saddhim rahassadam kappessamiti gantva nisinnassapi agatagatanam vasena punappunam nisajjavasena ca vuttanayeneva apattiyo veditabba. Sacepi suddhacittena gantva nisinnassa santikam agantva nisinnaya itthiya rahassado uppajjati anapattiyeva. Samutthanadini pathamaparajikasadisanevati. Pathamaniyatavannana nitthita.The Pali Atthakatha in Roman Book 2 page 150-154. http://84000.org/tipitaka/atthapali/read_rm.php?B=2&A=3136&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=2&A=3136&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=1&i=631 เนื้อความพระไตรปิฎกฉบับหลวง :- http://84000.org/tipitaka/read/r.php?B=1&A=19219 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=1&A=8522 The Pali Tipitaka in Roman Character :- http://84000.org/tipitaka/read/roman_read.php?B=1&A=8522 Contents of The Tipitaka Volume 1 http://84000.org/tipitaka/read/?index_1
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]