บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
4. Dutiyahatthakasuttavaṇṇanā [24] Catutthe pañcamattehi upāsakasatehīti sotāpannasakadāgāmi- anāgāmīnaṃyeva 6- ariyasāvakaupāsakānaṃ pañcahi satehi parivuto bhuttapātarāso @Footnote: 1 cha.Ma. taṃ eva 2 cha.Ma. uyyānakīḷikaṃ 3 cha.Ma. paricāriyamāno @4 cha.Ma. pahīyi 5 cha.Ma. ayaṃ pāṭho na dissati 6 cha.Ma. sotāpannasakadāgāmīnaṃyeva Gandhamālāvilepanacuṇṇādīni 1- gahetvā yena bhagavā tenupasaṅkami. Saṅgahavatthūnīti saṅgaṇhanakāraṇāni. 2- Tehāhanti tehi ahaṃ. Taṃ dāne saṅgaṇhāmīti naṅgalabalibaddabhattabījādīni ceva gandhamālāvilepanacuṇṇādīni 3- ca datvā saṅgaṇhāmi. Peyyavācenāti 4- ammatātabhātarabhaginītiādikena kaṇṇasukhena mudukena piyavacanena saṅgaṇhāmi. Atthacariyāyāti "imassa dānena vā piyavacanena vā kiccaṃ natthi, atthacariyāya saṅgaṇhitabbayuttako ayan"ti ñatvā uppannakiccanittharaṇasaṅkhātāya atthacariyāya saṅgaṇhāmi. Samānattatāyāti "imassa dānādīhi kiccaṃ natthi, samānattatāya saṅgaṇhitabbo ayan"ti ñatvā 5- ekato khādanapivananisajjādīhi attanā samānaṃ katvā saṅgaṇhāmi. Daliddassa kho no tathā sotabbaṃ maññantīti daliddassa kiñci dātuṃ vā kātuṃ vā asakkontassa, yathā daliddassa no tathā sotabbaṃ maññanti, mama pana sotabbaṃ maññanti, dinnovāde tiṭṭhanti, na me anusāsaniṃ atikkamitabbaṃ maññanti. Yoni kho tyāyanti upāyo kho te ayaṃ. Imesu pana dvīsupi suttesu satthārā sīlacāgapaññā missikā kathitāti veditabbā.The Pali Atthakatha in Roman Book 16 page 246-247. http://84000.org/tipitaka/atthapali/read_rm.php?B=16&A=5528 อรรถกถาบาลีอักษรไทย :- http://84000.org/tipitaka/atthapali/read_th.php?B=16&A=5528 อ่านอรรถกถาแปลไทย :- http://84000.org/tipitaka/attha/attha.php?b=22&i=97 เนื้อความพระไตรปิฎกฉบับหลวง :- http://84000.org/tipitaka/read/r.php?B=22&A=2776 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=22&A=2859 The Pali Tipitaka in Roman Character :- http://84000.org/tipitaka/read/roman_read.php?B=22&A=2859 Contents of The Tipitaka Volume 22 http://84000.org/tipitaka/read/?index_22
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]